Mga Reperensiya Para sa Workbook sa Pagtiripon na Pamumuhay Asin Ministeryo
© 2022 Christian Congregation of Jehovah’s Witnesses
ENERO 2-8
KAYAMANAN NA YAON SA TATARAMON NIN DIYOS | 2 HADI 22-23
“Taano ta Dapat Kitang Magin Mapakumbaba?”
An Mapakumbabang si Josias Nagkamit kan Pabor ni Jehova
Poon sa amay na aga, an mga naghihirahay kan templo mahigos na nagtatrabaho. Daing duwa-duwa na nagpapasalamat si Josias ki Jehova na hinahale kan mga trabahador an danyos na ginibo sa harong nin Dios kan nagkapira sa saiyang maraot na mga apoon. Mantang nagpapadagos an trabaho, si Safan nagdatong sa pagpaabot nin bareta. Alagad ano ini? Tara, sia may darang sarong balumbon! Ipinaliliwanag nia na nanompongan ni Halangkaw na Saserdote Hilcias “an libro kan ley ni Jehova paagi sa kamot ni Moises.” (2 Cronica 34:12-18) Abaa karahay kan nadiskobreng ini—daing duwa-duwa na an orihinal na kopya kan Ley!
Si Josias galagang dangogon an gabos na tataramon kan libro. Mantang nagbabasa si Safan, hinihingoa kan hade na masabotan kun paano minaaplikar sa saiya asin sa banwaan an lambang pagboot. Nangorogna siang nagulat sa pagdodoon kan libro sa tunay na pagsamba asin sa paghula kan mga damat asin pagkadistiero na maabot kun an banwaan mapalabot sa falsong relihion. Narealisar ngonyan na bakong gabos na pagboot nin Dios naotob, pinasing ni Josias an saiyang mga gubing asin pinagbotan si Hilcias, Safan, asin iba pa: ‘Hapota nindo si Jehova manongod sa mga tataramon kan librong ini; huli ta dakula an kabangisan ni Jehova na luminaad tumang sa sato huli ta an satong mga apoon dai naghinanyog sa mga tataramon kan librong ini.’—2 Hade 22:11-13; 2 Cronica 34:19-21.
An Mapakumbabang si Josias Nagkamit kan Pabor ni Jehova
An mga mensahero ni Josias dinumanan si Hulda na propetisa sa Jerusalem asin nagbalik dara an sarong bareta. Ipinaabot ni Hulda an tataramon ni Jehova, na nagpaparisa na an mga kalamidad na nasusurat sa libro na bagong makua mangyayari sa apostatang nasyon. Minsan siring, huli sa pagpakumbaba nia mismo sa atubangan ni Jehova Dios, dai maeeksperyensiahan ni Josias an kalamidad. Isasaro sia sa saiyang mga apoon asin dadarahon sa saiyang lolobngan sa katoninongan.—2 Hade 22:14-20; 2 Cronica 34:22-28.
Espirituwal na Kayamanan
Puede Kamong Mapakarhay Ano Man an Pagkapadakula sa Saindo
Sa ibong kan nakadadanyar na mga kamugtakan sa saiyang amay na pagkaniaki, ginibo ni Josias an marahay sa pagheling ni Jehova. Nagin mapangganang marhay an saiyang paghade kaya an Biblia nagsasabi: “Mayo nin hade na naenot sa saiya na nagin siring sa saiya na nagbalik ki Jehova sa bilog niang puso asin sa bilog niang kalag patin sa bilog niang kosog, sono sa gabos na ley ni Moises; minsan sa hudian nia mayo nin naglataw na siring sa saiya.”—2 Hade 23:19-25.
Abaa kanakaparirigon sa boot na halimbawa si Josias para sa mga tibaad nangaipong tagalan an sarong teribleng pagkaniaki! Ano an manonodan niato sa saiyang halimbawa? Ano an nakatabang ki Josias na pilion an tamang dalan asin magdanay dian?
ENERO 9-15
KAYAMANAN NA YAON SA TATARAMON NIN DIYOS | 2 HADI 24-25
“Papagdanayon an Saimong Pagkaapurado”
Harani Na an Aldaw nin Paghokom ni Jehova!
