Iskedyul sa Pagtiripon sa Paglilingkod

Semana nin Disyembre 12

Kanta 32

10 min: Lokal na mga paisi. Piniling Mga Paisi sa An Satong Ministeryo sa Kahadean. Gamiton an mga suhestion na nasa pahina 8 (kun angay sa saindong teritoryo) tangani na idemonstrar kun paano iaatubang an Torrengbantayan na Disyembre 15 asin an Awake! na Disyembre 22. Pakatapos kan lambang demonstrasyon, magkomento kun gurano kapasil na iiba an sarong teksto sa pag-atubang. Pagirumdomon an mga parahayag dapit sa mga petsa kan mga programa sa pansirkitong asamblea asin aldaw nin espesyal na asamblea para sa 2006 kun aram na an mga ini.

15 min: “Sarong Paadalan na Nagtatabang sa Sato na Gumibo nin Praktikal na Pag-aplikar.” Pahayag kan paraataman sa paadalan. Iiba an mga komento hale sa suplemento kan An Satong Ministeryo sa Kahadean na Nobyembre 2005.

20 min: “Edukasyon na Minagiya Pasiring sa Buhay.”a Iareglo nin patienot an saro o duwa na magkomento sa kun paano sinda nakinabang sa edukasyon nin Dios.

Kanta 101 asin pantapos na pamibi.

Semana nin Disyembre 19

Kanta 160

5 min: Lokal na mga paisi. Sambiton an espesyal na mga areglo sa paglilingkod sa langtad para sa Disyembre 25 asin Enero 1. Pagirumdomon an gabos na darahon an isyu kan Awake! na Enero 2006 sa masunod na semanang Pagtiripon sa Paglilingkod.

15 min: “Magpaheling nin Personal na Interes—⁠Paagi sa Pagigin Madaling Makibagay.”b Iiba an sarong halipot na demonstrasyon na nagpapaheling kun paano puedeng liwaton nin sarong parahayag an saiyang pamamaagi basado sa mga komento kan kagharong.

25 min: “Ngonyan Na an Panahon na Maghulit!”c Iareglo nin patienot an saro o duwang regular payunir na magkomento manongod sa mga pagliliwat na ginibo ninda tanganing makapagpayunir asin sa bendisyon na nakamtan ninda bilang resulta.

Kanta 56 asin pantapos na pamibi.

Semana nin Disyembre 26

Kanta 85

10 min: Lokal na mga paisi. Basahon an report sa kuenta asin mga pasasalamat sa donasyon. Pagirumdomon an mga parahayag na itao an report nin paglilingkod sa langtad para sa Disyembre. Sambiton an alok sa Enero, asin sabihon kun saen makukua an isinuherir na mga pag-atubang.

15 min: Lokal na mga pangangaipo.

20 min: Bagong mga Kabtang kan Awake! Pahayag asin pakikipag-olay sa mga nagdadangog. Sambiton an mga pagbabago sa Awake! na ipinaisi sa An Satong Ministeryo sa Kahadean na Marso 2005, pahina 1, parapo 5-6. Iiba an mga komento sa “To Our Readers” sa Awake! na Enero 2006, pahina 3-4. Sambiton an mga halimbawa kun paano an magasin direktang ginigiyahan sa Biblia an mga nagbabasa. Imbitaran an mga nagdadangog na magkomento manongod sa bagong kabtang na nasa pahina 31. Padagos niatong iaalok sa enot na pagsongko An Torrengbantayan asin Awake! bilang magkapadis. Siempre, saro sanang kopya kan lambang isyu kan Awake! an ipapasakamot niato sa mga ruta niato sa magasin asin sa iba na regular na nag-aako kan mga magasin. Ginagamit an mga suhestion na nasa pahina 8 (kun angay sa saindong teritoryo), idemonstrar kun paano iaatubang an Torrengbantayan na Enero 1 asin an Awake! na Enero. Puedeng gumamit nin iba pang realistikong mga pag-atubang. Iiiba sa isyu kan An Satong Ministeryo sa Kahadean na Enero an ikaduwang pag-atubang para sa Awake! na Enero na nagtatampok sa saro kan sekondaryong mga artikulo. An duwang pag-atubang na iyan puedeng gamiton sa bilog na bulan.

Kanta 222 asin pantapos na pamibi.

Semana nin Enero 2

Kanta 5

5 min: Lokal na mga paisi.

15 min: “Madonong na Gamiton an Satong Basado sa Bibliang mga Babasahon.”d Iiba an mga komento na nasa An Satong Ministeryo sa Kahadean na Setyembre 2002, pahina 1.

10 min: “Naggagamit daw Kamo nin mga Handbill?” Pahayag asin pakikipag-olay sa mga nagdadangog. Imbitaran an mga nagdadangog na magkomento manongod sa marahay na mga resulta na nakamtan sa paggamit nin mga handbill. Iiba an sarong halipot na demonstrasyon nin sarong parahayag na iniimbitaran an sarong interesado sa pagtiripon na ginagamit an sarong handbill.

15 min: Pagpabanaag kan mga Pamantayan nin Dios sa Satong Paggubing Asin Pag-alinyar. Pahayag asin pakikipag-olay sa mga nagdadangog nin sarong magurang sa kongregasyon basado sa Torrengbantayan na Agosto 1, 2002, pahina 17-19. Imbitaran an mga nagdadangog na magkomento sa kun paano an satong arogan na itsura puedeng makabukas kan dalan sa pagpatotoo.

Kanta 48 asin pantapos na pamibi.

[Mga Nota sa Ibaba]