Repaso sa Teokratikong Paadalan sa Pagmiministro

Serado an librong repaso sa materyal na kaiba sa mga asignasyon sa Teokratikong Paadalan sa Pagmiministro sa mga semana nin Setyembre 3 sagkod Disyembre 24, 2001. Gumamit nin separadong papel na susuratan kan mga simbag sa pinakadakol na hapot na mahihimo nindo sa itinaong oras.

[Pasabot: Sa oras kan nasusurat na repaso, an Biblia sana an puedeng gamiton sa pagsimbag sa arin man na hapot. An mga reperensia na kasunod kan mga hapot para sa personal nindong pagsiyasat. An numero kan pahina asin parapo tibaad dai lumataw sa gabos na reperensia sa An Torrengbantayan o The Watchtower.]

Simbagon nin Tama o Sala an kada saro sa minasunod na mga pahayag:

1. Huling an pagtubod sarong bunga kan espiritu nin Dios, an mga tawong dai nagtutubod dai naghahanap kan espiritung iyan, o ginigibo ninda iyan para sa salang katuyohan o linalabanan an pagpunsionar kaiyan sa saindang buhay. (Luc. 11:13; Gal. 5:22) [rs-E p. 129 par. 1]

2. Tama an pagkasabi kan Salmo 58:4 na an rimoranon igwa nin mga “talinga” na dai nagpupunsionar huli ta iyan natural na bungog. [Semanal na babasahon sa Biblia; helingon an Rbi8-E p. 1583.]

3. An “dakulang hukbo” nin mga babae na nasambitan sa Salmo 68:11 mga babaeng oripon na taga ibang nasyon na pinatalingkas sa pagkabihag kan mga lalaking taga Israel kan nananakop nin kaiwal na mga nasyon. [Semanal na babasahon sa Biblia; helingon an w86-E 10/15 p. 30 par. 6.]

4. Kun an panahon asin paagi nin pagkagadan nin saro patienot nang itinalaga sa oras nin pagkamundag o mas naenot pa, dai na kaipuhan na lumikay sa peligrosong mga situwasyon o asikasohon an salud nin saro, asin an pagmamaan sa mga peligro para sa kaligtasan dai makaliliwat sa kabilangan nin nagagadan. [rs-E p. 138 par. 3]

5. An sinabi ni Pablo na “dai noarin man pagtogotan na basangbasangon nin siisay man an saimong pagkabarobata” nagpaparisa na si Timoteo tinedyer sana o labi pa sanang 20 anyos. (1 Tim. 4:12) [w99-BI 9/15 p. 29 par. 1-3; p. 31 par. 2]

6. Siring kan nakarekord sa Salmo 110:​1, an “sakong Kagurangnan” ipinanonongod ki Jesus. [Semanal na babasahon sa Biblia; helingon an w94-BI 6/1 p. 28 par. 5.]

7. Sa librong Mga Salmo, an ngaran na Jehova minalataw nin mga 700 na beses, asin an pinahalipot na pormang “Jah,” 43 na beses, kaya gabos-gabos an ngaran nin Dios nasasambitan nin mga 5 beses, sa promedyo, sa kada Salmo. [si-E p. 104 par. 23]

8. Minsan ngani si Jesus inaapod sa Kasuratan na “sarong dios,” “Makakamhan na Dios” pa ngani, dai sia inaapod na makakamhan sa gabos sa arin man na kabtang. (Juan 1:1; Isa. 9:6; Gen. 17:1) [rs-E p. 150 par. 2]

9. An pag-adal sa libro nin Talinhaga, sa katunayan, pag-adal sa mismong kadonongan ni Salomon. [si-E p. 106 par. 1]

10. An hatol kan Biblia, na yaon sa Talinhaga 21:​17, na likayan an ‘pagkamoot sa kasingawan’ nagpaparisa na an pag-oroogma sala huli ta kinukua kaiyan an panahon sa mas importanteng mga bagay. [Semanal na babasahon sa Biblia; helingon an w97-BI 10/1 p. 27 par. 7.]

