Ukulongana kwa Mulimo Ukwa August

ICISHIBISHO: Ubutumikishi Bwesu Ubwa Bufumu bukatantika Ukulongana kwa Mulimo ukwa mulungu umo na umo mu myeshi ya mabungano. Ifilonganino kuti fyateulula pa kuti fisangwe kwi Bungano lya Citungu ilya “Icebo ca Kusesema Ica kwa Lesa” no kuti fikapituluke mu fishinka fikalamba ifya programu mu maminiti 30 pa Kulongana kwa Mulimo umulungu ukakonkapo. Ukupitulukamo muli programu we bungano ukwa bushiku no bushiku kulingile ukupeelwa libela kuli bamunyina batatu abafikapo abakakomaila pa fishinka fikalamba. Uku kupitulukamo kwapekanishiwa bwino kukaafwa icilonganino ukwibukisha ifishinka fikalamba ifya kubomfya mu bumi na mwi bala. Ifya kulandapo ukufuma mwi bumba ne fya kukumanya filingile ukwipifiwa no kufika pa cishinka.

Umulungu wa Kutampa August 2

Ulwimbo 39

10 min: Ukubilisha kwa pa mwenu. Ukubilisha kwasoobolwamo mu Ubutumikishi Bwesu Ubwa Bufumu. Landeni pali lipoti wa mulimo wa mwi bala uwa April uwa Zambia no wa cilonganino cenu. Koselesheni bakasabankanya bonse ukubombako mu mutumikishi bwa mwi bala mu August.

17 min“Katamikeni nga Nshi Ishina Ilyayemba Ilya kwa Yehova.” Imitendekele yenu tailingile ukucila pali miniti umo, kabili tendekeni ukulanshanya kwa fipusho ne fyasuko. Komaileni pa malembo ayalangililwe.—Moneni icitabo ca Kuti Waikala, amabula 184-5.

18 min: “Amasomo ya ku Calo na Mabuyo Yenu aya ku Mupashi.” Wishi alanshanya ici cipande na mwane umwaume nelyo umwanakashi. Na kabili bapituluka mu fyebo fyaampanako ukufuma muli Loleni! wa January 8, 1996, amabula 23-27.

Ulwimbo 148 ne pepo lya kusondwelela.

Umulungu wa Kutampa August 9

Ulwimbo 138

8 min: Ukubilisha kwa pa mwenu. Lipoti wa ndalama.

12 min: Bushe Programu wa Bapainiya Baleafwa Bambi Aleenda Shani? Ilyashi no kwipusha ukutungululwa na kangalila wa mulimo. Pitulukeni mu makambisho yapayanishiwe mu Ubutumikishi Bwesu Ubwa Bufumu ubwa September 1998, pe bula 4. Shimikeni fintu uyu programu ateyanishiwa pa cilonganino cenu, kabili landeni pa kulunduluka kwa bantu abaafwilishiwe. Ipusheni painiya umo nelyo babili pamo na bakasabankanya bamo abanonkelemo mu bwafwilisho bwabo. Koselesheni abali pa mutande wa kwafwiwa bashukile uku kupayanya.

25 min: “Bushe Umwinshi wa Kubombako Bupainiya Nomba Nawisuka Kuli Imwe?” Ukulanshanya kwa fipusho ne fyasuko ukutungululwa na eluda. Mu nshila isuma, langeni ukuti bakasabankanya na bambi kuti babombako bupainiya. Ipusheni bapainiya abengashimika ifyo bacimfishe ifipindami fyaseeka na fintu batungulwike. Bebeteni “Ukulangilila Ukutantika kwa Mulimo wa Bupainiya bwa Nshita Yonse,” ukukomaila pa fyo ukutantika kusuma kwingalenga umo ukukumanisha amaawala yafwaikwa. Bilisheni ukuti onse uulefwaya amaformu ya bupainiya kuti apokako pa numa ya kulongana.

Ulwimbo 202 ne pepo lya kusondwelela.

Umulungu wa Kutampa August 16

Ulwimbo 131

10 min: Ukubilisha kwa pa mwenu. Kushele fye impela shibili isha milungu mu August, e co koselesheni bonse ukubombako mu butumikishi ilyo umweshi taulapwa. Pitulukeni muli “Programu wa Bushiku bwa Kulongana Kwaibela Ukupya.”

15 min: Ukukabila kwa pa mwenu.