2 An panhuhula ni Sofonias daing duda na lalong ipinarealisar sa hoben na si Josias an pangangaipo na haleon sa Juda an maating pagsamba. Alagad an ginibo kan hade na paghale kan falsong relihion sa daga dai nakahale sa gabos na karatan sa tahaw kan banwaan o nakatubos sa mga kasalan kan saiyang apoon, si Hadeng Manases, na ‘pinano an Jerusalem nin inosenteng dugo.’ (2 Hade 24:3, 4; 2 Cronica 34:3) Kaya an aldaw nin paghokom ni Jehova seguradong maabot.
Tampok na mga Kabtang sa Libro nin Jeremias
An taon 607 B.C.E. Si Zedequias nasa ika-11 taon kan saiyang pagkahade. Sinalikopan ni Hadeng Nabucodonosor kan Babilonya an Jerusalem sa nag-aging 18 bulan. Kan ikapitong aldaw kan ikalimang bulan kan ika-19 taon kan paghade ni Nabucodonosor, si Nabuzaradan, an hepe kan mga guardia, “nag-abot” sa Jerusalem. (2 Hade 25:8) Tibaad hale sa saiyang kampo na nasa luwas kan mga lanob kan siudad, hineling ni Nabuzaradan an situwasyon asin plinano an gigibohon. Pakalihis nin tolong aldaw, kan ikasampulo kan bulan, sia “nag-abot,” o naglaog, sa Jerusalem. Asin sinolo nia an siudad.—Jeremias 52:12, 13.
Espirituwal na Kayamanan
Tampok na mga Kabtang sa Libro nin Ikaduwang Hade
24:3, 4. Huli sa kasalan sa dugo ni Manases, si Jehova “dai nagtogot na magtao nin kapatawadan” sa Juda. Iginagalang nin Dios an dugo kan mga daing sala. Makakakompiar kita na ibabalos ni Jehova an dugong daing sala paagi sa paglaglag sa mga responsable na nagpabolos kaiyan.—Salmo 37:9-11; 145:20.
ENERO 16-22
KAYAMANAN NA YAON SA TATARAMON NIN DIYOS | 1 CRONICA 1-3
“An Bibliya—Sarong Libro nin Katotoohan, Bako nin Uruistorya”
w09-TG 9/1 14 ¶1
Adan at Eva—Talaga Bang Nabuhay Sila?
Kuning halimbawa ang talaangkanan ng mga Judio na nakaulat sa aklat ng Bibliya na Unang Cronica kabanata 1 hanggang 9 at sa Ebanghelyo ni Lucas kabanata 3. Ang kahanga-hanga at detalyadong ulat na ito ng talaangkanan ay sumasaklaw ng 48 at 75 henerasyon. Iniuulat ni Lucas ang talaangkanan ni Jesu-Kristo, samantalang iniuulat naman ng Cronica ang talaangkanan ng mga hari at saserdote ng bansang Israel. Mababasa sa mga talaangkanang ito ang mga pangalan ng kilalang mga tao na gaya nina Solomon, David, Jacob, Isaac, Abraham, Noe, at Adan. Ang lahat ng pangalang binanggit sa dalawang talaang ito ay mga taong talagang nabuhay. At sa parehong talaang ito, nakalista si Adan na unang taong nabuhay.
w08-TG 6/1 3 ¶4
Si Noe at ang Baha—Isang Tunay na Pangyayari, Hindi Kathang-Isip
Dalawang talaangkanang binabanggit sa Bibliya ang nagpapatotoo na isang tunay na persona si Noe. (1 Cronica 1:4; Lucas 3:36) Sina Ezra at Lucas, na bumuo ng mga talaangkanang ito, ay maiingat na mananaliksik. Itinala ni Lucas na si Jesu-Kristo ay mula sa talaangkanan ni Noe.
w09-TG 9/1 14-15
Adan at Eva—Talaga Bang Nabuhay Sila?
Kuning halimbawa ang turo ng Bibliya na napakahalaga sa maraming nagsisimba—ang pantubos. Ayon sa turong ito, ibinigay ni Jesu-Kristo ang kaniyang sakdal na buhay-tao bilang pantubos upang iligtas ang mga tao sa kanilang kasalanan. (Mateo 20:28; Juan 3:16) Gaya ng alam natin, ang pantubos ay kabayaran na kasinghalaga ng isang bagay na tinutubos. Kaya inilalarawan ng Bibliya si Jesus bilang “katumbas na pantubos.” (1 Timoteo 2:6) Baka maitanong natin, ‘Katumbas ng ano?’ Ganito ang sagot ng Bibliya: “Kung paanong kay Adan ang lahat ay namamatay, gayundin naman kay Kristo ang lahat ay bubuhayin.” (1 Corinto 15:22) Ang sakdal na buhay na inihandog ni Jesus para tubusin ang masunuring sangkatauhan ay katumbas ng sakdal na buhay na naiwala ni Adan nang magkasala siya sa Eden. (Roma 5:12) Maliwanag, kung hindi umiral si Adan, walang saysay ang haing pantubos ni Kristo.
