Ukulongana kwa Mulimo Ukwa February
Umulungu wa Kutampa February 3
Ulwimbo 27
10 min: Ukubilisha kwa pa mwenu. Ukubilisha kwasoobolwamo ukufuma mu Ubutumikishi Bwesu Ubwa Bufumu. Ilyashi lya Teokrasi.
15 min: “Bushe Mwalilanguluka pa Fyabimbwamo?” Ilyashi na eluda.
20 min: “Ukushimikila Imbila Nsuma ne Pamfya.” (Amaparagrafu 1-5) Pa numa ya kulandapo ukwipi mu paragrafu kalanda alanshanya amaparagrafu 2-5 na bakasabankanya babili nelyo batatu. Bapituluka mu fishinka fikalamba ifya nshila sha kulandilamo ishitubulwilwe no kulanda pa mulandu ishi nshila sha kulandilamo nelyo ishapalako shingabombela bwino mu cifulo cenu ica kubombelamo. Bakasabankanya balekanina mu kupituluka muli ishi nshila sha kulandilamo. Kalanda atasha, atubulula ifya kucita pa kulenge ishi nshila sha kulandilamo ukuba ishibomba bwino. Lyene aipusha ibumba lyonse pa lwa fintu ubuyo bwa kutendeka amasambililo bwingafikwapo. Atubulula ifyebo fya kulungatika pa fya kutendeka isambililo mu kupelako mu citabo ca Ukwishiba.
Ulwimbo 34 ne pepo lya kusondwelela.
Umulungu wa Kutampa February 10
Ulwimbo 29
5 min: Ukubilisha kwa pa mwenu. Lipoti wa ndalama.
10 min: “Ukushimikila Imbila Nsuma ne Pamfya.” (Amaparagrafu 6-8) Kwateni ifilangililo pa inshila sha kulandilamo mu maparagrafu 6-7. Komaileni pa kukabila kwa cipempu ca kubwelelamo uko ubuseko bwalangishiwa.
30 min: “Bapainiya ba Kwafwilisha 6,000—Balefwaikwa.” Ukulanshanya icipande ukwa fipusho ne fyasuko na kangalila wa mulimo. Komaileni pa mukululo pe bula 3. Pitulukeni mu kutantika kwa kulangilila pe bula 6. Kasabankanya umo umo uwabatishiwa afwile ukutontonkanyapo pa lwakwe kabili mu kubamo ipepo nampo nga ali na maka ya kulembesha bupainiya pa mweshi umo nelyo iyafulilako. Bakasabankanya bashabatishiwa kuti batanununa imibombele yabo mu butumikishi ukupitila mu kuimikila ubuyo bwabo ubwa maawala cila mweshi.
Ulwimbo 43 ne pepo lya kusondwelela.
Umulungu wa Kutampa February 17
Ulwimbo 30
10 min: Ukubilisha kwa pa mwenu. Lumbuleni ifishinka fya kulandapo muli bamagazini bapya ifyo fingabomfiwa mu mulimo uno mulungu.
13 min: “Icibukisho—Ica Kucitika Cacindamisha!” Ifipusho ne fyasuko. Landeni ifyebo fya kukoselesha ku kulenga umweshi onse uwa March ukuba uwaibela ukupitila mu kubomba bupainiya bwa kwafwilisha.
22 min: Ukutendeka Amasambililo ya Baibolo aya mu Ŋanda. Mu myeshi ya nomba line, imyanda ya makana ya fitabo fyakosa inkupo fyalishalikwa. Ici cimika ishinte lya kutendekelapo amasambililo ya Baibolo aya mu ŋanda ayafulilako. Pitulukeni mu fyapwishishiwe mu cifulo cenu mu kushalika ifitabo ne mpapulo shimbi. Koselesheni bakasabankanya ukukonkelela abantu balesekelela. Ipusheni bakasabankanya abafulilako ukushimika mu kulungatika ukubombesha kulefwaikwa kuli bene pa kutendeka amasambililo ya Baibolo aya mu ŋanda ayapya. Komailenipo ukuti ulubali lwakatama ulwa mulimo wesu lwa kupanga abasambi. (Mat. 28:19, 20) Ici kuti cacitwa bwino nga nshi nga ca kuti twatukusha ukubomfya imitubululo yalondololwa mu ca mu kati ca Ubutumikishi Bwesu Ubwa Bufumu ubwa June 1996.
Ulwimbo 47 ne pepo lya kusondwelela.
Umulungu wa Kutampa February 24
Ulwimbo 32
18 min: Ukubilisha kwa pa mwenu. Bilisheni amashina ya bonse abalebomba bupainiya bwa kwafwilisha mu March. Londololeni ukuti inshita e ko icili iya kutuma formu wa kwipushishapo. Koselesheni bonse ukubombako umulimo wa mwi bala mu kukumanina pa Cibelushi, March 1. Londololeni imitantikile yalundwako iilebombelwapo iyo mulecita iya kukumana kwa mulimo mu kati ka mweshi wa March mu cifulo cenu. Pitulukeni mu Umukululo wa Fipusho mu kusakamanishisha.
12 min: “Ni Shani pa lwa Balupwa Lwenu?” Umulume no mukashi balanshanya icipande capamo no kupingulapo ifya balupwa lwabo abashasumina.—Moneni Ulupungu lwa kwa Kalinda ulwa February 15, 1990, amabula 25-7.
15 min: Pitulukeni mu lupapulo lwa kutambika mu March—Icaba Inkaama ku Nsansa sha Lupwa. Mu kwipifya lanshanyeni imilandu yalenga ukubongoloka kwa ndupwa muli sosaite wa muno nshiku. (Moneni Ulupungu lwa kwa Kalinda ulwa October 15, 1992, amabula 4-7.) Pitulukeni mu fyaba mu citabo, pe bula 3. Ipusheni ibumba lyonse ukusalamo ifipandwa ifyo fingapayanya ishinte lya nshila ya kulandilamo. Langisheni umukululo wa kwaafwo kusambilisha uyo umoneka pa mpela ya cipandwa cimo cimo. Ipusheni kasabankanya wafikapo ukulangilila ifya kutambika icitabo. Cinkuleniko bonse ukushitako fya kubomfya ino mpela ya mulungu.
Ulwimbo 48 ne pepo lya kusondwelela.