Iskedyul sa Pagtiripon sa Paglilingkod
PASABOT: An Satong Ministeryo sa Kahadean maiskedyul nin Pagtiripon sa Paglilingkod para sa kada semana durante kan Disyembre asin Enero. Puedeng gumibo nin mga pagliliwat an mga kongregasyon kun kaipuhan tangani na matawan nin lugar an pag-atender sa “Mga Paraotob kan Tataramon nin Dios” na Pandistritong Kombension. Duwa sagkod apat na semana pagkatapos kan kombension, iiiskedyul an 30 minutos na repaso kan mga tampok na kabtang kan programa sa Pagtiripon sa Paglilingkod. Sa panahon na iyan, an lambang saro magigin andam na boluntaryong magkomento nin halipot kun pakomentohon nin tolong kualipikadong tugang na lalaki na asignadong mangenot sa kabtang na ini. An mga komentong iyan puedeng magpahayag kun paano an nanodan sa kombension minaaplikar sa buhay asin ministeryo sa langtad nin saro. Puedeng magsaysay nin saro o duwang eksperyensia. An marahay na preparasyon kan gabos iyo an liabe sa pagigin pareho interesante asin nakapagtotokdo kan Pagtiripon sa Paglilingkod na ini.
Semana nin Nobyembre 13
7 min: Lokal na mga paisi. Piniling Mga Paisi sa An Satong Ministeryo sa Kahadean.
13 min: “Hapot.” Pahayag nin sarong magurang sa kongregasyon.
10 min: “Yaon daw Kamo Duman?” Hapot-simbagan, na ipinaheheling kun paano seseguradohon nin patienot na pagplano asin positibong aktitud an satong pagigin nasa kombension sa pagpoon pa sana kaiyan.
15 min: “Inaapresyar daw Nindo an Sagradong mga Bagay?” Pahayag na may pakikikabtang an mga nagdadangog na pangengenotan nin sarong magurang sa kongregasyon sa suplemento na nasa pahina 3.
Kanta 63 asin pantapos na pamibi.
Semana nin Nobyembre 20
8 min: Lokal na mga paisi. Report sa kuenta.
22 min: “Pagkultibar kan Interes na Napukaw kan Kingdom News Num. 36.” Hapot-simbagan sa parapo 1-5. Itao an lokal na mga areglo sa pagkobre nin arin man na teritoryo na dai pa nahulitan. Repasohon an mga pag-atubang sa parapo 7 asin 8 para sa mga pagdalaw liwat, asin ipademonstrar an kada saro. Idoon an importansia nin pagkultibar kan gabos na interes asin paghihingoa na makapoon nin mga pag-adal sa Biblia. Taposon paagi sa pagtratar kan parapo 9 asin kan sitadong mga teksto.
15 min: “Magin Atento sa Sagradong mga Tataramon.” Hapot-simbagan sa suplemento na nasa pahina 4. Idoon an mga dahelan kun taano kita gabos ta maninigong nakatukaw na sa pagpoon kan lambang sesyon.
Kanta 141 asin pantapos na pamibi.
Semana nin Nobyembre 27
10 min: Lokal na mga paisi. Pagirumdomon an mga parahayag na itao an report nin paglilingkod sa langtad para sa Nobyembre. An alok sa Disyembre iyo an brosyur na Sarong Libro Para sa Gabos na Tawo kaiba an New World Translation. Ipaliwanag kun paano nagkaigwa an Mga Saksi ni Jehova nin dakulang kabtang sa pagprodusir kan Biblia sa dakol na lenguahe.—Helingon an Torrengbantayan na Oktubre 15, 1997, pahina 11-12.
20 min: “Papagdanayon an Marahay na Gawe-gawe na Nagpapamuraway sa Dios.” Ipinakikipag-olay nin sarong magurang sa kongregasyon sa sarong pamilya an artikulo na nasa pahina 5 kan suplemento. Rinerepaso ninda an kaipuhan nindang gibohon tangani na mapagdanay an pagigin areglado, marahay na ugale, kalinigan, asin arogan na itsura patin gawe-gawe sa pampublikong mga lugar durante kan kombension.
15 min: Paano Ko Makokontrol an Sakong Ugale sa Pagdalan nin TV? Kinakaolay nin sarong magurang sa kongregasyon an sarong hoben na tugang na lalaki na nagkapirang oras sa sarong aldaw na nagdadalan nin TV. Sa primero, iiniinsistir kan tugang na lalaki na mayo man nin maraot dian. Sinasabi nia na iyan saro sanang klase nin pagpaharohayahay asin na sia dai man gayong apektado. Rinerepaso kan magurang sa kongregasyon an pangenot na mga punto sa kapitulo 36 kan librong Young People Ask. Ipinaliliwanag nia na an sobrang pagdalan nin TV nagkokonsumo nin mahalagang marhay na oras na puede kutanang ginamit sa personal na pag-adal, pagmiministeryo, o pagtabang sa mga pangangaipo kan kongregasyon. Ipinahahayag kan hoben na tugang na lalaki an pag-apresyar sa hatol asin nagsasabi na para sa saiyang espirituwal na kapakinabangan, babagohon nia an saiyang ugale sa pagdalan nin TV.
Kanta 175 asin pantapos na pamibi.
Semana nin Disyembre 4
10 min: Lokal na mga paisi.
20 min: “Padagos na Maghulit!” Pahayag asin interbio. An iba nagpadagos sa paghuhulit sa bilog nindang buhay. Huli sa positibong aktitud, nakanompong sinda nin kagayagayahan sa paggibo kaiyan. (Helingon an librong Kaaraman, pahina 179, parapo 20, asin an Torrengbantayan na Mayo 1, 1992, pahina 21-2, parapo 14-15.) Ipasaysay sa sarong parahayag na aktibo sa dakol na taon an mga dahelan kun taano sia ta nagpapadagos sa paghuhulit.
15 min: Gamiton na Marahay an Librong Reasoning. Hapot-simbagan sa pahina 7-8. Ipaheling kun paano dinisenyo an librong ini tangani na matabangan kita na mag-andam para sa orog na epektibong pakikikabtang sa ministeryo. Ipaliwanag kun paano magagamit an libro kun naghuhulit paagi sa telepono. Idemonstrar kun paano makakukua nin nakakatabang na impormasyon sa pagsimbag sa sarong hapot. Sadolon an gabos na magin pamilyar sa librong ini, papagdanayon iyan sa saindang bag, asin regular iyan na gamiton.
Kanta 218 asin pantapos na pamibi.