20 min: Bushe Mulebombako Umulimo wa Kupanga Abasambi? Ukulanshanya ne bumba. Pa mulandu wa mpapulo ishingi ishileshalikwa, tulingile ukukwata ubuyo bwa kutendeka amasambililo ya Baibolo pa kuti twingafwilisha abantu ukumwenamo mu mpapulo bapokelela. Laalikeni bakasabankanya balande pa mafya ayabacilikila ukutungulula amasambililo ayengi: (1) Calyafya ukusanga abantu abafwayo kusambilila. (2) Abantu bamo abaankulako bwino batila tabakwata inshita ya kusambilila. (3) Ilyo isambililo lyatendeka, cilaafya ukusango muntu pa ng’anda pa kuti tulesambilila lyonse. Na kabili landeni ifyo bakasabankanya bamo bayumfwa pa lwa mulimo wa kusambilisha Baibolo: (1) ‘Ine nshili kasambilisha uwafikapo.’ (2) ‘Nshakwata inshita ya kutungulula isambililo cila mulungu.’ (3) ‘Ndashimunuka ukukakililwako ku muntu umbi.’ (4) ‘Naliikushiwa ukubomba mu mbali shimbi isha butumikishi.’ Landeni imitubululo isuma pa fyo umo engacimfya ifi fipindami pa kuti engabombako umulimo wa kupanga abasambi. Laalikeni bakasabankanya ababomba bwino bashimike ubuseko basanga mu mulimo wa kusambilisha Baibolo.—Moneni ica mu kati mu Ubutumikishi Bwesu Ubwa Bufumu ubwa August 1998, amaparagrafu 3-8, 15.

Ulwimbo 100 ne pepo lya kusondwelela.

Umulungu wa Kutampa August 23

Ulwimbo 94

10 min: Ukubilisha kwa pa mwenu.

15 min: Afweni Abapya Abalesambilila Icine Batesekeshe Ukushila kwa Cupo. Eluda atungulula ukulanshanya ne bumba ukufuma mu citabo ca Ukupelulula, amabula 127-129. Tulakumanya abaupana abankulako ku bukombe bwa Bufumu lelo abashilunduluka pa mulandu wa kuti bekala pamo ukwabula ukuupana kwa mwi funde. Landeni fintu bengaafwiwa ukumfwikisho mulandu Abena Kristu bafwile ukukwatila icupo ca mucinshi. (Moneni Loleni! uwa January 8, 1992, amabula 30-31.) Landeni imitubululo pa fyo twingasosa mu mucenjelo pa kwafwa abaupana muli uyu musango ukumona umulandu bashingabela ulubali lwa cilonganino nga icupo cabo tacalembeshiwa ku buteko.

20 min: “Cinshi Mukasosa ku muBuddha?” Ifipusho ne fyasuko. Ilingi tatwishiba ifyo twingasosa lintu twasanga abantu mu cifulo ca kubombelamo aba mipepele iishili ya buKristu iyakwata imfundo, ifibelesho, ne mpupo ifyo tushaishiba. Ici cipande e ca kubalilapo pa fipande fisano ifikakonkana pa lwa uyu mulandu. Tantikeni icilangililo icapekanishiwa bwino. Nga mulefwayo kwishibilapo na fimbi pali buBuddha, moneni ica mu kati mu Ubutumikishi Bwesu Ubwa Bufumu ubwa February 1998, icitabo ca Ukupelulula, ibula 21; ne citabo ca Ukusapika Lesa Ukwa Mutundu wa Muntu, icipandwa 6.

Ulwimbo 133 ne pepo lya kusondwelela.

Umulungu wa Kutampa August 30

Ulwimbo 99

10 min: Ukubilisha kwa pa mwenu. Cinkuleniko bonse ukutuma amalipoti yabo aya mulimo wa mwi bala aya August. Abatungulula Isambililo lya Citabo pa Cilonganino balingile ukushininkisho kuti bonse mwi bumba lyabo nabaleta amalipoti pa kuti yonse yakalembwe ilyo September 6 ishilafika.

17 minTwalitemwa Bamunyinefwe. Ilyashi ukulandwa na eluda, ukusanshamo ukulanshanya ne bumba ukufuma mu Ulupungu lwa kwa Kalinda, ulwa December 1, 1995, amabula 15-17, amaparagrafu 7-11. Komaileni pa fyo bonse tuipakisha lintu twaishiba bwino bamunyinefwe, twakoseleshanya, no kwafwana ukushipikisha amesho. Tubululeni fintu ici cingalundululwa. Laalikeni ibumba lishimike ifya kukumanya ifilangisha fintu bapembeswilwe no kukoshiwa ukupitila mu kukoseleshiwa kwa kutemwa ukufuma kuli bambi.

18 min: Isoseleni Ifyo Mwasuminamo. Eluda aipusha umupungwe umo nelyo babili aba ca kumwenako cisuma abaya ku sukulu. Lyonse abaice banabo aba ku calo bafwayo kwishiba umulandu abapungwe besu tabafwaya ukwangalila pamo na bo. Ilintu bashukila inshita sha musango yo ku kulondolola ifisumino fyabo ifyashimpwa pali Baibolo, abacaice besu balingile ukushangila mu kuicingilila. Ibumba lyalanshanya ifyo bengacita nga babatambika fwaka nelyo imiti ikola. Pitulukeni mu kupelulula ukwaba mu citabo ca Ifipusho Abacaice Bepusha, amabula 277-81. Londololeni ukuti ukusoselako ukupingulapo kwabo ku kucita icalungama kulabacingilila no kulenga bapeele ubunte busuma.

Ulwimbo 129 ne pepo lya kusondwelela