Ukutantika Ukulongana Kwa Mulimo

Umulungu wa Kutampa September 8

Ulwimbo 10

10 min: Ukubilisha kwa pa mwenu. Ukubilisha kwasoobolwamo mu Ubutumikishi Bwesu Ubwa Bufumu. Koselesheni bonse ukupituluka mu fyo balembele pa kulongana kwa muputule ukwa mwaka wa mulimo uwapwile ku kupekanishisha Ukulongana kwa Mulimo ukwa mulungu uleisa. Bomfyeni imitubululo pe bula 4 no kucitako ifilangililo fibili pa fingacitika icine cine ilyo muleshalika Ulupungu lwa kwa Kalinda ulwa September 15 na Loleni! wa July-September. Mu cilangililo cimo, langeni umwana we sukulu nelyo umufyashi aleshimikila kuli kafundisha wa pa sukulu.

10 min: Lanshanyeni pali “Programu Mupya uwa Bushiku bwa Kulongana Kwaibela.” Bilisheni ubushiku bwa kulongana kwaibela ukukakonkapo, kabili cincisheni bonse ukusangwako. Nga ca kuti ukulongana kuli no kubako mu myeshi ili mupepi, bilisheni ukuti abalefwaya ukubatishiwa balingile ukwishibisha kangalila wa kutangilila.

25 min: “Mwe Misepela—Ikuulileni Umufula Usuma uwa ku Ntanshi.”a Ukutungululwa na eluda ukubomfya amepusho yapekanishiwe. Pa kulanshanya paragrafu 5, landeni pa buseko na mapaalo yaba mu mulimo wa nshita yonse.

Ulwimbo 170 ne pepo lya kusondwelela.

Umulungu wa Kutampa September 15

Ulwimbo 199

10 min: Ukubilisha kwa pa mwenu. Lipoti wa ndalama. Landeni pali lipoti wa May uwa mulimo wa mwi bala uwa Zambia, tasheni bamunyina na bankashi no kubakoselesha umulekabila ukuwamyako.

10 min: “Ukusambilila Icitabo ca Pepeni Lesa.” Ilyashi kuli kangalila we sambililo lya citabo. Landeni pa kutantika kwe sambililo. Pa kulanda pali paragrafu 4, sansheniko ifyaba mu citabo ca Isukulu lya Butumikishi, ibula 28, paragrafu 1, na pe bula 70.

25 min: “Tetekeleni Yehova no Kucite Cisuma.” (Amalu. 37:3) Ukulanshanya ne bumba lyonse ukushimpwa pa mepusho yakonkapo, ayalekomaila pa fishinka fikalamba ifya mu kulongana kwa muputule ukwa mwaka wa mulimo uwapwile. Ebeni ibumba ukulanda na pa fyo babomfya ifishinka fikalamba pa lwabo nelyo mu ndupwa. Landeni pali aya malyashi yali muli ulya programu: (1) Ukulanga Ukuti Twalitetekela Yehova.” Mulandu nshi cacindamina ukulanga ukuti twalitetekela Yehova muli fyonse mu mikalile yesu? (it-2 ibu. 521) Bushe icisontelelo ca Watch Tower Publications Index kuti catwafwa shani? (2) “Ibakeni ku Fintu fya mu Bumi Ifyaba Mupu.” (Luk. Mil. 2:4-8, 11) Milimo nshi iyaba mupu tufwile ukuibakako, kabili kuti twacita shani ifyo? (3) “Talukeni ku Fyabipa, Beni Bakacita wa Cisuma.” Mulandu nshi cacindamina ukukakatila ku fipimo fya kwa Yehova? (Esa. 5:20) Milimo nshi isuma iyo tufwile ukupamfiwamo? (4) “Ukwikatisha Ukutetekela Twatetekela Yehova.” Cinshi cikatwafwa ukwiminina abashangila te mulandu ne fya kwesha na matunko? Mulandu nshi tufwile ukushiila fimo mu maboko ya kwa Yehova? (5) “Bushe Mukalingwa Abawamino Kwingila mu Bufumu bwa kwa Lesa?” (Kol. 1:10) Fya kumwenako nshi fya mu Baibolo fitucincisha ukutwalilila ukwenda abawamina Yehova? (6) “Tetekeleni Amalayo ya kwa Yehova.” Bushe ukucite ci kukakuma shani imikalile yesu?

