?Wan su yɛ a kwla fa ɔ wla’n gua-ɔ?—?I su ndɛ benin yɛ Biblu’n kan-ɔn?

Andɛ’n sran kpanngban be lafiman sran fi su. Afin be nga be fali be wla guali be su’n, be guali be ɲin ase.

• Sran’m be lafiman politikifuɛ’m be su. Afin nvlefuɛ’m be ndɛ loman be. Be ngunmin be wun akunndan yɛ be bu-ɔ.

• Sran’m be lafiman ndɛ nga be ti i aladio annzɛ televiziɔn nun, annzɛ ɛntɛnɛti su’n be su. Afin ndɛ nga be kɛn i lɔ’n, nɛ́n i ngba yɛ ɔ ti nanwlɛ-ɔ.

• Sran’m be lafiman siansifuɛ’m be su. Afin be ukaman sran’m be kpa kɛ ng’ɔ nin i fata’n sa.

• Sran’m be lafiman Ɲanmiɛn sulɛ wafa’m be su kpɛnngbɛn’m be su. Afin be kanman Ɲanmiɛn ndɛ, sanngɛ politikifuɛ’m be sin yɛ be jran-ɔn.

Sɛ sran’m be lafiman sran su sa ngbɛnngbɛn’n, be ndɛ yo fɛ. Afin Biblu’n se kɛ:

• “Nán amun fa amun wla gua sran dandan’m be su, nán amun fa amun wla gua klɔ sran m’ɔ kwlá deman sran’n i su.”—Jue Mun 146:3.

Sran kun o lɛ’n a kwla lafi i su

Biblu’n kle sran kun mɔ e kwla fa e wla e guɛ i su’n. Sran sɔ’n yɛle Zezi Klisi. Kɛ ɔ bali asiɛ’n su wa’n, ɔ yoli ninnge kpakpa mun. Sa nga ti yɛ e kwla fa e wla e guɛ i su’n i wie ekun yɛle kɛ Ɲanmiɛn sieli i Famiɛn. “I Famiɛn dilɛ’n su wieman le.” (Liki 1:32, 33) Zezi ti Ɲanmiɛn Sielɛ’n i su Famiɛn. Ɲanmiɛn Sielɛ’n ti awa kun, ɔ o ɲanmiɛn su lɔ.—Matie 6:10.

• Sɛ a kunndɛ kɛ á sí sa nga ti yɛ e kwla lafi Zezi su’n, kanngan ndɛ nga’m be nun: “?Wan yɛ ɔ ti Ɲanmiɛn Sielɛ’n i su famiɛn’n niɔn?” ɔ nin “?Ngue yɛ Ɲanmiɛn Sielɛ’n wá yó-ɔ?”