Maan e fa sunnzun ase e yiyi ndɛ cinnjin’m be nun

Kɛ e kɔ sran’m be osu nianlɛ’n annzɛ kɛ e kle be Biblu’n nun like’n, ɔ fata kɛ e uka be naan be wun ndɛ cinnjin’m be wlɛ. Sɛ e yo sɔ’n ndɛ’n kán be awlɛn kpɛkun ɔ́ úka be naan be wla w’a finman ndɛ cinnjin’m be su.

Kɛ é síesíe e wun é kó nían sran kun i osu annzɛ é klé i Biblu’n nun like’n nán e fa e ɲin e sie i ndɛ tɛkɛtɛkɛ’m be su. Sanngɛ maan e fa sunnzun ase e yiyi ndɛ nga be ti cinnjin’n be nun. Maan sunnzun ase nga é fá be’n be wlɛ wunlɛ yo pɔpɔ. (Mt 5:14-16; Mr 2:21; Lik 14:7-11) I sɔ yolɛ’n nun’n maan e bu like nga sran’n si i’n ɔ nin ninnge ng’ɔ yo be’n be akunndan. (Lik 5:2-11; Zn 4:7-15) Sɛ e yo sɔ’n é dí aklunjuɛ, afin é síe i nzɔliɛ kɛ sran’n wunnin ndɛ’n i wlɛ.

AN NIAN VIDEO NGA BE FLƐ I KƐ MAAN E SI LIKE KLE KPA NAAN Y’A DI AKLUNJUƐ SRAN’M BE LIKE KLELƐ’N NUN: MAAN E FA SUNNZUN ASE E YIYI NDƐ CINNJIN’M BE NUN. I SIN’N, AN TƐ KOSAN NGA’M BE SU:

• 

  ?Ngue ti yɛ ɔ ti cinnjin kɛ e uka Biblu’n nun like suanfuɛ mun naan be wun Biblu’n nun ndɛ mma’m be wlɛ-ɔ?

• 

  ?Sunnzun ase benin yɛ Neta fali naan w’a yiyi Rɔmunfuɛ Mun 5:12 nun-ɔn?

• 

  ?Kɛ e fa sunnzun ase kpa e yiyi ndɛ’m be nun’n wafa sɛ yɛ i sɔ’n uka sran mun-ɔn?

• ?Kɛ é bó jasin fɛ’n ngue ti yɛ ɔ fata kɛ e fa video mun ɔ nin ninnge nga Zoova i anuannzɛ’n yili be’n e di junman-ɔn?