Ukutantika Ukulongana kwa Mulimo
Umulungu wa Kutampa December 10
Ulwimbo 205
13 min: Ukubilisha kwa pa mwenu. Ukubilisha kwasoobolwamo ukufuma mu Ubutumikishi Bwesu Ubwa Bufumu. Bomfyeni imitubululo ili pe bula 8 no kulangilila ifya kushalika (1) Ulupungu lwa kwa Kalinda ulwa December 15 ku muntu uwasumina ukushala na bamagazini na (2) Awake! wa December 22.
12 min: Ukukabila kwa pa mwenu.
20 min: “Ifyo Tupaalwa nga Tuletasha pa fyo Yehova Atutemwa—Ulubali 2.”a Ilyo mulelanshanya amaparagrafu 2 ukufika ku 6, ipusheni icilonganino ukushimika fimo ifya kukoselesha ifyacitike ilyo baleshimikila ubunte bwa mu lyashi, ubwa kulemba amakalata, no bwa pa lamya. Pekanishisheni libela ukucite cilangililo cimo atemwa fibili ifilelangilila ishi nshila shitatu isha kushimikilamo.
Ulwimbo 222 ne pepo lya kusondwelela.
Umulungu wa Kutampa December 17
Ulwimbo 211
10 min: Ukubilisha kwa pa mwenu. Lipoti wa ndalama. Landeni pa mitantikile yaibela iya mulimo wa mwi bala iya pa December 25 na January 1.
22 min: “Lungikeni Ukusose Cebo ca kwa Lesa.”b Citeniko ne cilangililo icili mu paragrafu 4 ukwabula ukukukumya. Kabili citeni ne cilangililo ca fyo mwacitapo mu ncende yenu ku kukoselesha nelyo ukusansamusha abali mu kumanama pa mulandu wa filecitika mu calo pali nomba. Napamo kuti mwashimikako panono cimo icacitike. Ipusheni ibumba ukulanda pa mulandu baletontonkanishisha ukuti ukubomfya Baibolo kukalenga ubunte bwashimikilwa ukumfwika.
13 min: ‘Mwalikwata Baibolo Wenu.’ Ukulanshanya ne bumba ifyebo fifumine mu citabo ca Ukupelulula, amabula 272 ukufika ku 273. Nga ca kutila abantu baleshimunuka ukukutika pa mulandu wa kuti twabomfya Baibolo wa New World Translation, cinshi twingasosa? Ebeleni limo bakasabankanya ukwisalanda mu mashiwi yabo imitubululo yatantikwa pa fya kwasuka iyaba mu citabo ca Ukupelulula.
Ulwimbo 225 ne pepo lya kusondwelela.
Umulungu wa Kutampa December 24
Ulwimbo 218
10 min: Ukubilisha kwa pa mwenu. Londololeni impapulo sha kutambika mu January ne fitabo icilonganino cikwete. Ukubomfya imitubululo ili pe bula 8, citeni ifilangililo fibili ifipi ku kulange fyo mwingashalika magazini, cimo ukubomfya Ulupungu lwa kwa Kalinda ulwa January 1, cimbi na co ukubomfya Awake! wa January 8. Lekeni cimo pali ifi cicitwe no wacaice.
10 min: “Isukulu lya Butumikishi Ilya Bulesa Ilya mu 2002.” Ilyashi ukulandwa na kangalila we sukulu. Koselesheni bonse ukuba no mukoosha wa kulanda amalyashi bapeelwe.
25 min: “Ukulunduluka Kwatwalilila Kulekusha Ukukabila kwa Kukuula Amayanda ya Bufumu.” Ukulanshanya kwa fipusho ne fyasuko ukwa maparagrafu 1 ukufika ku 17 aya ca mu kati. Komaileni pa milandu baeluda bafwile ukumwena Icitungu ca Bakuula Amayanda ya Bufumu pa kubala fye ilyo baletontonkanya pa kukuula Ing’anda ya Bufumu. Komaileni pa fyo bakabomba ba kuitemenwa abengi balekabilwa, kabili mukwate na maformu ya Kingdom Hall Volunteer Worker Questionnaire pali uku kulongana. Nga kwashala inshita, shimikeniko ne fyo mwamwene ifikumine ubukuule bwa Mayanda ya Bufumu ifyo mwakumenye mu ncende yenu.