Espirituwal na Kayamanan
it-2-TG 1255 ¶2-3
Talaangkanan
Mga Pangalan ng mga Babae. Paminsan-minsan, ang mga babae ay binabanggit sa mga rehistro ng mga talaangkanan kapag hinihiling iyon sa kasaysayan. Sa Genesis 11:29, 30 ay binabanggit si Sarai (Sara), maliwanag na dahil ang ipinangakong Binhi ay manggagaling sa kaniya, hindi sa iba pang asawa ni Abraham. Maaaring kaya binanggit si Milca sa salaysay ring iyon ay sapagkat siya ang lola ni Rebeka na asawa ni Isaac, sa gayon ay ipinakikita na ang angkan ni Rebeka ay nagmula sa mga kamag-anak ni Abraham, yamang hindi dapat kumuha si Isaac ng asawa mula sa ibang mga bansa. (Gen 22:20-23; 24:2-4) Sa Genesis 25:1, ibinibigay naman ang pangalan ng mas huling asawa ni Abraham na si Ketura. Ipinakikita nito na muling nag-asawa si Abraham pagkamatay ni Sara at na mayroon pa siyang kakayahang magkaanak mahigit sa 40 taon mula nang makahimala itong panauliin ni Jehova. (Ro 4:19; Gen 24:67; 25:20) Isa pa, isinisiwalat nito ang kaugnayan sa Israel ng Midian at ng iba pang mga tribong Arabe.
Sina Lea, Raquel, at ang mga babae ni Jacob ay binabanggit din, kasama ang mga anak na isinilang nila. (Gen 35:21-26) Tinutulungan tayo nito na maunawaan ang naging pakikitungo ng Diyos sa kanilang mga anak noong dakong huli. Sa ganito ring kadahilanan, makikita natin sa mga rehistro ng mga talaangkanan ang mga pangalan ng iba pang mga babae. Kapag ang isang mana ay isinalin sa pamamagitan nila, maaaring ilakip ang kanilang mga pangalan. (Bil 26:33) Sabihin pa, namumukod-tangi sina Tamar, Rahab, at Ruth. Sa bawat kaso, kahanga-hanga kung paano sila napabilang sa linya ng pinagmulang angkan ng Mesiyas, si Jesu-Kristo. (Gen 38; Ru 1:3-5; 4:13-15; Mat 1:1-5) Ang iba pang mga halimbawa ng pagbanggit sa mga babae sa mga talaan ng angkan ay 1 Cronica 2:35, 48, 49; 3:1-3, 5.
ENERO 23-29
KAYAMANAN NA YAON SA TATARAMON NIN DIYOS | 1 CRONICA 4-6
“Ano an Ihinahayag Manungod sa Sako kan mga Pamibi Ko?”
Sarong “Paradangog nin Pamibi”
Si Jabez pirmeng namimibi nin odok sa puso. Pinonan nia an saiyang pamibi paagi sa pakiolay na logod bendisyonan sia nin Dios. Dangan, may tolong bagay na hinagad sia na nagpaheling na makosog an saiyang pagtubod.
Enot, si Jabez nakiolay sa Dios paagi sa pagsabing: ‘Pahiwason mo an teritoryo ko.’ (Bersikulo 10) An kagalanggalang na tawong ini bakong parakamkam nin daga, na naaara sa rogaring kan saiyang kapwa. An saiyang odok na pakiolay mas posibleng may koneksion sa mga tawo imbes na sa daga. An posibleng hinahagad nia iyo an matoninong na paghiwas kan saiyang teritoryo tanganing mas dakol na nagsasamba sa tunay na Dios an makaistar duman.
Ikaduwa, si Jabez nakiolay na logod mapasaiya an “kamot” nin Dios. An simbolikong kamot nin Dios iyo an saiyang aktibong puersa, na ginagamit nia sa pagtabang sa mga nagsasamba sa saiya. (1 Cronica 29:12) Tanganing makamtan an mga hinahagad kan saiyang puso, si Jabez naglaom sa Dios na bakong halipot an kamot sa mga nagtutubod sa saiya.—Isaias 59:1.
