Iskedyul sa Pagtiripon sa Paglilingkod
PASABOT: Saro o duwang bulan pagkatapos na umatender sa “Diosnon na Pagkuyog” na Pandistritong Kombension, maninigong magtagama nin 15 sagkod 20 minutos sa Pagtiripon sa Paglilingkod (na tibaad ginagamit an kabtang na lokal na mga pangangaipo) para sa repaso kan mga punto hale sa kombension.—Helingon An Satong Ministeryo sa Kahadean na Oktubre 2005, p. 2.
Semana nin Enero 9
10 min: Lokal na mga paisi. Ginagamit an mga suhestion sa pahina 8, idemonstrar kun paano iaatubang an Torrengbantayan na Enero 15 asin an Awake! na Enero.
15 min: “An Librong Itinotokdo kan Biblia—Pangenot Niatong Pantabang sa Pag-adal sa Biblia.”a Papangenotan kan paraataman sa paglilingkod.
20 min: “Kun Paano Mapoon nin mga Pag-adal sa Biblia sa Librong Itinotokdo kan Biblia.” Pakikipag-olay sa mga nagdadangog na may mga demonstrasyon basado sa pahina 3 kan suplemento. Iareglo an tolong demonstrasyon na ipinapaheling kun paano gagamiton an (1) pahina 4-5, (2) pahina 6, asin (3) enot na parapo sa pahina 7 sa pagpoon nin pag-adal sa Biblia kun nagdadalaw liwat. Taposon an lambang demonstrasyon paagi sa pag-areglo kan parahayag para sa masunod na pagdalaw.
Kanta 125 asin pantapos na pamibi.
Semana nin Enero 16
10 min: Lokal na mga paisi. Piniling Mga Paisi sa An Satong Ministeryo sa Kahadean. Enkaminaron an gabos na makakagibo na dalanon an video na Transfusion-Alternative Health Care—Meeting Patient Needs and Rights bilang pag-andam para sa pag-orolay na gigibohon sa Pagtiripon sa Paglilingkod pakalihis nin duwang semana.
15 min: Organisado sa Paggibo kan Kabotan ni Jehova. Pahayag asin pakikipag-olay sa mga nagdadangog basado sa pahina 4-7 kan librong Organisado sa Paggibo kan Kabotan ni Jehova. Pakatapos kan introduksion na mayo pang tolong minuto basado sa pahina 4, ipakipag-olay sa mga nagdadangog an pahina 5 sagkod sa subtema sa pahina 7. Pag-oolayan an dugang pang mga kabtang kan librong Organisado sa maabot na mga Pagtiripon sa Paglilingkod.
20 min: “Mga Hoben na Nagliliwanag Siring sa mga Ilaw.”b Imbitaran an mga hoben na ipaliwanag kun paano sinda nakapagpatotoo sa eskuelahan.
Kanta 107 asin pantapos na pamibi.
Semana nin Enero 23
10 min: Lokal na mga paisi. Basahon an report sa kuenta asin mga pasasalamat sa donasyon. Ginagamit an mga suhestion sa pahina 8, idemonstrar kun paano iaatubang an Torrengbantayan na Pebrero 1 asin an Awake! na Pebrero.
15 min: Lokal na mga pangangaipo.
20 min: “Magpaheling nin Personal na Interes—Paagi sa Paghapot Asin Paghinanyog.”c Kun pinag-oolayan an parapo 2, hapoton an mga nagdadangog kun anong mga hapot an nanompongan nindang epektibo sa pagpoon nin mga pakikipag-olay. Idemonstrar kun paano eenganyaron an sarong tawo na magtaram paagi sa paggamit nin mataktikang mga hapot asin paghinanyog nin atento.
Kanta 205 asin pantapos na pamibi.
Semana nin Enero 30
10 min: Lokal na mga paisi. Sambiton an alok sa Pebrero, asin ipademonstrar an sarong pag-atubang.
15 min: Pahayag nin sarong magurang sa kongregasyon sa temang “An Saindo daw na Konsensia Napatuod nin Marhay?,” basado sa artikulo kan Torrengbantayan sa isyu na Oktubre 1, 2005, pahina 12-15.
20 min: “Sarong Video na Nagpapaliwanag nin Importanteng Medikal na Pamamaagi sa Presente.” Basahon an Gibo 15:28, 29, asin idoon sa halipot na an pinakaimportanteng dahelan kun taano an mga Kristiano ta habong magpaineksion nin dugo iyo an paggalang sa ley nin Dios mapadapit sa kabanalan nin dugo. Dangan pag-olayan an video na Patient Needs and Rights, na ginagamit an mga hapot sa artikulo. Taposon paagi sa pagbasa kan ultimong parapo. (Pasabot: Sa kongregasyon na mayo ni saro na igwa kan videong ini, maninigong itao nin sarong magurang sa kongregasyon an pahayag basado sa Torrengbantayan na Hunyo 15, 2004, pahina 29-31.)
Kanta 45 asin pantapos na pamibi.
Semana nin Pebrero 6
10 min: Lokal na mga paisi.
25 min: Pagigin Pamilyar sa Satong Bagong Pantabang sa Pagtotokdo. Pahayag asin pakikipag-olay sa mga nagdadangog. Imbitaran an mga nagdadangog na magkomento sa mga aspekto kan librong Itinotokdo kan Biblia na nagugustohan ninda, arog kan mga hapot na nasa irarom kan titulo kan kapitulo asin kahon sa repaso na nagtatampok kan prinsipal na mga punto kan lambang kapitulo (p. 106, 114), kan bisual na mga pantabang (p. 122-3, 147, 198), asin kan apendise (p. 197, par. 1-2). May init asin nakakaakit an paagi nin pagtotokdo kan libro (p. 12, par. 12). Iyan nagtatao nin simple asin malinaw na mga paliwanag (p. 58, par. 5) asin naggagamit nin epektibong mga ilustrasyon (p. 159, par. 12). Dinisenyo an introduksion tangani na tabangan kita na makapoon nin mga pag-adal sa Biblia (p. 3-7). Idemonstrar kun paano gagamiton an kahon sa pahina 7 sa sarong bagong inaadalan sa Biblia.
10 min: An Pag-auxiliary Payunir Nagbubunga nin mga Bendisyon. (Tal. 10:22) Imbitaran an mga nag-auxiliary payunir kan nakaaging tig-init na iestorya an mga kagayagayahan na naeksperyensiahan ninda bilang resulta. Enkaminaron an gabos na mapagngayongayong horophoropon kun baga makakapag-auxiliary payunir sinda durante kan Marso, Abril, asin Mayo.
Kanta 16 asin pantapos na pamibi.
[Mga Nota sa Ibaba]
a Limitaran an introduksion sa mayo pang sarong minuto, asin sundan nin hapot-simbagan.
b Limitaran an introduksion sa mayo pang sarong minuto, asin sundan nin hapot-simbagan.
c Limitaran an introduksion sa mayo pang sarong minuto, asin sundan nin hapot-simbagan.