ƝANMIƐN NDƐ’N NUN NINNGE KPAKPA WIE MUN | ZƆB 33–371

Janvuɛ kpa’n ɔ man afɔtuɛ m’ɔ wla sran fanngan’n

Nga be yili i fluwa su'n

Kɛ Elii boli ijɔlɛ bo’n, afɔtuɛ ng’ɔ mannin’n ɔ nin Elifazi nin Bildadi yɛ Zɔfar be liɛ’n timan kun. Yɛ wafa ng’ɔ kannin ndɛ’n kleli Zɔbu, ɔ nin be liɛ’n timan kun wie. I liɛ’n, ɔ kleli kɛ ɔ ti janvuɛ kpa nin afɔtuɛ manfuɛ kpa. I lɛ nun’n, ɔ kleli e ajalɛ kpa mɔ e kwla nian su ɔ.

Elii su kan ndɛ kle Zɔbu. Elifazi, nin Bildadi, yɛ Zɔfar be su niɛn i

AFƆTUƐ MANFUƐ KPA’N I NZUƐN’N	ELII KLELI E AJALƐ KPA
32:4-7, 11, 12; 33:1
Ɔ TRƐ I AWLƐN Ɔ SIE I SU TIE NDƐ’N Ɔ KAN NDƐ AƝINYIƐ SU	Elii trɛli i awlɛn minndɛli kɛ i ɲrun kpɛn’m be wie ijɔ ka naan w’a ijɔ. Ka naan w’a man afɔtuɛ’n, ɔ sieli i su tieli ndɛ’n. Ɔ maan ɔ wunnin ndɛ’n i wlɛ kpa. Elii fali Zɔbu i dunman’n flɛli i yɛ ɔ nin i be kannin ndɛ kɛ sran kun nin i janvuɛ sa.
33:6, 7, 32
Ɔ KƐN I WUN ASE BE KWLA FA BE WUN BE MƐNTƐN I Ɔ SI AUNNVUƐ	Elii yoli wun ase kanfuɛ nin klun ufuefuɛ, yɛ ɔ dili i nanwlɛ weiin kɛ ɔ ti sa tɛ yofuɛ wie. Ɲrɛnnɛn ng’ɔ o Zɔbu su ti’n, ɔ sili i aunnvuɛ.
33:24, 25; 35:2, 5
Ɔ YO NINNGE MUN NGWLƐLƐ SU I KLUN TI UFUE I AFƆTUƐ’M BE TAKA ƝANMIƐN NDƐ’N SU	Aɲinyiɛ su Elii kan kleli Zɔbu kɛ akunndan ng’ɔ bu’n timan su. Elii ukali Zɔbu naan w’a wun i wlɛ kɛ nán sɛsɛfuɛ mɔ i waan ɔ ti’n yɛ ɔ ti cinnjin ɔn. Elii i afɔtuɛ’m be ukali Zɔbu naan w’a kwla sɔ afɔtuɛ uflɛ nga i sin’n Zoova mɛnnin i’n nun.