Ikatolo, si Jabez namibi: ‘Ingatan mo ako sa kapahamakan, tanganing dai ako makolgan kaiyan.’ An ekspresyon na “tanganing dai ako makolgan kaiyan” tibaad nagpaparisa na namibi si Jabez, bako na makalikay sa kapahamakan, kundi na dai magmondo huli sa mga epekto kan karatan o madaog kaiyan.
Ipinapaheling kan pamibi ni Jabez an pagpahalaga nia sa tunay na pagsamba asin an pagtubod saka pagtitiwala nia sa Paradangog nin pamibi. Ano an nagin reaksion ni Jehova? An halipot na pagkasambit na ini sa Biblia nagkongklusyon: “Huli kaiyan, pinangyari nin Dios an hinagad nia.”
Espirituwal na Kayamanan
Tampok na mga Kabtang sa Libro nin Enot na Cronica
5:10, 18-22. Kan kaaldawan ni Hadeng Saul, dinaog kan mga tribo na nasa sirangan kan Jordan an mga Hagrita minsan ngani an mga tribong ini daog sa kabilangan nin labing duwang doble. Ini huli ta an pusoan na mga lalaki kan mga tribong ini nagtiwala ki Jehova asin naghagad nin tabang sa saiya. Magkaigwa kita nin lubos na tiwala ki Jehova mantang kita nagpapadagos sa satong espirituwal na pakikilaban tumang sa mga kalaban na masakit daogon.—Efeso 6:10-17.
ENERO 30–PEBRERO 5
KAYAMANAN NA YAON SA TATARAMON NIN DIYOS | 1 CRONICA 7-9
“Magigibo Mo an Dipisil na mga Asignasyon sa Tabang ni Jehova”
Tampok na mga Kabtang sa Libro nin Enot na Cronica
9:26, 27. An Levitang mga parabantay sa tata may katongdan na pinagtitiwalaan nanggad. Tinawan sinda nin liabe sa laogan pasiring sa banal na mga lugar kan templo. Sinda nagin masasarigan sa pagbukas kan mga tata sa kada aldaw. Ipinaniwala sa sato an paninimbagan na hanapon an mga tawo sa satong teritoryo asin tabangan sinda na sumamba ki Jehova. Bako daw na maninigo man kitang magin arog kamasasarigan asin kamapagtitiwalaan kan Levitang mga parabantay sa tata?
Maaarog Mo daw si Finehas Kun Napapaatubang Ka sa mga Kadepisilan?
May magabat na paninimbagan si Finehas sa suanoy na Israel; pero, paagi sa kosog nin boot, pakarorop, asin pagsarig sa Dios, napangganahan nia an mga kadepisilan. Asin inoyonan ni Jehova an maigot na pag-asikaso ni Finehas sa kongregasyon nin Dios. Pakalihis nin mga 1,000 taon, pinasabngan si Esdras na magsurat: “Si [Finehas] na aking lalaki ni Eleazar naguin kaidto capitan sa sainda, kan idtoon saiya si Jehova.” (1 Cron. 9:20) Logod na magin totoo man iyan ngonyan sa gabos na nangengenot sa banwaan nin Dios, patin sa gabos na Kristiano na maimbod na naglilingkod sa saiya.
Espirituwal na Kayamanan
Mag-awit ki Jehova!
6 Iyo, paagi sa mga propeta nia, pinagbotan ni Jehova an mga nagsasamba sa saiya na omawon sia paagi sa awit. An mga parakanta hale sa tribo nin mga saserdote pinalibre pa ngani sa trabaho na kahagadan para sa ibang mga Levita tanganing sinda makadusay nin supisyenteng panahon sa paggibo nin awit asin, posibleng marhay, sa pagpraktis.—1 Cron. 9:33.
PEBRERO 6-12
KAYAMANAN NA YAON SA TATARAMON NIN DIYOS | 1 CRONICA 10-12
“Pakusugon an Saimong Pagmawot na Gibuhon an Kabutan nin Diyos”
‘Tokdoan Mo Ako kan Pag-otob kan Saimong Kabotan’
12 Maninigo man na arogon an pakasabot ni David sa mga prinsipyo na yaon sa Ley asin an pagmawot nia na mamuhay kaoyon kaiyan. Isip-isipa an nangyari kan sabihon nia na gustohon niang makainom nin ‘tubig [hale] sa bubon kan Betlehem.’ Tolo sa mga tawohan ni David an nagpuersang lumaog sa siudad—na sakop kaidto kan mga Filisteo—asin kuminua nin tubig. Pero ‘si David dai namoot na mag-inom kaidto, kundi iwinarak nia idto ki Jehova.’ Taano? Nagpaliwanag si David: ‘Iparayo lugod sako nin sakuyang Dios na maggibo ako kaini. Iinomon ko daw an dugo kan mga lalaking ini sagkod an saindang mga buhay, na sa pag-alaman kan saindang buhay dinara ninda iyan sakuya?’—1 Cron. 11:15-19.
