Ukutantika Ukulongana kwa Mulimo

Umulungu wa Kutampa June 9

Ulwimbo 81

10 min: Ukubilisha kwa pa mwenu. Ukubilisha kwasoobolwamo mu Ubutumikishi Bwesu Ubwa Bufumu. Ukubomfya imitubululo ili pe bula 8, citeniko ifilangililo fibili pa fya kutambika Ulupungu lwa kwa Kalinda ulwa June 15 na Loleni! wa April-June. Mu cilangililo cimo na cimo, bonse bamagazini babili bafwile ukutambikwa pamo, nangu line umo ulelandwapo. Sanshenimo ilembo mu kutambika kumo na kumo.

15 min: “Ubutumikishi bwa Bwina Kristu E Mulimo Wesu Uukalamba.”a Koselesheni abacaice ukutontonkanya pa mapaalo bengaipakisha nga baingila mu mulimo wa nshita yonse. Landeni na pa fyebo fyaba pa kamutwe katila “Ulutambi nga Talumfwanene na Kampingu,” mu Ulupungu lwa kwa Kalinda ulwa November 1, 2000, amabula 19-20.

20 min: “Bushe Ukupoka Penshoni Kuti Waba Mwinshi wa Kubombeshamo?”b Nga cingacitika, mu kwipifya ipusheniko kasabankanya uwapoka penshoni kabili alibomba ifingi mu mulimo wa kwa Yehova. Mwipusheni ifyo ateulula ifintu na mapaalo asanga mu kucite fyo.

Ulwimbo 190 ne pepo lya kusondwelela.

Umulungu wa Kutampa June 16

Ulwimbo 55

8 min: Ukubilisha kwa pa mwenu. Lipoti wa ndalama.

12 min: Ukukabila kwa pa mwenu.

25 min: “Beni no Mukoosha wa ‘Kushimikisha Ubunte’”c Bomfyeni amepusho yateyanishiwe. Pa numa ya kulanshanya amaparagrafu 5 na 6, sanshenimo icilangililo icipi ica bunte bwa mu lyashi kuli shimatuuka no kutambika trakiti wa kuti Bushe Kuti Mwatemwa Ukwishiba na Fimbi Pali Baibolo? Ilyo mushilalanshanya amaparagrafu 7 na 8, lekeni yabelengwe mu kupongomoka. Pa kusondwelela, belengeni no kulanshanya umukululo uleti “Mwibalaba!”

Ulwimbo 131 ne pepo lya kusondwelela.

Umulungu wa Kutampa June 23

Ulwimbo 95

10 min: Ukubilisha kwa pa mwenu. Ukubomfya imitubululo pe bula 8, citeniko ifilangililo fibili pa fya kushalika Ulupungu lwa kwa Kalinda ulwa July 1 na Loleni! wa April-June. Mu cilangililo cimo na cimo, bonse bamagazini babili bafwile ukutambikwa pamo, nangu line umo ulelandwapo. Muli cimo ica ifi filangililo, kasabankanya alecito bunte bwa mu lyashi.

20 min: Cinshi Cingacitwa pa lwa Kufuupulwa? Ilyashi no kulanshanya ne bumba lyonse ukushimpwa pa Ulupungu lwa kwa Kalinda ulwa November 15, 1999, amabula 28-9, ukusanshako na kamutwe kaleti “Ukutwalilila Ukuba ne Mimwene Isuma.” Pitulukeni mu mitubululo ingabomba pamo no kufunda kwa mu Malembo. Teyanishisheni kabela ukuti kasabankanya umo nelyo babili ababomba bwino balondolole icibaafwa ukutwalilila aba buseko mu butumikishi bwabo.

15 min: “Ukushimikila mu Calo umo Ifintu Fyaluka-aluka.”d Ilyo mulelanshanya amaparagrafu 2-3, ipusheni ibumba ifyacitika nomba line ifingabomfiwa ku kutampa ukulanshanya mu cifulo cenu ica kubombelamo. Ilyo mulelanshanya paragrafu 4, citeniko icilangililo icipi, ukubomfya imo iya mishimikilile ilandilwepo.

Ulwimbo 15 ne pepo lya kusondwelela.