Ulwimbo 58 ne pepo lya kusondwelela.

Umulungu wa Kutampa September 22

Ulwimbo 7

10 min: Ukubilisha kwa pa mwenu. Bomfyeni imitubululo pe bula 4, no kucitako ifilangililo fibili pa fya kushalika Ulupungu lwa kwa Kalinda ulwa October 1 na Loleni! wa July-September. Mu cilangililo cimo, umufyashi aleafwa umwana.

15 min: Twabombele Shani Umwaka Wapwile? Kangalila wa mulimo apituluka mu fyapulilemo muli lipoti wa cilonganino uwa mwaka wa mulimo uwa 2003. Tasheni icilonganino pa fisuma ifyabombwa. Sansheniko fimo fimo ifyali muli lipoti wa kwa kangalila wa muputule pa butandashi bwalekelesheko. Landeni pa buyo bumo nelyo bubili ubwingafikwapo uno mwaka wa mulimo.

20 min: Bushe Imipepele Yonse Yalipokelelwa Kuli Lesa? Ukulanshanya ne bumba lyonse ukushimpwa pa citabo ca Ukupelulula. Lanshanyeni ifya kupelulushanya na umo pali ci cishinka. (rs amabu. 282-3) Landeni inshila shimo shimo isho umo engeshibilamo ukupepa kwa cine. (rs amabu. 288-90) Ubutumikishi bwesu bulaafwa bambi ukusala imipepele yapokelelwa kuli Lesa.—Kol. 1:9, 10.

Ulwimbo 39 ne pepo lya kusondwelela.

Umulungu wa Kutampa September 29

Ulwimbo 194

10 min: Ukubilisha kwa pa mwenu. Cinkuleniko bakasabankanya ukutuma amalipoti ya mulimo wa mwi bala aya September. Bilisheni ulupapulo lwa kutambika mu October. Citeniko icilangililo icipi pa fya kutampa isambililo lya Baibolo muli broshuwa wa Cintu Lesa Afwaya.

15 min: Ukukabila kwa pa mwenu.

20 min: “Fwaleni Ukuicefya.”b Lekeni abali mwi bumba balande ifyo amalembo yengabomfiwa.

Ulwimbo 224 ne pepo lya kusondwelela.

Umulungu wa Kutampa October 6

Ulwimbo 170

10 min: Ukubilisha kwa pa mwenu. Uno mweshi, tulebombesha mu nshila yaibela pa kuti tukatendeke amasambililo ya Baibolo. Mu kwipifya, pitulukeni mu Ubutumikishi Bwesu Ubwa Bufumu ubwa May 2002, ibula 1, paragrafu 1.

15 min: “Shininkisheni Ukutangishako Ifintu Fyacindama Intanshi!” Ilyashi no kulanshanya ne bumba lyonse ukushimpwa pa cipande mu Ulupungu lwa kwa Kalinda ulwa September 1, 1998, amabula 19-21. Landeni inshiku ilyo fimo fimo ifya bulesa fitantikwe mu myeshi ileisa, kabili koselesheni bonse ukulemba ifishibilo pali shi nshiku pa makalenda yabo. Ipusheni aba mwi bumba balande ifyo bacita pa kukanapuswa ukupekanya kwa ku mupashi.

20 min: Ukushangila no Kukanakonkelesha Bambi. Ipusheni eluda nelyo umubomfi utumikila uwakushiwe mu ng’anda ya Bwina Kristu. Losheni ku fishinka fimo fimo mu Ulupungu lwa kwa Kalinda ulwa February 15, 2003. Mafya nshi uyo munyina akwete pa sukulu? (ibu. 24 par. 3; ibu. 25 amapara. 4-5) Bushe kwali imibele yabipa ukufuma kuli bambi? (ibu. 26 amapara. 4-6) Bushe na ku bukalamba alashomboka pa mulandu wa kukanafwaya ukukonkelesha bambi? Cinshi camwafwa ukucincintila ubo bwafya? Pa kusondwelela, landeni mu kwipifya ilyashi ukushimpwa pa Ulupungu lwa kwa Kalinda ulwa August 1, 1999, amabula 24-5, no kukomaila pa bunonshi bwaba mu kukwata aba kubishanya na bo basuma.

Ulwimbo 26 ne pepo lya kusondwelela.

[Amafutunoti]