‘An uka be mɔ be leman wunmiɛn’n’

1. E ngba’n e leman wunmiɛn

Ninnge sunman nun.

Sanngɛ Zoova te klo e,

Ɔ nian e lika.

Ɔ ti aunnvuɛ sifuɛ,

Ɔ ti sran klofuɛ dan.

E kusu e klo sran wie,

E suɛn i bo kpa.

2. Pɔl waan sɛ sran le’a wunmiɛn’n,

N le’a wie kusu.

Klist i tɛ’n toli e ngba,

Naan y’a kwla ɲan nguan.

Be ti Ɲanmiɛn i sran,

Yɛ ɔ wla be fanngan.

Maan e si sran’m be aunnvuɛ

Naan y’a fɔnvɔ be.

3. Nán maan e bu sran’m be fɔ,

Sanngɛ e si kɛ

Sɛ e yo be ye’n, i liɛ’n,

Bé ɲán fanngan kpa.

Maan e mian e ɲin kpa

Naan e wla be fanngan.

Sɛ e uka be’n, i liɛ’n,

Be wun jɔ́ be dan.