Simbagon an minasunod na mga hapot:

11. Ano an itinokdo kan mahoyong pagsagwe ni Jesus ki Marta? (Luc. 10:​40, 41) [w99-BI 9/1 p. 30 par. 7]

12. Sa anong “kamurawayan” dinara ni Jehova an salmista? (Sal. 73:24) [Semanal na babasahon sa Biblia; helingon an w86-E 12/15 p. 28 par. 3.]

13. Anong pagmansay sa mga pribilehio nin paglilingkod an ipinahahayag kan salmista na nakarekord sa Salmo 84:​1-3? [Semanal na babasahon sa Biblia; helingon an w97-BI 3/15 p. 8 par. 5-7.]

14. Paano ipinaheheling kan Kapahayagan 22:17 asin Roma 2:​4, 5 na dai inaaram antes pa o patienot na itinatalaga ni Jehova an gabos na ginigibo nin mga tawo? [rs-E p. 141 par. 1-2]

15. Huling an enot na mga Kristiano nagtutubod sa Milenyal na Paghade ni Jesus na nasambitan sa librong Kapahayagan, anong mga impluwensia an nagin dahelan nin pagsikwal sa huri kan apostatang mga Kristiano sa katokdoan na ini nin Dios? [w99-BI 12/1 p. 6 par. 3–​p. 7 par. 5]

16. Anong mga limitasyon sa pagpaheling nin “personal na interes” sa ibang tawo an maninigong otobon nin mga Kristiano? (Fil. 2:4) [w99-BI 12/1 p. 29 par. 1]

17. Ano an isinusuherir kan pagkasambit sa Salmo 128:3 manongod sa mga aki na “siring sa mga supang nin mga kahoy na olibo” sa palibot nin lamesa nin sarong tawo? [Semanal na babasahon sa Biblia; helingon an w00-E 8/15 p. 30 par. 4.]

18. Kun madiskobre niato na makangingirhat an mga ginibo nin Dios, paano iyan makaaapektar sa sato? (Sal. 139:14) [Semanal na babasahon sa Biblia; helingon an w93-BI 10/1 p. 15 par. 18.]

19. Taano an Talinhaga 5:​3, 4 ta nagtataram manongod sa mga epekto nin inmoralidad na “siring kapait kan ajenjo” asin “siring katarom nin espada na may duwang tarom”? [Semanal na babasahon sa Biblia; helingon an w00-E 7/15 p. 29 par. 2.]

20. Kaoyon kan Talinhaga 14:​29, paano kita matatabangan nin pakamansay na malikayan an mga epekto nin pagkadaing pasensia asin grabeng kaanggotan? [Semanal na babasahon sa Biblia; helingon an w97-BI 3/15 p. 13 par. 7-8.]

Ibugtak an termino o frase na kaipuhan tanganing makompleto an kada saro sa minasunod na mga pahayag:

21. An tunay na mga propeta nagtaram ․․․․․․․․ asin ipinahayag an ․․․․․․․․ . (Deut. 18:18-​20; 1 Juan 4:​1-3) [rs-E p. 132 par. 3; p. 133 par. 2]

22. Duwa an katuyohan kan Talinhaga​—magtao nin ․․․․․․․․ asin ․․․․․․․․ . (Tal. 1:​1-4) [w99-BI 9/15 p. 13 par. 1]

23. An “hilom na lugar kan Kaharohalangkawe” sarong lugar nin ․․․․․․․․ para sa mga naninindogan sa lado nin Dios sa isyu nin ․․․․․․․․ ; iyan “hilom,” o dai aram, nin mga tawo na ․․․․․․․․ . (Sal. 91:1) [Semanal na babasahon sa Biblia; helingon an w86-E 12/15 p. 29 par. 6.]

24. An ‘dai paglingaw sa gabos na ginibo ni Jehova’ minalataw na konektado sa ․․․․․․․․ sa ‘saiyang mga ginibo,’ saiyang mga gibo nin mamomoton na kabootan na sinabi sa ika-103 nin Salmo. (Sal. 103:2) [Semanal na babasahon sa Biblia; helingon an w99-BI 5/15 p. 21 par. 5-6.]