Umulungu wa Kutampa June 30

Ulwimbo 3

10 min: Ukubilisha kwa pa mwenu. Cinkuleniko bakasabankanya ukutuma amalipoti ya mulimo wa mwi bala aya June. Landeniko pa mpapulo sha kutambika mu July na August. Komaileniko pa mabroshuwa yabili pa yantu mukwete pa cilonganino. Citeniko ifilangililo fyapekanishiwa bwino pa fya kutambika ayo mabroshuwa mu butumikishi. Moneni Ubutumikishi Bwesu Ubwa Bufumu ubwa July 1998, pe bula 8 umuli imitubululo pa fya kushimikila. Imitubululo na imbi kuti yasangwa muli Watch Tower Publications Index pa mutwe utila “Presentations” na kamutwe kanono katila “List by Publication.”

15 min: “Abalemana—Lelo Abatwale Fisabo.”e Landeniko ifyo bamo bengafwilishako, ifyalandwa muli Loneni! wa September 8, 1990 amabula 29-30 pa kamutwe kaleti “Cinshi Cingacitwa?”

20 min: Bomfyeni Icebo ca kwa Lesa Bwino ku Kushimikila Ubufumu. Ukulanshanya ne bumba lyonse ukubombwapo na kangalila wa mulimo. Onse uo twakumanya mu butumikishi, tufwaya ukumwebako ifya mu Malembo ifya kukuulilila pa lwa Bufumu. Lelo, tatufwile fye ukubelenga Baibolo capwa no kupwa. Tulekabila ukulondolola, ukulangilila, no kulanga ifyo amalembo yalebomba. Landeni ifyo ici cingacitwa, ukubomfya nge ca kumwenako, amalembo yaloshiwako mu citabo ca Ukupelulula pe bula 221, pa kamutwe kaleti “Bakateka ba buntunse tabalepayanya cintu umutundu wa muntu ulekabila mu kwangufyanya.” Pa numa ya uku kulanshanya, lekeni kasabankanya uuipekenye bwino alangilile ifya kubomfya bwino ilembo limo pa cipempu ca kubwelelamo, ukulondolola mu kulungatika, ukucite cilangililo cayanguka, no kulanda mu kwipifya ifyo lingabomba ica kuti mwine ng’anda aumfwa ifyo ukuteka kwa Bufumu kukamunonsha pa lwakwe. Icilangililo catendeka ninshi kasabankanya alebelenga ilembo. Pa numa ya cilangililo, pitulukeni mu fyo ilembo lyalondololwa, ukulangililwa, no kulanga ifyo lingabomba. Koselesheni bonse ukulundulula amaka yabo aya kubomfya bwino Icebo ca kwa Lesa.

Ulwimbo 171 ne pepo lya kusondwelela.

Umulungu wa Kutampa July 7

Ulwimbo 165

5 min: Ukubilisha kwa pa mwenu.

15 min: Ifya kukumanya fya pa mwenu. Shimikeni nelyo ukucita ifilangililo pa fyo bakasabankanya bakumenye (1) pa kushimikila ku bantu ba mishobo yalekanalekana nelyo (2) ifyo bashimikile mu mitantikile imbi ukufumyako iya ku ng’anda ne ng’anda no bunte bwa mu musebo. Koselesheni bonse ukubomfya bwino akatabo katila Good News for All Nations na formu wa (S-43) uutila Balondoleni nga ca kuti bakumanya uulanda ululimi lumbi.—Moneni Ukubilisha.

25 min: “Ukwishibisha Ishina lya kwa Lesa.”f Bomfyeni amepusho yateyanishiwe. Ilyo mulelanda pali paragrafu 4, landeni ne fili mu mukululo utila “Making Known the Name of God,” pe bula 124 mu citabo ca Proclaimers. Lekeni kasabankanya wafikapo acite icilangililo ca cipempu ca kubwelelamo. Ukubomfya ilembo limo nelyo yabili mu citabo ca Ukupelulula, amabula 424-5, londololeni umulandu cacindamina ukwishiba no kubomfya ishina lya kwa Lesa ilya pa lwakwe.

Ulwimbo 197 ne pepo lya kusondwelela.

[Amafutunoti]