Kalata wa Bubili ku Bena Tesalonika
1 Ine ne Paulo pamo na Silbani e lyo na Timote+ twalembela imwe mwe ba mu cilonganino ca bena Tesalonika aba-ampana na Lesa Shifwe e lyo na Shikulu Yesu Kristu:
2 Tuleti icikuuku ca kwa Lesa no mutende ukufuma kuli Lesa Shifwe na Shikulu Yesu Kristu fibe na imwe.+
3 Tufwile ukutootela Lesa lyonse pali imwe,+ mwe bamunyinefwe, pantu ici e calinga, pantu icitetekelo cenu cilekulilako+ fye nga nshi no kutemwana kwenu bonse umo umo kulekoselako.+ 4 E ico tulaitakisha+ pa mulandu wenu mu filonganino fyonse ifya kwa Lesa pa kushipikisha kwenu no kutetekela kwenu muli fyonse ifyo bamucusha na mu mafya ayo muleshipikisha.+ 5 Ubu e bushininkisho bwa kupingula kwalungama ukwa kwa Lesa,+ pa kuti mube abalinga ukuba mu bufumu bwa kwa Lesa,+ ubo muleculila icine cine.+
6 E ico caba icalungama kuli Lesa ukubwesesha ubucushi ku balemucusha,+ 7 lelo kuli imwe mwe balecula, akapwisha ukucula kwenu pamo na ifwe pa kusokololwa+ kwa kwa Shikulu Yesu ukufuma mu muulu pamo na bamalaika bakwe aba maka+ 8 mu mulilo uulebilima, ilyo akaleta icilandushi+ pa bashaishiba Lesa+ na bashinakila+ imbila nsuma iya kwa Shikulwifwe Yesu.+ 9 Aba bantu bakapingwilwa+ ukonaulwa+ umuyayaya ukufuma pa ntanshi ya kwa Shikulu kabili tabakamone ubukata bwa maka yakwe,+ 10 ilyo akesa ku kucindamikilwa pamo na bantu+ bakwe aba mushilo no kutashiwa muli bulya bushiku muli bonse abatetekele, pantu mwalitetekele ifyo twamushimikile.
11 E mulandu wine lyonse tulamupepelako, ukuti Lesa wesu alemumona ukuti mwalilinga ubwite+ bwakwe kabili ku maka yakwe acite ubusuma bonse ubo afwaya no kupwisha umulimo mubomba uwa citetekelo; 12 pa kuti ishina lya kwa Shikulwifwe Yesu licindikwe muli imwe,+ na imwe muli+ ena, ukulingana ne cikuuku+ ca kwa Lesa wesu ne ca kwa Shikulu Yesu Kristu.
2 Awe mwe bamunyinefwe, pa kubapo+ kwa kwa Shikulwifwe Yesu Kristu no kulonganikwa kwesu kuli ena,+ tulemulomba 2 ukuti mwileka amatontonkanyo yenu yafulungane bwangu nangu ukutunsha imitima pa mashiwi ayafuma ku mupashi+ nelyo pa mashiwi+ ya pa kanwa nelyo pali kalata+ uumoneka kwati afuma kuli ifwe, uwa kutila ubushiku+ bwa kwa Yehova nabufika.
3 Mwileka umuntu nangu umo amubeleleke mu musango uuli onse, pantu ubu bushiku tabwakese kano ubusangu+ bwabalilapo ukwisa kabili umuntu wa bumpulamafunde+ asokololwa,+ umwana wa bonaushi.+ 4 Uyu e ukaanya+ kabili e uisansabika ukucila pali onse uwitwa “lesa” nelyo conse ico bapepa, ica kuti aikala mwi tempele lya kwa Lesa, ailanga pa cintubwingi ukuti ni lesa.+ 5 Bushe tamuleibukisha ukuti ilyo nali na imwe, nalemweba+ ifi fintu?
