Iskedyul sa Pagtiripon sa Paglilingkod
Semana nin Hunyo 12
8 min: Lokal na mga paisi. Piniling Mga Paisi sa An Satong Ministeryo sa Kahadean.
15 min: “An Saindong Pagpapagal Bakong Sayang Sana.” Limitaran an introduksion sa dai pang sarong minuto, asin sundan nin hapot-simbagan. Iiba an mga komento sa eksperyensia na isinaysay sa Torrengbantayan na Hunyo 15, 1996, pahina 32.
22 min: Pagpoon nin mga Pag-adal sa Biblia sa Brosyur na Kahagadan. Sarong pahayag, na rinerepaso an artikulo sa An Satong Ministeryo sa Kahadean na Enero 1999, pahina 6. Idemonstrar an isinuherir na pag-atubang sa parapo 6. Ipasaysay sa halipot sa saro o duwang parahayag an kapangganahan ninda sa pagpoon nin mga pag-adal, na sinasabi kun paano ninda iinintrodusir an pag-adal asin kun ano an ginibo ninda tangani na ikapadagos an pag-adal serosemana.
Kanta 209 asin pantapos na pamibi.
Semana nin Hunyo 19
10 min: Lokal na mga paisi. Report sa kuenta.
10 min: Pahayag nin sarong magurang sa kongregasyon sa “Hapot” na nasa pahina 3.
25 min: ‘Paano Ko Magigibo Iyan kun Daing Gumiya sa Sako?’ Hapot-simbagan na kokonduktahan kan paraataman sa paglilingkod. Ipabasa an kada parapo, asin basahon an mga teksto sa parapo 3, 4, asin 7. Kun pinag-oolayan an parapo 6, ipaliwanag an papel kan paraataman sa paglilingkod sa pagdeterminar kun baga maninigong konduktahan pa nin personal na pag-adal sa Biblia o dai an mga bautisado na.—Helingon an “Hapot” sa An Satong Ministeryo sa Kahadean na Nobyembre 1998.
Kanta 89 asin pantapos na pamibi.
Semana nin Hunyo 26
10 min: Lokal na mga paisi. Pagirumdomon an mga parahayag na itao an report nin paglilingkod sa langtad para sa Hunyo. Repasohon an alok sa Hulyo. Sambiton kun anong mga brosyur an makukua, asin magkaigwa nin inandam na marhay na demonstrasyon na nagpapaheling kun paano iaalok sa ministeryo an brosyur na Sarong Libro Para sa Gabos na Tawo.
17 min: “Magin Matinao, Andam na Manhiras.” Hapot-simbagan. Iiba an apat na dahelan “Kun Taano ta Nagtatao Kita” na ipinaliwanag sa Torrengbantayan na Nobyembre 1, 1996, pahina 29-30.
18 min: Aramon Kun Paano Matao nin Simbag. (Col. 4:6) Pahayag asin pakikipag-olay sa mga nagdadangog. Ano an ginigibo nindo kun nakanunupar kamo nin indibiduwal na nagpapalataw nin bakong sono sa Kasuratan na argumento? An librong Reasoning parateng nakakatabang paagi sa pagtao nin praktikal na mga suhestion kun paano matao nin mataktikang simbag. Halimbawa, dakol na tawo an kombensido na dai malilikayan an kagadanan, na nagtutubod pa ngani sa falsong ideya nin reenkarnasyon. Ipakipag-olay an mga simbag na itinatao sa librong Reasoning sa kabtang na “If Someone Says—” na nasa pahina 103-4 asin 321. Enkaminaron an gabos na darahon an libro sa ministeryo sa langtad.
Kanta 44 asin pantapos na pamibi.
Semana nin Hulyo 3
10 min: Lokal na mga paisi. Ipasaysay sa mga parahayag na nakapoon nin mga pag-adal sa brosyur na Kahagadan kun paano ini nagibo.
15 min: Lokal na mga pangangaipo.
20 min: An Pag-aplikar kan mga Prinsipyo sa Biblia Nagpapakosog sa Buhay Pampamilya. Pag-oolay nin duwang tugang na lalaki, basado sa walong punto na trinatar sa librong Reasoning, pahina 253-4. Ipaliwanag an importansia nin pagtabang sa mga inaadalan sa Biblia na manodan na an sekreto sa kaogmahan nin pamilya depende sa pakasabot asin pag-aplikar kan mga prinsipyo sa Tataramon nin Dios. Ginagamit an leksion 8 sa brosyur na Kahagadan, ipaheling kun paano ini magigibo. An mga pamilya na naghihimate sa hatol kan Biblia nagkakaurugos asin nakanonompong nin dagdag na kagayagayahan sa dayupot na pagkaminotan patin pagkasararo. Isaysay an eksperyensia sa librong Kaogmahan nin Pamilya, kapitulo 13, parapo 1, 21-2.
Kanta 51 asin pantapos na pamibi.