Ukutantika Ukulongana kwa Mulimo

Umulungu wa Kutampa January 12

Ulwimbo 224

10 min: Ukubilisha kwa pa mwenu. Ukubilisha kwasoobolwamo ukwa mu Ubutumikishi Bwesu Ubwa Bufumu. Ukubomfya imitubululo ili pe bula 4, citeni icilangililo pa fya kushalika Ulupungu lwa kwa Kalinda ulwa January 15 na Loleni! wa January-March. Mu cilangililo cimo na cimo, bamagazini bonse babili bafwile ukushalikwa nelyo ca kuti umo fye e ulelandwapo. Pa numa ya cilangililo cimo na cimo, landeni pa mbali shaciwama mu cilangililo.

15 min: “Amano Yafuma mu Kusambilila Pali Lesa Yalicilapo Ukucindama.”a Nga kuli nshita, ebeni ibumba ukulanda pa malembo yaloshiweko.

20 min: Impapulo Shipya Twaipakishe Ukupokelela! Ukulanshanya ne bumba lyonse. Twalisekelele ukupokelela impapulo shipya shibili pa Kulongana kwa Citungu ukwaleti “Peeleni Lesa Ubukata.” Ulupapulo ululeti ‘Moneni Icalo Cisuma’ lupapulo lwaibela pa mpapulo shimbi twakwata. Nga mwakupukula ibula limo na limo kuti mwamona ulubali lwaibela ulwa Calo Calaiwe. Landeni pali fimo fimo ifili pali bamapu balekanalekana. Landeni pa nshila mwingabomfeshamo ulu lupapulo. Ulupapulo lwa Sambilila Kuli Kasambilisha Mukalamba luli no kukosha bumupashi bwa bana besu. Landeni pa malyashi ya pa nshita iyene ayalimo, no kulanga ifyo abafyashi na bana benganonkelamo. Ebeni ibumba ukulanda pa fyo balebomfya bwino ishi mpapulo shipya.

Ulwimbo 186 ne pepo lya kusondwelela.

Umulungu wa Kutampa January 19

Ulwimbo 95

5 min: Ukubilisha kwa pa mwenu.

10 min: Umukululo wa Fipusho. Ilyashi ukulandwa na eluda.

15 min: Ukukabila kwa pa mwenu.

15 min: “Bushe Kuti Twa-afwa Shani Abashasumina Abaupana na BaNte?”b Ipusheni kasabankanya umo nelyo babili abaishileba ababomfi ba kwa Yehova pa mulandu wa ca kumwenako cisuma ica mwina mwabo uwapokelele icine.

Ulwimbo 73 ne pepo lya kusondwelela.

Umulungu wa Kutampa January 26

Ulwimbo 158

12 min: Ukubilisha kwa pa mwenu. Lipoti wa ndalama. Cinkuleniko bakasabankanya ukuleta amalipoti ya mulimo wa mwi bala aya January. Ukubomfya imitubululo ili pe bula 4, citeni ifilangililo pa fya kutambika Ulupungu lwa kwa Kalinda ulwa February 1 na Loleni! wa January-March. Mu cilangililo cimo na cimo, bamagazini bonse babili bafwile ukushalikwa nelyo ca kuti umo fye e ulelandwapo. Mu cilangililo cimo, langilileni ifyo mwingatambika bamagazini ku mwina mupalamano.

15 min: Mulekonka Icebo ca kwa Lesa mu Mikalile Yenu Cila Bushiku. Ilyashi no kulanshanya ne bumba lyonse. Koselesheni bonse ukubomfya bwino ulupapulo lwa Ukubebeta Amalembo Cila Bushiku—2004. Lanshanyeni ifyebo fyaba pa mutwe uleti intendekelo, pa mabula 3-4. Ipusheni ibumba ukulanda pa nshita bamona ukuti e yawamisha ukubebeta ilembo cila bushiku. Lanshanyeni ne cilonganino ilembo lya ubo bushiku ne fyebo filembelwe ifilelanda pali ilyo ilembo. Ebeni ibumba ukulanda pa fyo twingabomfya ifi fyebo. Koselesheni bonse ukutontonkanya pa fyo bengabomfya ifyebo ilyo balanshanya ilembo cila bushiku.

18 min: Ukulundulula Bucibusa na Basumina Banensu. (Amapi. 18:24; 27:9) Ilyashi no kulanshanya ne bumba lyonse ukufuma mu Ulupungu lwa kwa Kalinda ulwa December 1, 2000, amabula 22-3. Ubusuma bumo ubwaba mu kupepa kwa cine kupanga ifibusa fine fine. Ukubishanya pa kulongana, mu mulimo wa mwi bala, na pa nshita shimbi kulatukoselesha icine cine. Bushe kuti twalundulula shani bucibusa na bambi mu cilonganino? Pitulukeni mu mukululo uleti “Inshila 6 Isha Kukwatilamo Bucibusa Bubelelela,” kabili ebeni ibumba ukulanda pa fyo bengabomfya icishinka cimo na cimo ilyo tulebishanya na bamunyinefwe.

Ulwimbo 177 ne pepo lya kusondwelela.

Umulungu wa Kutampa February 2

Ulwimbo 204

10 min: Ukubilisha kwa pa mwenu. Bilisheni ulupapulo lwa kutambika mu February. Pitulukeni mu fya kulanda pa kutambika icitabo ca Palameni Kuli Yehova ifya mu Ubutumikishi Bwesu Ubwa Bufumu ubwa January 2003, ibula 3.

20 min: “Ukubomfya Bwino Inshita Yesu.”c Ebeni ibumba ukulanda pa fyo bacita pa kuti ifintu fishacindama filabasendela inshita ya kucita ifya ku mupashi.

15 min: Pashanyeni Paulo Filya Fine Apashenye Kristu. (1 Kor. 11:1) Ukulanshanya ne bumba lyonse. Nga fintu Yesu acitile, Paulo abomfeshe bwino amashuko alekwata aya kushimikila “abalesangwapo.” (Imil. 17:17) Mashuko nshi twakwata aya kucite ci mu ncende tushimikila? Ni bani ‘musanga’ ilyo muleya ku matuuka, ku ncito nelyo ku sukulu, nelyo ilyo muli pa bulendo ukubomfya bamotoka ba cintubwingi? Ni bani twingalanshanya na bo ilyo tuli pa ng’anda? Ebeni ibumba bashimike ifya kukumanya ifyo bakwata mu kushimikila abantu bakumanya ilyo balebomba imilimo ya cila bushiku.

Ulwimbo 151 ne pepo lya kusondwelela.

[Amafutunoti]