13 Aram ni David na sa Ley an dugo dapat na ibubo para ki Jehova asin dai kakanon. Nasasabotan man nia kun taano ta dapat gibohon ini. Aram ni David na ‘an buhay kan laman yaon sa dugo.’ Pero tubig ini, bakong dugo. Taano ta habo ni David na inomon iyan? Nasasabotan nia an prinsipyo na yaon sa kahagadan kan ley. Para ki David, an tubig na iyan arog kahalaga kan dugo kan tolong lalaking idto. Kaya, dai nia magigibong inomon iyan. Imbes na inomon, nagdesisyon siang ibubo iyan sa daga.—Lev. 17:11; Deut. 12:23, 24.
Tugutan an mga Pagbuot Asin Prinsipyo nin Diyos na Sanayon an Saimong Konsiyensiya
5 Tanganing makinabang kita sa mga pagbuot nin Diyos, bako lang basta pagbasa o pagigin pamilyar diyan an kaipuhan. Dapat niyatong urog pang pahalagahan asin igalang iyan. Sinasabi kan Tataramon nin Diyos: ‘Ikaungis nindo an maraot, asin kamutan nindo an marahay.’ (Amos 5:15) Pero paano niyato magigibo iyan? Mahalagang marhay na manudan niyato na hilingon an mga bagay-bagay arog kan paghiling diyan ni Jehova. Pag-isipan ini: Ipamugtak na pirming bakong tultol an pagturog mo. May itinao sa saimo an doktor na sarong lista kan mga kaipuhan mong kakanon, ehersisyo, asin mga pagbabago sa istilo nin pamumuhay. Kan ginigibo mo na iyan, nahiling mong epektibo iyan! Siguradong papasalamatan mong marhay an doktor huli sa pagtabang sa saimo na maparahay an buhay mo.
6 Sa kaagid na paagi, an Kaglalang nagtao sa sato nin mga pagbuot na makakaprotektar sa sato sa nakakaraot na mga epekto nin kasalan asin sa siring maparahay an buhay ta. Pag-isipan kun paano kita nakinabang sa pagsunod sa mga pagbuot kan Bibliya dapit sa pagputik, pagpakana nin maraot sa iba, paghabon, imoralidad, kadahasan, asin espiritismo. (Basahon an Talinhaga 6:16-19; Kap. 21:8) Pag naeeksperyensiyahan ta an kadakul na bendisyon sa paggibo kan mga bagay-bagay sigun sa mga pamamaagi ni Jehova, nagkukusog man an pagkamuot ta asin pagpapahalaga ki Jehova saka sa saiyang mga pagbuot.
Espirituwal na Kayamanan
it-2-TG 993 ¶5-6
Puso
Paglilingkod Taglay ang “Sakdal na Puso.” Kailangang buo ang literal na puso upang gumana ito nang normal, ngunit ang makasagisag na puso ay maaaring mabahagi. Nanalangin si David: “Pagkaisahin mo ang aking puso na matakot sa iyong pangalan,” anupat nagpapahiwatig na maaaring mabahagi ang puso ng isang tao may kinalaman sa mga kinalulugdan at mga kinatatakutan nito. (Aw 86:11) Ang gayong tao ay maaaring “may pusong hati”—malahininga sa pagsamba sa Diyos. (Aw 119:113; Apo 3:16) Ang isang indibiduwal ay maaari ring may ‘salawahang puso’ (sa literal, may isang puso at isang puso), anupat nagsisikap na maglingkod sa dalawang panginoon, o mapanlinlang na nagsasabi ng isang bagay gayong iba naman ang nasa isip. (1Cr 12:33; Aw 12:2, tlb sa Rbi8) Mariing tinuligsa ni Jesus ang gayong pagpapaimbabaw ng salawahang puso.—Mat 15:7, 8.
