Iskedyul sa Pagtiripon sa Paglilingkod
Semana nin Marso 13
10 min: Lokal na mga paisi. Piniling Mga Paisi sa An Satong Ministeryo sa Kahadean.
15 min: “Kita Naghuhulit nin Maogmang Bareta.” Limitaran an introduksion sa dai pang sarong minuto, asin sundan nin hapot-simbagan. Magtao nin mga halimbawa nin positibong mga punto sa Kasuratan na makukua sa librong Kaaraman kun iinaalok iyan sa ministeryo.
20 min: “Magigibo daw Niato an Abril 2000 na Mani Satong Pinakamarahay na Bulan Kasuarin Man?” (Parapo 1-11) Hapot-simbagan. Sambiton an pinakahalangkaw na kabilangan nin mga auxiliary payunir sa nakaagi pa sanang kasaysayan kan kongregasyon. Hagadon sa nagkapira na kabilang dian na isaysay an personal na mga pakinabang na nakukua ninda sa pagdagdag sa saindang kabtang sa ministeryo. Enkaminaron an kongregasyon na maghingoang maabot an bagong pinakahalangkaw na kabilangan sa auxiliary payunir durante kan Abril. Repasohon an mga kualipikasyon na itinao sa librong Our Ministry, pahina 113-14. An mga parahayag na nagmamawot na mag-auxiliary payunir puedeng kumua nin aplikasyon pakatapos kan pagtiripon.
Kanta 187 asin pantapos na pamibi.
Semana nin Marso 20
10 min: Lokal na mga paisi. Report sa kuenta.
15 min: “Ano daw an Magigibo Ko?” Ipinakikipag-olay kan namamayo sa pag-adal sa libro an artikulo sa saro o duwang ministeryal na lingkod. Huli sa manlaenlaen na limitasyon, may mga parahayag na tibaad naghohona na kadikit an ikinakokontribwir ninda sa aktibidad kan kongregasyon. Repasohon an nagkapira sa dakol na paagi na kita gabos makagigibo nin mahalagang kontribusyon sa pagpapakosog kan kongregasyon asin pagpapalakop kan gibohon na pan-Kahadean. Taposon paagi sa pagpaheling kun paano an balang saro magkakaigwa nin “Share in a Final Report.”—Helingon an Our Ministry, pahina 108-10.
20 min: “Magigibo daw Niato an Abril 2000 na Mani Satong Pinakamarahay na Bulan Kasuarin Man?” (Parapo 12-18) Hapot-simbagan. Iiba an halipot na demonstrasyon kun paano iimbitaran sa Memorial an sarong personal na kamidbid. Repasohon an “Teokratikong Kalendaryo Para sa Abril 2000,” asin sabihon an mga pagtiripon bago lumuwas sa paglilingkod na nakaplano sa lokal. Pagirumdomon an balang saro na gumibo nin praktikal na iskedyul sa pakikikabtang sagkod sa mapupuede sa ministeryo durante kan bulan na iyan, sa siring ginigibong pasohan an 100 porsientong pakikikabtang kan kongregasyon. Enkaminaron an gabos na may kakayahan na mag-auxiliary payunir asin kumua nin aplikasyon pakatapos kan pagtiripon.
Kanta 65 asin pantapos na pamibi.
Semana nin Marso 27
10 min: Lokal na mga paisi. Pagirumdomon an gabos na itao an report nin paglilingkod sa langtad para sa Marso. Ianunsiar an ngaran kan mga ma-auxiliary payunir sa Abril. Ipaliwanag na bako pang huring marhay na itao an aplikasyon. Itao an kompletong iskedyul nin mga pagtiripon bago lumuwas sa paglilingkod sa langtad na nakaplano para sa bulan na iyan. Enkaminaron an gabos na makikabtang sa ministeryo ngonyan na Sabado asin Domingo, na pinoponan an Abril paagi sa pakikikabtang sa ministeryo. Iaalok niato an indibiduwal na mga kopya kan An Torrengbantayan asin Awake! durante kan bulan na iyan. Itampok an sarong artikulo asin angay na puntong mapag-oolayan na magagamit nin epektibo sa mga pag-atubang kan lambang bagong luwas. An gabos maninigong magkaigwa nin kopya kan brosyur na Kahagadan asin maghingoang gamiton iyan sa pagpoon nin mga pag-adal sa Biblia sa mga interesado.
13 min: “Humagad nin Tabang.” Pahayag asin pakikipag-olay sa mga nagdadangog na pangengenotan nin sarong magurang sa kongregasyon. Ipaliwanag kun paano kita gabos nangangaipo nin sarong klase nin tabang sa panapanahon. Siempre, an balang saro maninigong magpasan kan saiyang sadiring pasan. (Gal. 6:5) Minsan siring, kun dai na niato makaya, maninigo na dai kita mag-alangan na humagad nin tabang sa maygurang sa espirituwal na miembro kan kongregasyon. Imbitaran an mga nagdadangog na magsaysay nin mga eksperyensia na nagpapaheling kun paano nakaparigon sa boot ninda an maboot na tabang nin iba.
10 min: Lokal na mga pangangaipo.
12 min: Repasohon an 2000 Yearbook. Pakikipag-olay sa mga nagdadangog asin repaso kan mga tampok na kabtang kan “1999 Grand Totals,” na nasa pahina 31. Ipakipag-olay man an “A Letter From the Governing Body,” na nasa pahina 3-5. Humagad nin mga komento sa nagkapira sa kun paano ninda idadagos an pag-enkaminar na itinao.
Kanta 195 asin pantapos na pamibi.
Semana nin Abril 3
10 min: Lokal na mga paisi asin mga eksperyensia sa paglilingkod sa langtad. Gumamit nin piniling dai pa sana nahahaloy na mga eksperyensia hale sa lokal na teritoryo na makaeenkaminar sa iba na makikabtang.
17 min: “Pag-adal kan Daniel’s Prophecy.” Hapot-simbagan. Komentohan sa halipot kun paano na kita nasa kamugtakan na makinabang sa pag-adal sa libro kan Biblia na Daniel. (Helingon an kapitulo 1, parapo 15-17, sa librong Daniel’s Prophecy.) Enkaminaron an gabos na umatender nin regular sa Pag-adal sa Libro kan Kongregasyon.
18 min: Maninigo Ko daw na Isumbong an Magabat na Pagkakasala? Seryosong pahayag nin sarong magurang sa kongregasyon, na ipinanonongod sa mga hoben. Dakol na problema an luminataw sa presenteng sosyedad na may nakadadanyar na epekto sa mga hoben: nagluluyang mga pamantayan sa moral, nagdadakol na kadahasan, pagkaadikto sa droga, asin kadaihan nin paggalang sa autoridad. An nagkapirang tinedyer doble-kara an buhay, na itinatago an saindang salang gawe-gawe. Ini nag-aatubang nin tunay na peligro sa espirituwal na ikararahay kan bilog na kongregasyon. May mga nakakokomiter nin magabat na pagkakasala asin gustong ihilom iyan. Kun maisihan nindo na an sarong tugang na lalaki o babae sa kongregasyon nakagibo nin sarong seryosong pagbalga sa ley nin Dios, ano an maninigo nindong gibohon? Estudyaran an prinsipyo na itinao sa Levitico 5:1. (Helingon an Agosto 15, 1997 Watchtower, pahina 27-30.) Helingon an librong Young People Ask, pahina 68-9, asin ipaliwanag kun ano an maninigong gibohon nin saro sa siring na situwasyon.
Kanta 68 asin pantapos na pamibi.