Yeremia
Lyena akasuba no bushiku
Kuti naloosha abantu bandi abo baipaya.
2 Iye, kanshi nga nalikwete mu matololo icifulo ca kutuushishamo abali pa bulendo!
“Batwalilila fye ukucita ifyabipa,
Kabili tabambikako amano,”+ e fyo Yehova alanda.
4 “Cila muntu acenjele no munankwe,
Nangu fye ni munyinenwe tamufwile ukumucetekela.
5 Cila muntu alabepa umunankwe,
Kabili takwaba nangu umo uulanda icine.
Balisambilisha ululimi lwabo ukubepa.+
Ifyabipa ifyo bacita filabanasha.
6 “Mwikala mu bucenjeshi.
Balikeene ukunjishiba pa mulandu wa bucenjeshi,” e fyo Yehova alanda.
7 E ico Yehova wa mabumba alanda ati:
“Nkabasungulula kabili nkabesha,+
Pantu finshi fimbi ningacita umwana mwanakashi wa bantu bandi?
8 Ululimi lwabo mufwi wa kwipailako, lulabepa.
Ku kanwa e ko umuntu ebela umunankwe amashiwi ya mutende,
Lelo mu mutima wakwe alamubelamina.”
9 “Bushe nshifwile ukubalubulwisha pali ifi bacita?” e fyo Yehova alanda.
“Kabili bushe nshifwile ukulandula* ulu uluko?+
10 Nkalila kabili nkaloosha impili
Nkembila ne mpanga sha mulemfwe isha mu matololo ulwimbo lwa bulanda,
Pantu balifyoca ica kuti takwaba nangu umo uupitamo,
Kabili ukulila kwa fitekwa takumfwika.
Ifyuni fya mu lwelele ne nama fyalifulumuka; fyaliya.+
11 Nkalenga Yerusalemu ikabe umwina wa mabwe,+ umukalaikala bamumbwe,+
Kabili nkalenga imisumba ya mu Yuda ikabe ifibolya, ica kuti tamwakulaikala nangu umo.+
12 “Nani uwa mano uwingeluke fi,
Nani uo akanwa ka kwa Yehova kaebele, pa kuti abilishe ifi?
Cinshi icalo calobela?
Cinshi capiila nga matololo,
Ica kuti takwaba nangu umo uupitamo?”
13 Yehova ayaswike ati: “Pantu balikaana amafunde* yandi ayo nabikile pa ntanshi yabo, kabili tabayakonka, tabomfwila ne shiwi lyandi. 14 Lelo bali bacintomfwa, balekonkelela imitima yabo,+ kabili balepepa ifimpashanya fya kwa Baali, nga fintu bashibo babasambilishe.+ 15 E ico Yehova wa mabumba, Lesa wa kwa Israele alanda ati, ‘Moneni, ndelenga aba bantu balye ifyalula sana, kabili nkalenga bakanwe amenshi umuli sumu.+ 16 Nkabasalanganishisha mu nko isho bena na bashibo bashaishibe,+ kabili nkabatumina ulupanga mpaka nkabalofye.’+
17 “Yehova wa mabumba alanda ati,
‘Tontonkanyeni pa filecitika.
Iteni abanakashi abemba inyimbo sha bulanda,*+
Kabili tumeni aba kuyaita abanakashi abaishiba bwino ukuloosha,
18 Pa kuti bangufyanye, bese batwimbile ulwimbo lwa bulanda,
Pa kuti amenso yesu yalukushe ifilamba
Ica kuti fikonkolokele na pa matobo.+
19 Pantu ku Sione kuleumfwika amashiwi ya kuloosha:+
“Yangu ifyo batonaula!
Yangu ifyo twaseebana nga nshi!
Pantu natusha icalo, kabili amayanda yesu nabayabongolola.”+
20 Imwe mwe banakashi, umfweni amashiwi ya kwa Yehova,
Amatwi yenu nayomfwe amashiwi ya mu kanwa kakwe.
Sambilisheni abana benu abanakashi ulu ulwimbo lwa kuloosha,
Kabili cila muntu asambilishe umunankwe ulu ulwimbo lwa bulanda.*+
21 Pantu imfwa ingiliile pa mawindo yesu;
Naingila mu mpungu shesu ishakosa
Pa kuti ipaye abana mu misebo
Na balumendo mu mansa sha musumba.’+
22 “Landa auti, ‘Yehova alanda ati:
“Ifitumbi fya bantu fikaba pa mushili ngo mufundo, fikaba nge ngano,
Isho uulesombola aleya aletuulika,
Ukwabula nangu umo uwa kushilonganika.”’”+
23 Yehova alanda ati:
“Uwa mano elaitakishisha pa mano yakwe;+
Uwa maka elaitakishisha pa maka yakwe;
No wa fyuma elaitakishisha pa fyuma fyakwe.”+
24 “Lelo uuleitakisha, aitakishishe pali ifi:
Aitakishishe pa kwiluka ifintu no kunjishiba,+
Ukunjishiba ukuti nine Yehova, uulanga ukutemwa ukushipwa, umulinganya no bulungami mwi sonde,+
Pantu ifi fintu e fyo natemwa,”+ e fyo Yehova landa.
25 “Moneni! inshiku shileisa,” e fyo Yehova alanda, “ilyo nkalubulwisha onse uwasembululwa, lelo uwaba kwati tasembululwa.+ 26 Nkalubulwisha Egupti,+ Yuda,+ Edomu,+ abena Amone,+ Moabu+ na bonse ababeya umushishi wa mu nsensematwi abekala mu matololo;+ pantu inko shonse tashasembululwa, na ba mu ng’anda ya kwa Israele bonse tabasembululwa mu mutima.”+