Ɲanmiɛn nian ɔ lika
AFƆTUƐ kpakpa nga e mian be wun’n be o Biblu’n nun. Biblu’n timan dɔɔtrɔ fluwa sanngɛ i nun ndɛ’n kwla uka e naan y’a wun e su sa’m be trawlɛ. Sa sɔ’m be nun wie yɛle e akunndan m’ɔ sanngan’n annzɛ e wla m’ɔ bo e wun tratra su’n annzɛ tukpacɛ fanunfanun mɔ be kle e yalɛ’n.
Ng’ɔ ti cinnjin kpa’n, yɛle kɛ Biblu’n kle kɛ e Ɲanmiɛn Zoovaa wun wafa nga e wun yo e’n i wlɛ kpa tra sran kwlakwla. Ɔ kunndɛ kpa kɛ ɔ́ úka e naan e wun e su sa’m be trawlɛ. Biblu’n nun ndɛ nga be kwla wla e fanngan kpa’n be nun nɲɔn yɛ:
“Zoova mantan be nga be awlɛn w’a kpɔtɔ be klun’n, ɔ de be nga be akunndan’n w’a sanngan’n.” —JUE MUN 34:18
“Min Zoova mɔ n ti ɔ Ɲanmiɛn’n, n tra ɔ sa fama’n nun, n se wɔ kɛ: ‘Nán srɛ kun wɔ. Ń úka wɔ.’”—EZAI 41:13
?Kɛ e ti nun sanngan’n wafa sɛ yɛ Zoova uka e-ɔ? Kɛ nga é wá wún i ndɛ nga i sin liɛ’n nun sa’n, Zoova uka e sa kpanngban nun.
a Zoova ti Ɲanmiɛn i dunman.—Jue Mun 83:18.