Yeremia
8 “Pali ilya nshita,” e fyo Yehova alanda, “amafupa ya mfumu sha mu Yuda, aya ntungulushi sha mu Yuda, aya bashimapepo, aya bakasesema, na ya bekala mu Yerusalemu bakayafumya mu nshiishi shabo. 2 Bakayalosha ku kasuba, ku mweshi na kuli fyonse ifyaba mu muulu ifyo batemenwe, ifyo balebombela, ifyo balekonka, ifyo balefwaya kabili ifyo balekontamina.+ Tabakayalonganike nelyo ukuyashiika. Yakaba ngo mufundo pa mushili.”+
3 “Kabili bonse abashalapo aba muli ulu lupwa ulwabipa mu ncende shonse umo nkabasalanganishisha, bakasalapo ukufwa ukucila ukuba no mweo,” e fyo Yehova wa mabumba alanda.
4 “Kabili ukabebe auti, ‘Yehova alanda ati:
“Bushe tabakawe no kwima na kabili?
Bushe umo nga ayaluka, umbi na o takaaluke?
5 Cinshi ico aba bantu abekala mu Yerusalemu, batwalilila fye ukukanaba ne cishinka?
Balikatisha ubucenjeshi;
Balakaana ukwaluka.+
6 Nalibikileko amano kabili nalekutika, lelo ifyo balelanda tafyaweme.
Takwali nangu umo uwalapiile pa fyabipa ifyo alecita nelyo uwayipwishe ati, ‘Cinshi nacita?’+
Cila muntu alebwelela mu kucita ifyo abengi balecita, nga kabalwe uulebutukisha ukuya ku nkondo.
7 Na kabaso wa mu lwelele alishiba inshita yakwe;
Icipele, akamimbi, na koni akamoneka ngo luseba* fyalishiba inshita ya fiko iya kubwela.*
Lelo abantu bandi bena tabaishiba ubupingushi bwa kwa Yehova.”’+
8 ‘Kuti mwalanda shani amuti: “Tuli ba mano, kabili twalikwata amafunde* ya kwa Yehova”?
Pantu nakuba akalembelo*+ ka bakalemba kalemba fye ifya bufi.
Bali no mwenso kabili bakabekata.
Moneni! Nabakaana amashiwi ya kwa Yehova,
Kabili mano nshi bakwata?
10 E ico abakashi babo nkabapeela ku baume bambi,
Amabala yabo nkayapeela ku bantu bambi;+
Pantu abantu yaweyawe na bashimucindikwa bonse, balenonka ifyuma mu bucenjeshi;+
Bakasesema na bashimapepo bonse ba bucenjeshi.+
11 Kabili balesha ukuposha ifilonda fya mwana mwanakashi wa bantu bandi ninshi tababikileko amano, balanda abati,
“Kuli umutende! Kuli umutende!”
E lyo ninshi takuli umutende.+
12 Bushe balomfwa insoni pa fya bunani ifyo baacita?
Tabomfwa insoni nangu fye panono!
Tabaishiba ne fyo cipilibula ukuseebana!+
“‘E ico bakawila mu bawa kale.
Ilyo nkabakanda bakaipununa,’+ e fyo Yehova alanda.
13 ‘Nga nabalonganika, nkabalofya,’ e fyo Yehova alanda.
‘Ku fimuti fya myangashi takwakabe imyangashi, ku fimuti fya mikunyu takwakabe amakunyu, kabili amabula yakoma.
Kabili ifyo nabapeele bakafilufya.’”
14 “Cinshi twikalile pano?
Natulongane, tuyeingila mu misumba ya malinga ayakosa+ e mo tuyefwila.
Pantu Yehova Lesa wesu alatulofya,
Kabili alatupeela amenshi umwaba sumu,+
Pantu twalibembukila Yehova.
15 Twalesubila ukuti kukaba umutende, lelo takwali icisuma nangu cimo icaishile,
Twalesubila ukuti kukaba inshita ya kundapwa, lelo kwaishile ifya kutiinya!+
16 Iciunda ca kupeema kwa bakabalwe cileumfwika ku Dani.
Pa mulandu wa kulila kwa bakabalwe,
Icalo conse catenta.
Baleisa mu konaula icalo na fyonse ifyabamo,
Umusumba na bekalamo.”
17 “Pantu ndemutumina insoka,
Insoka sha busungu isho muntu nangu umo ashingashilika,
Kabili shikamusuma,” e fyo Yehova alanda.
18 Ubulanda bwandi te kuti bupwe;
Umutima wandi naulwala.
19 Ku calo ca kutali kuli uulepunda mutuule
Umwana mwanakashi uwa bantu bandi alepunda ati:
“Bushe Yehova taaba mu Sione?
Nelyo bushe imfumu yakwe tayaba mu Sione?”
“Inga cinshi bankalifisha pa mulandu wa kuti balapepa ifimpashanya,
Na tulesa twa fye utwa ku calo cimbi?”
20 “Inshita ya kusombola naipita, no lusuba nalupwa,
Lelo takwaba nangu umo uwatupususha!”
Ning’umfwa umwenso.
22 Bushe tamwaba balsamu* mu Gileadi?+
Nelyo bushe tamwaba uundapa?+
Inga cinshi ico umwana mwanakashi wa bantu bandi bashamundapila?+