Ulwimbo 24 ne pepo lya kusondwelela.
Umulungu wa Kutampa December 31
Ulwimbo 140
8 min: Ukubilisha kwa pa mwenu. Cinkuleniko bakasabankanya ukutuma amalipoti ya mulimo wa mwi bala aya December. Nga ca kutila icilonganino cenu cikaalula inshita ya kulongana mu mwaka upya, mu cikuuku cincisheni bonse ukulasangwako pa nshita ipya. Shininkisheni ukuti bonse abalefwaya ukusambilila na bonse abanaka baishiba pali uku kwaluka.
12 min: Peeleni Baeluda Umucinshi Wabalinga. Ababomfi batumikila babili atemwa batatu balanshanya ifyebo fya mu Ulupungu lwa kwa Kalinda ulwa June 1, 1999, amabula 18 ukufika ku 19. Balanda pa milimo iingi iyo baeluda babomba, ukubikako fye no kubombe ncito, ukusakamana indupwa, ne milimo ya cilonganino. Kuti kwaba akamusango ka kukanatasha ukubombesha kwabo. Baeluda balisenda icisendo cafina kabili bakabila ifwe ukubafwilisha no kubombela pamo na bene. Landeni pa nshila bonse bengabakoseleseshamo, ukwangushako icisendo cabo, no kukonka ubutungulushi bwabo. Ababomfi batumikila basumina ukuti baeluda balabomba umulimo wacindama kabili bawamina “ukubacindikisha.”—1 Tes. 5:12, 13.
25 min: “Bushe Mulelobolola Amapaalo?” Ilyashi no kulanshanya ne bumba lyonse e lyo ne filangililo. Kangalila wa mulimo e ukalanda ili lyashi. Akaba nabelenga no kusoma bwino sana kalata wa October 15, 1999, uwatuminwe Ku Filonganino Fyonse. Bakasabankanya babelesha nelyo bapainiya bafwile bakacite ifilangililo fyapekanishiwa kabili ifyapitulukwamo bwino.
Ulwimbo 219 ne pepo lya kusondwelela.
Umulungu wa Kutampa January 7
Ulwimbo 20
10 min: Ukubilisha kwa pa mwenu.
20 min: Bomfyeni Bwino Ubumi Bwenu. Aba mu lupwa balanshanya ifyebo fya mu Ulupungu lwa kwa Kalinda ulwa August 15, 1998, amabula 8 ukufika ku 9. Wishi alefwaya ulupwa ukucite fintu ifingabaletela insansa ukucilo bulanda. Balanshanya ukufunda kwa mu Malembo mu cipande icalanga ifyo bengasanga insansa, kabili cakomaila pa bucindami bwa kuba no mucetekanya, pa kulabalilapo ukucita ifyacindama, no kucetekela Yehova. Balanda pa kwaluka kusuma umo ulupwa lwabo lulingile ukwaluka.
15 min: Ukwangwa Ing’anda Yesu Iya Bufumu. Ilyashi ukulandwa na eluda. Bebeteni ifyo Ing’anda ya Bufumu ili. Cinshi mulepanga ukucita pa kuwamya icifulo bwino nga nshi ku kupekanishisha Icibukisho? Finshi filekabila ukulungisha ilyo ilya nshita ishilafika? Londololeni ifyo icilonganino cingaafwa. Komaileni pa kukabila no kushininkisha ukuti ukuyemba no bukata ififwile ukuba pa ng’anda ya kwa Yehova filemoneka pa cifulo cesu ica kupepelapo.—Amalu. 84:1.
Ulwimbo 126 ne pepo lya kusondwelela.
[Amafutunoti]
a Ukulandapo kwenu ukwa pa kutendeka kwicila pali miniti umo, kabili konkeshenipo ukulanshanya kwa fipusho ne fyasuko.
b Ukulandapo kwenu ukwa pa kutendeka kwicila pali miniti umo, kabili konkeshenipo ukulanshanya kwa fipusho ne fyasuko.