Pagtiripon sa Paglilingkod Para sa Abril
Semana nin Abril 5
10 min: Lokal na mga paisi. Piniling Mga Paisi sa An Satong Ministeryo sa Kahadean. Repasohon an “Puede daw Niatong Ialok an Librong Creator?” Imbitaran an gabos na interesado na umatender sa espesyal na pahayag-publiko sa Abril 18. An pahayag may temang “Tunay na Pakikikatood sa Dios Asin Kataed.”
15 min: “Galagang Ihulit an Maogmang Bareta.” Iintrodusir an artikulo sa laog nin mayo pang sarong minuto, asin sundan nin hapot-simbagan. Taposon paagi sa pamparigon sa boot basado sa School Guidebook, pahina 191-2, parapo 12-13.
20 min: “Kun Paano Nakikikooperar an mga Miembro kan Pamilya Para sa Lubos na Pakikikabtang—Sa Ministeryo.” Pag-orolay nin sarong pamilya. Pag-olayan an mga dahelan kun taano ta maninigong mansayon kan pamilya an paglilingkod sa langtad bilang regular na semanal na pinagkatodan na pinakikikabtangan kan gabos. Repasohon an pamparigon sa boot na itinao sa Setyembre 1, 1993 na Torrengbantayan, pahina 17-19, parapo 9-12. Agdahon an mga magurang na nagdadangog na isaysay kun paano ninda mapangganang inoorganisar an semanal na paglilingkod para sa saindang pamilya.
Kanta 67 asin pantapos na pamibi.
Semana nin Abril 12
10 min: Lokal na mga paisi. Report sa kuenta.
15 min: Lokal na mga pangangaipo.
20 min: “Dugangan an Pagpatotoo Mantang Nagrarani an Katapusan.” Hapot-simbagan. Interbiohon an saro o duwang parahayag na kaidto dai noarin man ninda inisip na sinda makikikabtang sa paghuhulit alagad ngonyan ginigibo na iyan nin regular huli ta nasabotan ninda an apuradong pangangaipo na ilakop an mensahe kan Kahadean. Sagkod na itinotogot nin oras, iiba an halipot na mga eksperyensia sa 1997 Yearbook, pahina 42-8, na ipinaheheling kun paano dinugangan kan mga parahayag an saindang paghihingoa na magpatotoo paagi sa pagduman sa mga lugar na may mga tawo.
Kanta 93 asin pantapos na pamibi.
Semana nin Abril 19
50 min: Lokal na mga paisi.
10 min: “Igwa daw Kamo nin Depinidong Pedido na Magasin?” Pahayag, na mas marahay na itao kan magurang sa kongregasyon o ministeryal na lingkod na nag-aasikaso kan mga magasin. Ipaaram sa kongregasyon kun pirang magasin an nareresibi kada bulan asin an promedyong bilang na irinereport na ikinapasakamot. Dai niato pagsayangon an mga magasin. Magtao nin mga suhestion na nagpapaheling kun paano puedeng idistribwir an daan na mga kopya.—Helingon an Agosto 1993 na An Satong Ministeryo sa Kahadean, pahina 1.
30 min: “Pagpapayunir—Madonong na Paggamit kan Satong Panahon!” Hapot-simbagan. Mag-asignar nin tolong laen-laen na indibiduwal na isaysay an mga eksperyensia na iinatubang sa parapo 5-7. Taposon paagi sa pag-agda sa gabos na puedeng magpayunir na estudyaran an pag-aplay sa paglilingkod bilang auxiliary o regular payunir. Makukua an mga aplikasyon sa siisay man na miembro kan Komite sa Paglilingkod kan Kongregasyon. Sabihon na bako pang gayo huri na isumitir an aplikasyon sa pag-auxiliary payunir sa Mayo.
Kanta 165 asin pantapos na pamibi.
Semana nin Abril 26
10 min: Lokal na mga paisi. Pagirumdomon an gabos na itao an report nin paglilingkod sa langtad para sa Abril. Ianunsiar an mga ngaran kan mga ma-auxiliary payunir sa Mayo, asin enkaminaron an iba na mag-aplay. Magtao nin nagkapirang nakatatabang na suhestion sa pag-atubang kan bagong mga magasin.—Helingon an Oktubre 1996 na An Satong Ministeryo sa Kahadean, pahina 8.
17 min: “Ano an Maninigo Kong Gibohon?” Pakatapos nin halipot na repaso kan artikulo kaiba kan mga nagdadangog, masdan an sarong tinedyer na nakikipag-olay sa saiyang magurang dapit sa mga plano para sa ngapit pagkagradwar sa haiskul. Magkaiba nindang rinerepaso an Hulyo 1998 An Satong Ministeryo sa Kahadean, pahina 4. Nagtatao nin sadol an magurang kaoyon sa pamparigon sa boot na itinao sa An Torrengbantayan na Pebrero 1, 1996, pahina 14, asin Disyembre 1, 1996, pahina 17-19. Ngonyan na an kahagadan na oras sa payunir ibinaba na, ineestudyaran kan tinedyer an posibilidad na magpayunir mientras na tinatapos an sarong sekular na edukasyon.
18 min: Interbiohon an mga Auxiliary Payunir. Iniinterbio kan paraataman sa paglilingkod an nagkapirang parahayag na nag-o-auxiliary payunir ngonyan na bulan saka an iba na ginibo man iyan kan nakaagi. Agdahon sindang isaysay an nagkapira sa mga bendisyon na nakamtan ninda, kun ano an nagibo ninda, asin kun taano ta inaantisipar nindang mag-auxiliary payunir giraray kisuerra saro o duwang bulan kada taon.
Kanta 69 asin pantapos na pamibi.