Ukulongana Kwa Mulimo Ukwa February
Umulungu wa Kutampa February 1
Ulwimbo 154
10 min: Ukubilisha kwa pa mwenu. Ukubilisha kwasoobolwamo mu Ubutumikishi Bwesu Ubwa Bufumu. Cinkuleni bonse ukutuma amalipoti ya mulimo wa mwi bala aya January.
17 min“Tambikeni Icitabo ca Insansa sha Lupwa ku Bantu ba Mishinku Yonse.” Eluda alanshanya icipande na bakasabankanya bafikapo babili nelyo batatu. Tonteni pa buyo bwa kwafwilisha bambi ukwishiba ukuti inkaama ku nsansa sha lupwa shaba mu kukonka ukufunda kwa Baibolo. (Moneni Insansa sha Lupwa, amabula 10-12.) Langilileni imo iya nshila sha kulandilamo shitubulwilwe. Langisheni ifya kupangana na mwine ng’anda pa kuti mukabweleleko.
18 min: “Fwaleni Ubuntu Bupya.” Ilyashi, ukulanda pa Abena Efese 4:20-24. (Moneni Ulupungu lwa March 1, 1993, amabula 14-18, amaparagrafu 4-17.) Londololeni fintu tufuula ubuntu bwa kale no kufwala ubupya.
Ulwimbo 4 ne pepo lya kusondwelela.
Umulungu wa Kutampa February 8
Ulwimbo 12
10 min: Ukubilisha kwa pa mwenu. Lipoti wa ndalama.
15 min: “Bushe na Imwe Kuti Mwabombako Bupainiya?” (Amaparagrafu 1-14) Kangalila wa mulimo alanda amashiwi yanono aya kwiswila, ukukoselesha bonse ukutontonkanya sana pa lwa bupainiya bwa nshita yonse. Lyena alanshanya ne bumba lyonse icipusho 1. Ababelesha muli bupainiya babili nelyo batatu baya pa cisebele no kulanshanya icipusho 2. Balanshanya ifintu fya cine cine pa fyo ciba pa kuti bakumanishe lwa ku mubili nga bapainiya. Elyo abafyashi babili na bo baya pa cisebele ku kulanshanya icipusho 3. Bapeela imilandu isuma intu abacaice balingile ukulangulukilapo sana pa mulimo wa nshita yonse. Koselesheni bonse ukusangwa mu Kulongana kwa Mulimo lintu ifipusho fyashalako fikalandwapo.
20 min: “Bombeniko Umulimo Ushakatale Aubwekeshiwapo.” Ifipusho ne Fyasuko.
Ulwimbo 173 ne pepo lya kusondwelela.
Umulungu wa Kutampa February 15
Ulwimbo 40
10 min: Ukubilisha kwa pa mwenu. Ilyashi lya Teokrasi.
18 min: Tumwenamo Shani pa Kulembesha mwi Sukulu lya Butumikishi bwa Teokrasi? Kangalila we sukulu alanshanya ne bumba lyonse. Imifwaile ye sukulu tayaba kukansha fye kwa kulanda pa cintubwingi. Kwaliba inshila na shimbi isho tunonkelamo mu kulungatika. (Moneni Icitabo ca Kutungulula Isukulu, amabula 11-13.) Tusambilila ifya kulanshanya bwino na bantu bambi. Tusambilishiwa ukulanda mu kumfwika, mu kuilama, no kuicetekela. Tucililapo ukukampuka pa kwasuka ifipusho pa lwa fisumino fyesu no kulondolola ukupingulapo kwesu ukwashimpwa pali Baibolo. Ukwishiba kwesu ukwa Baibolo kulakulilako, ukutwafwilisha ukuba abafikapo mu kushimikila kuli bambi. Tusambilila ukusumina ifilubo no kupokelela ukusalapulwa, ukutukansha ukubomba bwino bwino na bambi. Ukukansha kwacilishapo isukulu lipeela kutwafwilisha “ukufikapo” nga batumikishi ba kwa Lesa.—2 Kor. 3:5, 6.
17 min“Ifyo Aba mu Lupwa Bekatana pa Kuti Bonse Baisanshemo mwi Sambililo lya Baibolo.” Ukulanshanya kwa lupwa. Balanda ifyo balebomfya imitubululo pa lwa kusambilila no kubelenga Baibolo ngo lupwa isangwa mu Ulupungu lwa May 15, 1996, amabula 14-15, no lwa October 15, 1992, amabula 16-17.
Ulwimbo 57 ne pepo lya kusondwelela.
Umulungu wa Kutampa February 22
Ulwimbo 170
10 min: Ukubilisha kwa pa mwenu.
35 min: “Bushe na Imwe Kuti Mwabombako Bupainiya?” (Amaparagrafu 15-25) Ilyashi no kulanshanya ukutungululwa na eluda. Tantikeni libela bapainiya na babombele bupainiya kale ukulanda ukufuma ku mutima ifyasuko ku fipusho 4-5. Bakomaila pa kutantika kusuma no kwikatililako, bapeela ifya kumwenako fya kutantika kubomba ukwa cila mulungu mu butumikishi. Eluda asondwelela ne lyashi lya kukoselesha ilyaasuka icipusho 6. Amaformu ya kulombela bupainiya kuti yasangwa ku uli onse uwa mu Komiti wa Mulimo uwa Cilonganino.
Ulwimbo 91 ne pepo lya kusondwelela.