Iskedyul sa Pagtiripon sa Paglilingkod
Semana nin Nobyembre 10
10 min: Lokal na mga paisi. Iiba an mga komento kan paraataman sa paglilingkod manongod sa ginigibo kan kongregasyon na pagdistribwir sa bilog na teritoryo kan pulyetong Gusto daw Nindong Maaraman an Katotoohan? Repasohon nin halipot an sampol na mga presentasyon para sa Watchtower na Nobyembre 1 asin Awake! na Nobyembre na makukua sa pahina 8.
15 min: Pataluboon an Mamomoton Asin Matinaong Ugale. Pahayag nin magurang sa kongregasyon basado sa Torrengbantayan na Nobyembre 15, 2008, pahina 6-7.
20 min: “Igwa Kita nin Mahalagang Marhay na mga Kayamanan na Dapat Ihiras.”a Kun tinotokar an parapo 2, dagkahon an mga nagdadangog na magkomento manongod sa espesipikong mga katotoohan sa Biblia na nakaakit sa sainda na lumaog sa organisasyon ni Jehova o na mas lubos nindang naapresyar poon kan sinda mabautismohan.
Semana nin Nobyembre 17
10 min: Lokal na mga paisi. Piniling Mga Paisi sa An Satong Ministeryo sa Kahadean.
15 min: Pagtokar sa “Hapot” sa pahina 7.b
20 min: “Puede Kamong Magin Paratokdo!”c Interbiohon an sarong parahayag o payunir na napangganahan an pakamate nin kadaihan nin kakayahan na magkondukta nin pag-adal sa Biblia. Paano sia nagsarig ki Jehova para sa tabang? Sa anong espesipikong mga paagi nakatabang sa saiya an organisasyon na magin kualipikado? Anong mga balos an naeksperyensiahan nia sa pakikikabtang sa pagkondukta nin pag-adal sa Biblia?
Semana nin Nobyembre 24
10 min: Lokal na mga paisi. Basahon an report sa kuenta asin mga pasasalamat sa donasyon. Sambiton an alok sa Disyembre, asin ipademonstrar an saro o duwang presentasyon.
20 min: Lokal na mga pangangaipo.
15 min: Mag-andam sa Pag-alok kan Watchtower na Disyembre 1 asin Awake! na Disyembre. Magtao nin halipot na sumaryo kan laog kan mga magasin, asin hapoton an mga nagdadangog kun arin na mga artikulo an puedeng mas magustohan kan mga tawo sa lokal na teritoryo. Anong mga hapot asin teksto an puedeng magamit tanganing iintrodusir an mga artikulo? Idemonstrar kun paano puedeng gamiton an sampol na presentasyon sa An Satong Ministeryo sa Kahadean. Ipademonstrar sa saro sa kamagurangan an sarong halipot na presentasyon na inandam nia basado sa sarong artikulo na angay sa lokal na teritoryo.
Semana nin Disyembre 1
10 min: Lokal na mga paisi. Pagirumdomon an mga parahayag na itao an report nin paglilingkod sa langtad para sa Nobyembre.
15 min: An Teokratikong Paadalan sa Pagmiministro Para sa 2009. Totokaron kan paraataman sa paadalan an bagong Teokratikong Paadalan sa Pagmiministro na yaon sa irarom kan “Mga Instruksion” sa suplemento na Iskedyul sa Teokratikong Paadalan sa Pagmiministro. Magkonsentrar sa mga pagliliwat na gigibohon. Dagkahon an gabos na magin maigot sa paggibo kan saindang mga asignasyon, sa pag-andam na magkomento sa tampok na mga kabtang kan Biblia, asin sa pag-aplikar kan mga komentong itinatao kada semana kan paraataman sa paadalan basado sa Makinabang sa Edukasyon sa Teokratikong Paadalan sa Pagmiministro.
20 min: “Andamon an mga Bagohan na Atubangon an Pagtumang.”d Kun tinotokar an parapo 2, tokaron nin halipot kun paano an impormasyon sa librong Reasoning sa irarom kan “Jehovah’s Witnesses” makakatabang sa mga inaadalan sa Biblia na simbagon an mga hapot hale sa nagmamakolog na mga paryente asin katood.
[Mga Nota sa Ibaba]
a Dai dapat magsarong minuto an introduksion, asin sundan iyan nin hapot-simbagan.
b Dai dapat magsarong minuto an introduksion, asin sundan iyan nin hapot-simbagan.
c Dai dapat magsarong minuto an introduksion, asin sundan iyan nin hapot-simbagan.
d Dai dapat magsarong minuto an introduksion, asin sundan iyan nin hapot-simbagan.