25. An talinhaga sarong malaog na kasabihan na naggagamit nin ․․․․․․․․ asin dinisenyo tangani na ․․․․․․․․ . [si-E p. 107 par. 6]

Pilion an tamang simbag sa kada saro sa minasunod na mga pahayag:

26. Minsan ngani may dahelan sia na maanggot huli sa tratamiento na naeksperyensiahan ki Saul, pinogolan ni David an saiyang sadiri huli ta (narealisar nia na si Saul bakong sangkap asin na an mga lingkod nin Dios dapat na magpatawad; malinaw sa isip nia an saiyang relasyon ki Jehova; aram nia na sala na magin mapaghusgar). (1 Sam. 24:​6, 15) [w99-BI 8/15 p. 8 par. 7]

27. An (kadonongan; disiplina; katanosan) kombinasyon nin dakol na bagay, kaiba an pakasabot, pakarorop, pagigin alisto sa isip, asin kakayahan sa pag-isip; an (karahayan; pakasabot; marahay na paghusgar) iyo an abilidad na masabotan an sarong bagay asin mamansayan an minabilog kaiyan paagi sa pagsabot sa koneksion kan mga kabtang sa balang saro asin sa kabilogan, sa siring nasasabotan an kahulogan kaiyan. (Tal. 1:​1-4) [w99-BI 9/15 p. 13 par. 2]

28. An kosog ni Jose na labanan an inmoral na mga alok kan agom ni Potifar naggikan sa (saiyang kaaraman sa Ley ni Moises, na kinondenar an pakikisaro; tamang pagkatakot huli sa magabat na posisyon kan agom kaini; pagpahalaga sa saiyang relasyon ki Jehova). (Gen. 39:​7-9) [w99-BI 10/1 p. 29 par. 3]

29. An kagsurat kan Salmo 119 malinaw na may hararom na pag-apresyar sa (tataramon, o ley, nin Dios; regalong buhay; paglaom na kaligtasan), na nasasambitan sa haros gabos na bersikulo kan salmo. [Semanal na babasahon sa Biblia; helingon an w99-BI 11/1 p. 10 par. 5 (w99-E 11/1 p. 9 par. 5); w87-E 3/15 p. 24 par. 2.]

30. Sa enot na duwang kapitulo kan surat ni Pablo sa mga (taga Roma; taga Galacia; Hebreo), may makukua kitang dakol na kotasyon sa Mga Salmo mapadapit sa (mas halangkaw na katongdan; bautismo; daganon na ministeryo) ni Jesu-Cristo. [si-E p. 105 par. 28]

Ipadis an minasunod na mga teksto sa mga pahayag na nasa ibaba:

Tal. 2:19; 14:15; 18:17; Roma 10:17; Heb. 13:18

31. Tangani na magkaigwa nin pagtubod, an saro dapat ngunang aramon kun ano an sinasabi kan Biblia asin siyasaton iyan nin maingat. [rs-E p. 130 par. 3]

32. Dai puedeng aprobaran nin mga Kristiano an mga gibohon sa negosyo na madaya o na dai iniintindi an lehitimong mga interes nin iba. [w99-BI 9/15 p. 10 par. 2]

33. An mga nakakomiter nin seksuwal na inmoralidad tibaad makaabot sa punto na dai na puedeng sumibog, arin na baga an kagadanan, bago pa posibleng marahayan. [w99-BI 11/15 p. 27 par. 4-5]

34. An madonong asin mapagmansay na tawo tinitirotimbang an mga resulta kan saiyang aksion asin dai nagsusunod na garo buta sa bagong dalagan nin mga bagay huli sana ta iyan popular. [Semanal na babasahon sa Biblia; helingon an g94-E 12/8 p. 16 par. 1.]

35. Minsan ngani an argumento nin saro tibaad garo totoo asin tama, madonong na dangogon an duwang lado nin sarong bagay bago magkonklusyon. [si-E p. 111 par. 36]