Ukupitulukamo kwa Kulemba Ukwe Sukulu lya Butumikishi bwa Teokratiki
Ukupitulukamo pa fitabo fyaisalwa pa fyebo fyafimbilwe mu kupeelwe mbali kwe Sukulu lya Butumikishi bwa Teokrasi ukwa milungu ya September 4 ukufika ku December 18, 2000. Bomfyeni ipepala lya pa mbali ku kulembapo ifyasuko ku fipusho fyafulilako ukufika pantu mwingapesha mu nshita ipeelwe.
[Ishibeni: Mu kati ka kupitulukamo kwa kulemba, ni Baibolo fye ingabomfiwa ku kwasuka icipusho icili conse. Ifya kuloshako ifikonkele pa fipusho fya kusapika kwa pa lwenu. Amanambala ye bula na paragrafu te kuti pambi yamoneke pa fya kuloshako fyonse ku Ulupungu lwa kwa Kalinda.]
Asukeni ubulondoloshi bwakonkapo Cine nelyo Bufi:
1. Umulandu Davidi aleseshe Abishai ukwipaya Shimei, ni co Davidi alishibe ukuti imilandu balemupeela kuli Shimei yali ya cine. (2 Sam. 16:5-13) [Ukubelenga Baibolo ukwa cila mulungu; moneni w99-CW 5/1 ibu. 32 para. 3.]
2. Kampingu wafundwa bwino, uwasanguluka, aleta bucibusa bwakosa ubwa pa lwesu na Lesa, kabili alafwaikwa na pa kupusuka. (Heb. 10:22; 1 Pet. 1:15, 16) [w98-CW 9/1 ibu. 4 para. 4]
3. Ilyashi lya muli 1 Ishamfumu talyacindama sana ku Mwina Kristu pantu pa mfumu 14 ishatekele mu Israele na Yuda pa numa ya mfwa ya kwa Solomone, ni mfumu shibili fye e shacitile icisuma mu menso ya kwa Yehova. [si-CW ibu. 64 para. 1]
4. Ukuteka kwa kwa Yesu ukwa Myaka Ikana Limo kuti kwapashanishiwa ku kuteka kwa Mfumu Solomone ukwa mutende no lubanda pa myaka 40. (1 Isha. 4:24, 25, 29) [Ukubelenga Baibolo ukwa cila mulungu; moneni w90-CW 6/1 ibu. 6 para. 5.]
5. Apo Abiya alishiikilwe bwino, ico caba bushininkisho bwa kuti cine cine aali ni kapepa wa busumino uwa kwa Yehova, umo fye mpo mu lupwa lwa kwa Yeroboamu. (1 Isha. 14:10, 13) [Ukubelenga Baibolo ukwa cila mulungu; moneni w95-CW 4/1 ibu. 12 para. 11.]
6. Ulubatisho lwa Mwina Kristu lulangilila ukuti nomba aba mubomfi wakosoka uwa kwa Lesa. [w98-CW 10/1 ibu. 28 para. 2]
7. Yehova apeele Eliya amaka yacila pa buntunse aya kushipa kabili amulengele ukukanaba no mwenso. (1 Isha. 18:17, 18, 21, 40, 46) [Ukubelenga Baibolo ukwa cila mulungu; moneni w98-CW 1/1 ibu. 31 para. 2.]
8. Itempele lya kwa Solomone lyali cikuulwa cacindama te pa mulandu fye wa kuti lyali ilya bukata kabili ilyayemba ku kumoneka, lelo na pa mulandu wa kuti lyaleimininako itempele lya kwa Yehova ilya ku mupashi ilya bukata bwapulamo. [si-CW ibu. 69 para. 26]
9. Ubupofu bwaishile pa mulalo wa fita fya Suria ilyo Elisha apepele bufwile bwali bupofu bwa muntontonkanya pantu Elisha ena balimumwene lelo balifililwe ukumwishiba. (2 Isha. 6:18, 19) [Ukubelenga Baibolo ukwa cila mulungu; moneni si-CW ibu. 71 para. 10.]