Kung nais ng isa na paluguran ang Diyos, hindi siya dapat magkaroon ng pusong hati ni ng salawahang puso kundi dapat niyang paglingkuran ang Diyos taglay ang isang sakdal na puso. (1Cr 28:9) Nangangailangan ito ng marubdob na pagsisikap dahil ang puso ay mapanganib at nakahilig sa kasamaan. (Jer 17:9, 10; Gen 8:21) Makatutulong sa pagpapanatili ng isang sakdal na puso ang mga sumusunod: taos-pusong pananalangin (Aw 119:145; Pan 3:41), regular na pag-aaral ng Salita ng Diyos (Ezr 7:10; Kaw 15:28), masigasig na pakikibahagi sa pangangaral ng mabuting balita (ihambing ang Jer 20:9), at pakikisama sa iba na ang mga puso ay sakdal kay Jehova.—Ihambing ang 2Ha 10:15, 16.
PEBRERO 13-19
KAYAMANAN NA YAON SA TATARAMON NIN DIYOS | 1 CRONICA 13-16
“An Pagsunod sa Instruksiyon Minaresulta sa Kapangganahan”
Kamo daw Naghahapot, “Haen si Jehova?”
12 Pakatapos na an kaban kan tipan makabalik sa Israel asin sarayon sa Kiryat-jearim sa laog nin dakol na taon, minawot ni Hadeng David na ibalyo iyan sa Jerusalem. Nagkonsulta sia sa mga namomoon sa banwaan asin nagsabi na an Kaban ibabalyo ‘kun garo baga marahay para sa sainda asin puede ki Jehova.’ Alagad napabayaan niang magsiyasat nin igo tanganing siertohon an kabotan ni Jehova dapit sa bagay na iyan. Kun ginibo kutana nia iyan, an Kaban nungka kutanang ilinunad sa karreta. Pinasan kutana iyan kan mga Levitang Coatita, segun sa malinaw na instruksion nin Dios. Minsan ngani si David parateng nakikihumapot ki Jehova, dai nia iyan nagibo sa tamang paagi sa okasyon na ini. Kapahapahamak an resulta. Sa huri inadmitir ni David: “Si Jehova na satong Dios naanggot tumang sa sato, huli ta dai niato sia hinanap segun sa kaugalean.”—1 Cronica 13:1-3; 15:11-13; Bilang 4:4-6, 15; 7:1-9.
Kamo daw Naghahapot, “Haen si Jehova?”
13 Kan sa katapustapusi darahon kan mga Levita an Kaban hale sa harong ni Obed-edom pasiring sa Jerusalem, sarong awit na kinomponer ni David an inawit. Kaiba dian an odok sa pusong pagirumdom: “Hanapa nindo si Jehova asin an saiyang kosog, hanapa nindo nin dayaday an saiyang lalauogon. Girumdoma nindo an saiyang makangangalas na mga ginigibo, an saiyang mga milagro asin an hudisyal na mga desisyon kan saiyang ngoso.”—1 Cronica 16:11, 12.
Espirituwal na Kayamanan
Sambahon si Jehova, an Hadi na Daing Katapusan
14 Dinara ni David sa Jerusalem an sagradong kaban kan tipan. Kan magaya-gayang okasyon na ini, nag-awit nin pag-umaw an mga Levita, na may mahalagang marhay na mensahe, na nasa 1 Cronica 16:31: ‘Sabihon sa tahaw kan mga nasyon, “Si Jehova nagin Hadi!”’ (NW) Tibaad isipon nin saro, ‘Kun si Jehova iyo an Hadi na daing katapusan, paanong siya nagin Hadi kan panahon na iyan?’ Si Jehova nagigin Hadi pag ipinapahayag niya an saiyang pamamahala o pag nag-eestablisar nin ahensiya para magrepresentar sa saiya sa partikular na panahon o tawan nin atensiyon an sarong espesipikong sitwasyon. May mahiwas na kahulugan an aspektong ini nin pagkahadi ni Jehova. Bago magadan si David, nanuga si Jehova na an pagkahadi niya mapadagos sagkod sa panahon na daing talaan: ‘Papatindugon ko an saimong banhi pagkatapos mo, na siya magikan sa saimo, asin papakusugon ko an saiyang kahadian.’ (2 Sam. 7:12, 13) Sa pinal na kautuban kaiyan, an “banhi” na ini ni David duminatong pakalihis nin labing 1,000 taon. Siisay ini, asin nuarin siya magigin Hadi?
