Maan e si jasin fɛ’n i bo kpa tra laa—Mannzin ng’ɔ ta sran’m be anuan’n i wun’n, maan e ijɔ nun e bo jasin fɛ’n

?NGUE TI YƐ Ɔ TI CINNJIN-ƆN?: Andɛ’n, ajulisu mannzin’m b’a tru dan yɛ sa tɛ yolɛ’n kusu o lika kwlaa. I ti’n, sran’m be fa kamela nin mannzin nga be nin sran’m be ijɔ nun’n, be tɛ i be anuan’n wun. I liɛ’n, kannzɛ bɔbɔ b’a tikeman be anuan’n, be kwla wun sran ng’ɔ o anuan’n i sin’n yɛ be nin i be kwla koko yalɛ. Ɔ maan jasin fɛ bolɛ nun’n, kɛ e wunman sran nga e nin i su koko yalɛ’n, srɛ kwla kun e kan. Sɛ e ju sran kun i awlo’n i ɲrun naan mannzin sɔ wie o i anuan’n wun lɛ’n, ajalɛ nga’m be kwla uka e naan srɛ w’a kunman e.

?WAFA SƐ YƐ É YÓ I SƆ-Ɔ?:

• Nán e bu i kɛ sran’m be su tieman e ndɛ’n. Be nga mannzin sɔ’m be o be anuan’n i wun lɛ’n, be nun kaka be klo kɛ be nin e bé kókó yalɛ.

• Nán e wla fi su kɛ kamela wie o lɛ’n, kɛ e ju sran’n i anuan’n i ɲrun lɛ cɛ’n, nn w’a bo e nɛn’n i tralɛ bo. Ɔ maan kwlaa naan y’a tin butɔn’n su’n, sran’n wun e yɛ ɔ ti ndɛ kwlaa nga e kan’n.

• Kɛ sran’n ko tɛ su’n, maan e nin i e ijɔ kamela annzɛ mannzin’n nun kɛ ɔ o e ɲrun lɛ sa. Kɛ e nin sran’n é íjɔ’n, maan e sri kan yɛ wafa nga e siesie e sa’n maan ɔ yo kɛ nga e fa yo i’n titi’n sa. Sɛ sran’n w’a tikemɛn i anuan’n bɔbɔ’n, maan e kan ndɛ nga e sunnzunnin kɛ é kán’n. Sɛ kamela o anuan’n i wun lɛ’n, nán e fa e ɲrun’n e sie i wun koko dan. Sɛ sran fi tɛman e su’n, nán e kan ndɛ, maan e wɔ.

• Kannzɛ bɔbɔ e nin sran’n y’a wie yalɛ koko’n, sanngɛ nán e wla fi su kɛ sran’n te wun e yɛ ndɛ kwlaa nga e kan’n ɔ ti.