10. Ukufwike “Cishimiko,” ukwalumbulwa pali 2 Ishamfumu 11:12, cali cishibilo ca kuti umuntu nangu umo tafwile kulengulula ifyalanda imfumu pa lwa Malango ya kwa Lesa kabili bonse bafwile ukumfwila ifyo fine. [Ukubelenga Baibolo ukwa cila mulungu; moneni w91-CW 2/1 ibu. 31 para. 6.]
Asukeni ifipusho fyakonkapo:
11. Ukulingana na 1 Yohane 2:15-17, cinshi abafyashi ba bukapepa bafwile ukucincishisha abana babo ukutalukako ilyo balebatungulula pa fya kusala incito ya ku mubili iyalinga? [w98-CW 7/15 ibu. 5 para. 2]
12. Bushe yalola mwi amashiwi yaba pali 2 Samwele 18:8, aya kuti: “No mutengo wapwishishe abantu ukucila abo ulupanga lwapwishishe”? [Ukubelenga Baibolo ukwa cila mulungu; moneni w87-CW 3/15 ibu. 31 para. 2.]
13. Ni bani pali lelo bengapashanishiwa kuli balupwa baume aba kwa Galyati, abaRefa, kabili cinshi besha ukucita? (2 Sam. 21:15-22) [Ukubelenga Baibolo ukwa cila mulungu; moneni w89-CW 1/1 ibu. 20 para. 8.]
14. Cishinte nshi icisuma ica mu Baibolo ico tusambilila pali 2 Samwele 6:6, 7? [si-CW ibu. 63 para. 30]
15. Cishinte nshi icacindama ico twingasambilila ku mwaume uwaipaiwe pa kutobe Sabata? (Impe. 15:35) [w98-CW 9/1 ibu. 20 para. 2]
16. Cinshi twingacita pa kuti tupashanye namfumu wa ku Sheba uwaendele intamfu yaleepa nga nshi ukuya ku “kuumfwa amano ya kwa Solomone”? (1 Isha. 10:1-9) [Ukubelenga Baibolo ukwa cila mulungu; moneni w99-CW 7/1 ibu. 31 amapara. 1 na 2.]
17. Ukulingana na 1 Ishamfumu 17:3, 4, 7-9, 17- 24, ni mu nshila nshi shitatu umo Eliya alangile icitetekelo muli Yehova? [Ukubelenga Baibolo ukwa cila mulungu; moneni w92-CW 4/1 ibu. 19 para. 5.]
18. Mulandu nshi ukukaana kwa kwa Nabote ukushitisha Ahabu ibala lya myangashi kushabelele bumankonso fye bwa kwa Nabote? (1 Isha. 21:2, 3) [Ukubelenga Baibolo ukwa cila mulungu; moneni w97-CW 8/1 ibu. 13 para. 18.]
19. Bushe amashiwi yaba pali 2 Ishamfumu 6:16 yaba shani aya kukoselesha ku babomfi ba kwa Yehova pali lelo? [Ukubelenga Baibolo ukwa cila mulungu; moneni w98-CW 6/15 ibu. 18 para. 5.]
20. Ni mu nshila nshi Abena Kristu pali lelo bafwile ukuibakila kuli bu Simone? [w98 11/15 ibu. 28 para. 5]
Lembeni ishiwi nelyo amashiwi ayalekabilwa ku kupwishishisha ubulondoloshi bwakonkapo:
21. Umwina Kristu wa cine tafwile ․․․․․․․․ no kukonka imyata iifulwisha ․․․․․․․․. (Amapi. 29:25; Mat. 10:28) [w98-CW 7/15 ibu. 20 para. 5]
22. Pa kucitilo bunte ku Mfumu Agripa, Paulo abomfeshe ․․․․․․․․, akomaile pa fintu ifyo ena na Agripa ․․․․․․․․. (Imil. 26:2, 3, 26, 27) [w98-CW 9/1 ibu. 31 para. 3]
23. Bamo kuti batontonkanya ukutila apo Lesa ․․․․․․․․, ninshi mu buntu tabamo, lelo ․․․․․․․․ lyonse no kupoosako amano icine cine ku ․․․․․․․․, kuti kwalenga umuntu ‘ukulamona Imfumu iishimoneka.’ (Heb. 11:6, 27) [w98-CW 9/15 ibu. 21 amapara. 3-4]
24. Nga fintu twasambilila mu lyashi lya kwa mushika wa mulalo wa ku Suria ․․․․․․․․, limo limo ․․․․․․․․ fye kunono kufumamo ifilambu ifikulu. [Ukubelenga Baibolo ukwa cila mulungu; moneni w99-CW 2/1 ibu. 3 para. 6—ibu. 4 para. 1.]
