Na Imwe Bene Kuti Mwaba na Mano
“Amalembo yonse aya mushilo yafuma kuli Lesa.” (2 Timote 3:16) Aya amashiwi yalola mu kuti Lesa wa Maka Yonse e walelenga abalelemba Baibolo ukulemba amashiwi ayo balembele.
Lesa Afwaya Ukuti Mulesambilila Ifyaba Muli Baibolo pa Kuti Mwingaba na Mano
“Ine, ne Yehova, nine . . . uukusambilisha ifingakuwamina, uukwensha mu nshila iyo ufwile ukwendamo. Nga wabika fye amano ku mafunde yandi, umutende obe kuti waba ngo mumana, no bulungami bobe nga mabimbi ya pali bemba.”—ESAYA 48:17, 18.
Mufwile ukulamona ukuti ni mwe Lesa ale-eba aya amashiwi. Afwaya ukuti mukatwalilile ukuba ne nsansa no kuti mumwishibe.
Na Imwe Bene Kuti Mwasambilila pa Mano ya kwa Lesa
“Imbila nsuma ili no kubilwa mu nko shonse ilyo impela ishilaisa.”—MARKO 13:10.
Iyi “imbila nsuma” ilanda pa fyo Yehova atulaya ukuti ali no kupwisha amacushi, ali no kulenga isonde ukuba paradaise, kabili ali no kubuusha balupwa lwesu ne fibusa abafwa. Inte sha kwa Yehova balabila iyi mbila nsuma iyaba mu Baibolo mwi sonde lyonse.