PEBRERO 20-26
KAYAMANAN NA YAON SA TATARAMON NIN DIYOS | 1 CRONICA 17-19
“Papagdanayon an Saimong Kaugmahan Dawa Dai Nangyari an Saimong mga Linalauman”
Magkonsentrar sa Karahayan kan Organisasyon ni Jehova
SI David kan suanoy na Israel saro sa pinakalataw na mga tawo na isinaysay sa Hebreong Kasuratan. An pastor, musikero, propeta, asin hade na ini lubos na nagtiwala ki Jehova Dios. An hararom na personal na relasyon ni David ki Jehova nakapukaw sa saiya nin pagmawot na magtogdok nin harong para sa Dios. An siring na harong, o templo, magigin sentro kan tunay na pagsamba sa Israel. Aram ni David na an mga areglo may koneksion sa templo matao nin kagayagayahan asin mga bendisyon sa banwaan nin Dios. Kun siring, si David nag-awit: “Maogma an saro na . . . pinili asin pinadolok mo [ni Jehova], tanganing sia mag-erok sa saimong mga patyo. Kami maninigoan nanggad sa karahayan kan saimong harong, an banal na lugar kan saimong templo.”—Salmo 65:4.
Ikaugma an mga Pribilehiyo na Igwa Ka
11 Kaagid kaiyan, puwede kitang magin mas maugma paagi sa pagtao nin lubos na atensiyon sa ano man na itao satong gibuhon sa paglilingkod ki Jehova. ‘Idusay an bilog mong panahon’ sa gibuhon na paghuhulit, asin lubos na makikabtang sa mga aktibidad sa kongregasyon. (Gibo 18:5; Heb. 10:24, 25) Mag-andam na marhay para sa mga pagtiripon tanganing makatao ka nin nakakapakusog na mga komento sa materyal na pinag-aadalan. Seryosuhon an ano man na asignasyon para sa estudyante na itinatao saimo sa mga pagtiripon sa tahaw kan semana. Kun pinakiulayan kang tumabang sa sarong trabaho sa kongregasyon, magin nasa oras asin maaasahan. Dai mansayon an ano man na asignasyon na itinatao saimo na bako iyan mahalaga kaya dai kaipuhan na tawan nin panahon. Hinguwahon na pauswagon an saimong mga kakayahan. (Tal. 22:29) Mantang mas pokus ka sa espirituwal na mga aktibidad saka asignasyon mo, magigin mas marikas an pag-uswag mo saka magigin mas maugma ka. (Gal. 6:4) Magigin mas pasil man saimo na magin maugma para sa iba pag natawan sinda nin sarong pribilehiyo na gusto mong makamtan.—Roma 12:15; Gal. 5:26.
Espirituwal na Kayamanan
w20.02 12, kahon
Namumutan Niyatong Marhay si Jehova, an Satong Ama
Riniriparo Daw Ako ni Jehova?
Naihapot mo na daw sa sadiri mo, ‘Bilyon-bilyon an tawong nabubuhay sa daga, kaya ano man ta ririparuhon ako ni Jehova?’ Kun iyo, bako sana ika an naghapot na kaiyan. Sinabi ni Hading David: “O Jehova, siisay man an tawo ta kaipuhan mo siyang riparuhon? Siisay man an aki nin tawong mortal ta kaipuhan mo siyang tawan nin atensiyon?” (Sal. 144:3, NWT) Nagtitiwala si David na midbid siyang marhay ni Jehova. (1 Cron. 17:16-18) Asin paagi sa saiyang Tataramon asin sa saiyang organisasyon, sinisiyerto sa saimo ni Jehova na riniriparo niya an pagkamuot na ipinapahiling mo sa saiya. Pag-isipan an nagkapirang sinabi sa Tataramon nin Diyos na makakakumbinsir saimo na totoo iyan:
• Nariparo ka na ni Jehova bago ka pa ipangaki.—Sal. 139:16.
• Aram ni Jehova kun ano an nasa puso mo, asin aram niya kun ano an iniisip mo.—1 Cron. 28:9.
• Personal na dinadangog ni Jehova an lambang pamibi mo.—Sal. 65:2.
• An saimong paggawi igwa nin epekto sa namamatian ni Jehova.—Tal. 27:11.
• Irinani ka mismo ni Jehova sa saiya.—Juan 6:44.
• Kun magadan ka, kaya kang buhayon ni Jehova huling midbid ka niyang marhay. Bibilugon niya giraray an hawak mo asin ibabalik an saimong isip kaiba an saimong memorya asin iba pang aspekto kan saimong personalidad.—Juan 11:21-26, 39-44; Gibo 24:15.