25. Nga filya umutima wa kwa Yehonadabu wali no wa Mfumu Yehu, ․․․․․․․․ pali lelo lyasumina muli Yehu Mukalamba, ․․․․․․․․, kabili babombela pamo nankwe na bamwimininako pe sonde ․․․․․․․․. (2 Isha. 10:15, 16) [Ukubelenga Baibolo ukwa cila mulungu; moneni w98-CW 1/1 ibu. 13 amapara. 5-6.]
Salenimo icasuko calungama mu bulondoloshi bumo bumo ubwakonkapo:
26. Uwatunkile Davidi ukubembuka pa ‘kupenda Israele’ ni (Satana; Yehova; Yoabu) (2 Sam. 24:1) [Ukubelenga Baibolo ukwa cila mulungu; moneni w92-CW 7/15 ibu. 5 para. 2.]
27. Ukulingana na 1 Ishamfumu 8:1 na Lukala Milandu 1:1, Solomone alongenye abantu ku (kukuula itempele; ku kutamfya abalwani ba kwa Israele; ku kupepa Yehova). [Ukubelenga Baibolo ukwa cila mulungu; moneni si-CW ibu. 112 para. 3.]
28. Iciputulwa ca nshita ica myaka 20 ico Solomone akuulilemo itempele ne ng’anda yakwe mu Yerusalemu capalana ne ciputulwa ca nshita ica kuteuluka kwa mu fifundisho no kuteyanya ukwatendeke mu (1919; 1923; 1931) no kupwa mu (1938; 1942; 1950). (1 Isha. 9:10) [Ukubelenga Baibolo ukwa cila mulungu; moneni w92-CW 3/1 umukululo pe bula 20.]
29. Ishiwi lya kuti “umuulu” nga fintu lisangwa pali 2 Ishamfumu 2:11 lilosha ku (bwikalo bwa ku mupashi ubwa kwa Lesa; ukubumbwa konse uko tumona; ulwelele ulwapalamina ne sonde, umupupuka ifyuni kabili umupuupa umwela). [Ukubelenga Baibolo ukwa cila mulungu; moneni w97-CW 9/15 umukululo pe bula 15.]
30. (Herode Mukalamba; Kaisare Augusti; Kaisare Tiberi) e walandile ukuti kube ukupenda abantu ukwalengele no kuti Yesu afyalilwe ku Betlehemu, e co ashafyalilwe ku Nasarete. [w98-CW 12/15 umukululo pe bula 7.]
Linganyeni aya malembo ku bulondoloshi buli pe samba:
Amalu. 15:4; 2 Sam. 12:28; 2 Sam. 15:18-22; 2 Isha. 3:11; Kol. 3:13
31. Bumutwe mu kuteyanya kwa kwa Yehova ukwa teokrasi bufwile ukucindikwa. [si-CW ibu. 63 para. 30]
32. Bucishinka ku kuteyanya kwa kwa Yehova na ku beminishi ba kuko bufwile ukusungililwa. [si-CW ibu. 63 para. 30]
33. Ukutasha pa luse lwa kwa Yehova kuti kwacincisha umuntu ukutekanya no kusuula ifilubo fya bambi. [w98-CW 11/1 ibu. 6 para. 3]
34. Lishuko ukuba ne cileela kabili mu kuicefya ukubombela ababomfi ba busumino aba kwa Yehova ababomba imilimo yaibela. [Ukubelenga Baibolo ukwa cila mulungu; moneni w97-CW 11/1 ibu. 31 para. 1.]
35. Uutiina Yehova atukuta na maka yonse ukubwesha inkongole, nangu ca kutila camoneka ukushupa pa mulandu wa kuti ifintu nakalimo fyaisaba ifyo ashaenekele. [w98-CW 11/15 ibu. 27 para. 1]