Bushe Inshita Shenu Isha Kulongana Shikaaluka?

Uko kuntu ifilonganino fyafulilako ifibomfya Iŋanda ya Bufumu imo ine basuminishanya ukushinguluka nelyo ukuteulula inshita sha kulongana, ici cilingile ukucitwa ku kutendeka kwa January. Ukuitemenwa ku kubombela pamo no kutantika ukwaimikwa kulanga ukutemwana no kulangulukilako. Ilingi line ukwalula inshita sha kulongana kukaba ku busuma bwa pa lobe, ukulenga ukusangwa ku kulongana ukwawaminako.

Pa lubali lumbi, ukwaluka ukucitike uno mwaka te kuti pambi kulinge bwino mu kutantika kobe ukwa mibombele. Kuti cafwaya ukuteulula mu mibombele yobe iya lyonse ico cingaba ica kufulunganya mu nshila imo. Ukuitemenwa kwa umo umo ku kubombela pamo kulangisha ukutasha ku kutantika konse, ico ciletako ukumwenamo kuli bonse ababimbilwemo.

Kwena, ukushinguluka kukakonkapo ukwa nshita sha kulongana pambi kukacilapo ukukuwamina. Pali ino nshita, ulekoseleshiwa ukucita ukuteuluka kwa pa lobe ukufwaikwa pa kuti wingalasangwa ku kulongana konse ukwa cila mulungu ukulingana no kutantika ukwacitwa ne cilonganino. Tukuta ukusungilila imimwene ya kwa kemba wa malumbo Davidi, uwabilishe ukuti: “Nasaminwe ilyo basosele kuli ine, abati, Tuleya ku ŋanda ya kwa Yehova.”—Ilu. 122:1