PEBRERO 27–MARSO 5
KAYAMANAN NA YAON SA TATARAMON NIN DIYOS | 1 CRONICA 20-22
“Tabangan an mga Hoben na Magin Mapanggana”
“Ipagkatiwala Mo an mga Ini sa Masasarigan na mga Lalaki”
8 Basahon an 1 Cronica 22:5. Puwede kutanang inisip ni David na dai kuwalipikado si Solomon na magkapot nin arog kaiyan kaimportanteng proyekto. Dapat na magin ‘nakakalabing marhay an kagayunan’ kan templo, asin kan panahon na iyan, si Solomon hoben pa asin daing eksperyensiya. Pero, aram ni David na tatabangan ni Jehova si Solomon para maisagibo an asignasyon na itinao Niya digdi. Kaya nagpokus si David sa kun ano an magigibo niya para tabangan an saiyang aki sa pagpreparar kan kadakul na materyales na kakaipuhanon.
“Ipagkatiwala Mo an mga Ini sa Masasarigan na mga Lalaki”
7 Dai ipinanguri ni David an saiyang tabang, ni pigparaisip an nawarang pagkakataon na maitao sa saiya an onra sa pagtugdok kan templo. Asin iyo man nanggad, an edipisyong iyan namidbid bilang templo ni Solomon, bakong templo ni David. Pero dawa tibaad disganadong marhay si David na dai nagkatotoo an mawot kan saiyang puso, sinuportaran niya an proyekto. Inorganisar niya an mga trabahador asin nagtipon siya nin lansang o batbat, tanso, plata, bulawan, asin mga kahoy na sedro. Dugang pa, pinakusog niya an buot ni Solomon na sinasabi: ‘Ngunyan, aki ko, mapasaimo lugod si Jehova, asin [magin mapanggana] ka lugod, asin patindugon mo an harong ni Jehova na saimong Diyos, siring sa sinabi niya dapit sa saimo.’—1 Cron. 22:11, 14-16.
Mga Magurang, Tinatabangan Daw Nindo an Saindong Aki na Umuswag Asin Magpabawtismo?
14 Bilang espirituwal na mga pastor, puwedeng suportaran kan mga elder sa kongregasyon an mga paghihinguwa kan mga magurang paagi sa pagsabi nin positibong mga bagay mapadapit sa espirituwal na mga pasuhan. Nagigirumduman nin sarong sister kan makipag-ulay sa saiya si Brother Charles T. Russell kan siya sais anyos pa sana. Inistorya niya, “Nakipag-ulay siya sako nin 15 minutos mapadapit sa espirituwal na mga pasuhan ko.” Ano an resulta? Nagin payunir an sister sa laog nin labing 70 taon. Iyo, an positibo asin nakakapakusog na mga tataramon puwedeng magkaigwa nin nagdadanay na epekto. (Tal. 25:11) Puwede man na agdahon kan mga elder an mga magurang kaiba an mga aki kan mga ini para magtabang sa mga proyekto sa Kingdom Hall. Puwede nindang tawan nin asignasyon an mga aki depende sa saindang edad asin kakayahan.
15 Puwedeng makatabang an mga miyembro kan kongregasyon paagi sa pagpahiling nin angay na personal na interes sa mga aki. Puwedeng kaiba diyan an pagigin mapagrisa sa pag-uswag kan mga ini sa espirituwal. May sarong aki daw na nagtao nin udok sa puso asin pinag-andaman na marhay na komento o nagpresentar kan saiyang kabtang sa programa sa midweek na pagtiripon? May sarong aki o hoben daw na napagdanay an integridad sa pagbalong napaatubang sa saiya o na nagpatotoo sa eskuwelahan? Magtao tulos nin sinserong komendasyon. Puwede mo daw magin pasuhan na makipag-ulay—bago o pagkatapos kan pagtiripon—sa sarong aki o hoben tanganing ipahiling na talagang interesado ka sa saiya? Paagi kaini, mamamatian ninda na kabtang sinda kan “dakulang kongregasyon.”—Sal. 35:18, NW.
Espirituwal na Kayamanan
Tampok na mga Kabtang sa Libro nin Enot na Cronica
21:13-15. Pinagbotan ni Jehova an anghel na papondohon an damat huli ta namamatean Niang gayo an pagdusa kan Saiyang banwaan. Tunay nanggad, “kadakol kan saiyang pagkaherak.”