6 E ico nomba namumwishiba+ uucincintila,+ pa kuti akasokololwe mu nshita yakwe.+ 7 Pantu ica nkama ica ubu bumpulamafunde kale kale cilebomba;+ ukufikila uulecincintila pali nomba akafume mu nshila.+ 8 E lyo nomba mpulamafunde akasokololwa, uo Shikulu Yesu akepaya ku mupashi wa mu kanwa+ kakwe no kumonaula pa kumoneka+ kwa kubapo kwakwe.+ 9 Lelo ukubapo kwa kwa mpulamafunde kwaba ukulingana no kubomba+ kwa kwa Satana mu fya maka fyonse ne fishibilo ne fipesha amano ifya bufi,+ 10 kabili akabomfya imisango yalekanalekana iya bubi ku kubepa+ abali no kuloba,+ abakakandwa pantu tabatemenwe+ icine pa kuti bapusuke.+ 11 E mulandu wine Lesa alekela ukuti babepwe, pa kuti basumine ubufi,+ 12 pa kuti bonse bapingulwe pantu tabasumine icine+ lelo batemenwe icishalungama.+
13 Awe ifwe tufwile ukutootela Lesa lyonse pali imwe, mwe bamunyinefwe abatemwikwa kuli Yehova, pantu Lesa amusalile+ ukufuma ku kutendeka pa kuti mukapusuke pa kumulenga ukuba aba mushilo+ ku mupashi+ kabili na pa mulandu wa kuti mwatetekele icine.+ 14 Ni kuli ici cine amwitiile mu mbila nsuma iyo tubila,+ pa kuti mukwate ubukata bwa kwa Shikulwifwe Yesu Kristu.+ 15 E ico kanshi, mwe bamunyinefwe, iminineni ndi+ no kwikatisha ifyo mwasambilile,+ ifyo twalelanda fye pa kanwa nangu ifyo twamulembele muli kalata wesu. 16 Kabili Shikulwifwe Yesu Kristu umwine na Lesa Shifwe, uwatutemenwe+ no kutupeela icisansamushi ca muyayaya ne subilo+ ilisuma mu cikuuku ca kwa Lesa, 17 basansamushe imitima yenu no kumukosha mu mulimo onse uusuma na mashiwi yonse ayasuma.+
3 Ica kulekelesha, mwe bamunyinefwe, ca kuti muletupepelako,+ pa kutila icebo ca kwa Yehova+ cisalangane bwangu bwangu+ kabili balecicindamika, nga filya fine na imwe mucita; 2 kabili pa kuti tupokololwe ku bantu ababipa kabili imbifi,+ pantu te bantu bonse ababa ne citetekelo.+ 3 Lelo Shikulu wa cishinka, kabili akamukosha no kumucingilila ku mubifi.+ 4 Awe twalicetekela+ Shikulu pali imwe, ukuti mulecita kabili mwakulacita ifyo tumweba.+ 5 Shikulu natwalilile ukulungika imitima yenu ukwabula ukufilwa mu kutemwa+ kwa kwa Lesa kabili mu kushipikisha+ pa mulandu wa kwa Kristu.
6 Nomba tulemupa ifipope,+ mwe ba bwananyina, mwi shina lya kwa Shikulu Yesu Kristu, ukutalukako+ ku wa bwananyina onse uushumfwa+ kabili uushenda ukulingana ne fyo twamusambilishe.+ 7 Pantu mwalishiba mwe bene ifyo mufwile ukutupashanya,+ pantu tatwali nga bantu abashumfwa ilyo twali na imwe+ 8 kabili tatwaliile ifya kulya apa fye+ ku muntu nangu umo. Lelo, twalebombesha+ ubushiku na kasuba pa kuti twisakamikapo nangu umo pali imwe pa lwa kufwaya indalama sha kutusungilamo.+ 9 Te kutila tatwaba na maka,+ lelo ni pa kuti tube ica kumwenako kuli imwe pa kuti mutupashanye.+ 10 Na kuba, na lintu twali na imwe, twalemweba atuti:+ “Ngo muntu tafwaya ukubomba, no kulya elalya.”+ 11 Pantu tumfwa ukuti bamo aba muli imwe tabaleumfwa,+ tababomba nakalya lelo baipoosa mu fishibakumine.+ 12 Abantu ba musango uyo tulebeba no kubakonkomesha muli Shikulu Yesu Kristu ukuti babombe tondolo no kulya ifya kulya ifyo baibombela abene.+
13 Awe imwe, mwe bamunyinefwe, mwinenuka mu kucita icalungama.+ 14 Lelo ngo muntu talenakila amashiwi+ yesu ayali muli uno kalata, mwishibeni+ bwino, mwila-angala nankwe,+ pa kuti alengwe insoni.+ 15 Na lyo line mwilamumona ngo mulwani, lelo twalilileni ukulamukonkomesha+ ngo wa bwananyina.
16 Awe Shikulu wa mutende umwine amupeele umutende inshita yonse mu nshila yonse.+ Shikulu abe na imwe bonse.
17 Kuno e kuposha kwandi, ne Paulo, ukwalembwa ku kuboko kwandi,+ kabili e ca kwishibilako amakalata yandi yonse; e fyo nemba.
18 Icikuuku+ ca kwa Lesa ico Yesu Kristu akwata cibe na imwe bonse.