Ukutantika Ukulongana kwa Mulimo
Umulungu wa Kutampa November 8
Ulwimbo 180
10 min: Ukubilisha kwa pa mwenu. Ukubilisha kwasobolwamo mu Ubutumikishi Bwesu Ubwa Bufumu. Kampeni waibela uwa kushalika broshuwa wa Mulelola! akapwa pa November 14. Inshiku shikashalako isha mu November, tukalatambika icitabo ca Sambilila Kuli Kasambilisha Mukalamba. Mu kwipifya pitulukeni mu Ubutumikishi Bwesu Ubwa Bufumu ubwa May 2004 ibula 3, pa fyo mwingashalika ici citabo.
15 min: Nonkelenimo Sana mu Kulongana kwa Mulimo. Ukulanshanya ne bumba lyonse mu citabo ca Abateyanishiwa, amabula 71-2. Ni nshila nshi shisano isho Ukulongana kwa Mulimo kutwafwa ukuwamyako imibombele yesu pamo nga babomfi ba Bwina Kristu? Peeleni ifya kumwenako ifya programu wa myeshi ya nomba line. Bunonshi nshi bwaba mu kupekanishisha kabela? Mulandu nshi uwa kusangilwako lyonse? Mulandu nshi ukalamba uwaba mu Malembo uwa uku kulongana?
20 min: “Twalilileni Ukucincila!”a Landeni na pa fyebo fili mu Ulupungu lwa kwa Kalinda ulwa January 15, 2000, amabula 12-13.
Ulwimbo 19 ne pepo lya kusondwelela.
Umulungu wa Kutampa November 15
Ulwimbo 170
10 min: Ukubilisha kwa pa mwenu. Nga ca kuti imitubululo iili pe bula 4 kuti yabomba ku ncende ya cilonganino cenu, ibomfyeni ku kulangilila ifya kushalika Ulupungu lwa kwa Kalinda ulwa November 15 e lyo na Loleni! wa October-December. Nga kuli inshila imbi iingabomba bwino kuti yabomfiwa.
15 min: Bushe Mwalishiba Insansa Shaba mu Kupeela? Ili lyashi lifumine mu Ulupungu lwa kwa Kalinda ulwa November 1, 2004, amabula 19-23.
20 min: Afweni Abantu Ukutemwa Icine pa Kubomfya Broshuwa Mupya. Ilyashi no kulanshanya ne bumba lyonse ukulandwa na kangalila wa mulimo. Tufwile ukucita icipempu ca kubwelelamo ku kucincisha abalefwaya ukusambilia, abapokeleko broshuwa wa Mulelola! Ukubomfya umutande wa filimo uwaba pe bula 2, londololeni mu kwipifya broshuwa ine yi, ukulangilila sana ifipande fya kulungatika (ifilembelwe pe samba lya filembo fikalamba ifyafiita). Ifi fyebo kuti fyabomfiwa pa kulanshanya ukwipi ukukakonkapo. Ku ca kumwenako nga ca kuti ilyo mwabatandalile umuku wa kubalilapo mwalandile pa mabula 3-4, iciputulwa cikonkelepo pe bula 5 icitila “Bushe Lesa Cine Cine Alasakamana?” kuti cabomfiwa pa cipempu ca kubwelelamo. Lanshanyeni ifyo mwingacite ci. Pitulukeni mu fiputulwa fimbi ifilangililwe, pamo nge fili pa mabula 6-8 e lyo na 17-18 nelyo ifiputulwa fimbi ifingabomba bwino uko mwikala. Citeni icilangililo ca cipempu ca kubwelelamo, ukubomfya ifiputulwa fimo ifilangililwe. Belengeni no kulandapo ilembo limo nelyo ukucilapo pa malembo yashambwilwe. Kasabankanya asondwelela pa kulangilila ulubali na lumbi ulo bengalandapo umuku ukakonkapo.
Ulwimbo 66 ne pepo lya kusondwelela.
Umulungu wa Kutampa November 22
Ulwimbo 199
10 min: Ukubilisha kwa pa mwenu. Lipoti wa ndalama.
15 min: Ukukabila kwa pa mwenu.
20 min: Ukutendeka Amasambililo ya Baibolo na Bapokeleko Broshuwa Mupya. Ilyashi no kulanshanya ne bumba lyonse ukulandwa na kangalila wa mulimo. Mu kwipifya pitulukeni mu cilangililo ca mu Kulongana kwa Mulimo ukwafumineko ica pa cipempu ca kubwelelamo no kulumbula ulubali lwalangililwe na mashiwi ya kulekelesha aya kulya kutandala. Nga kuti cacitika bomfyeni bakasabankanya bamo bene ukubomfya ifyebo fimo fine ukulangilila icipempu ca kubwelelamo cimo cine. Lyene kasabankanya abomfya inkupo ya ku numa ya broshuwa ku kutambika isambililo lya Baibolo, kabili bapekanya ukuti bakasambilile isambililo 1 muli broshuwa wa Cintu Lesa Afwaya ilyo bakatandala umuku uukakonkapo. Koselesheni bonse ukutendeka amasambililo ya Baibolo kuli bonse abapokele broshuwa wa Mulelola!
Ulwimbo 58 ne pepo lya kusondwelela.
Umulungu wa Kutampa November 29
Ulwimbo 23
10 min: Ukubilisha kwa pa mwenu. Cinkuleniko bakasabankanya ukutuma lipoti wa fyo babombele mu November. Langilileni ifyo mwingashalika Ulupungu lwa kwa Kalinda ulwa December 1 na Loleni! wa October–December.
10 min: Umukululo wa Mepusho. Ilyashi ukulandwa na eluda.
25 min: “Ukutungulula Amasambililo ya Baibolo Ayalunduluka—Ulubali 3.”b Bomfyeni amepusho yapekanishiwe. Pa numa ya kulanshanya paragrafu 3, citeni ne cilangililo icipi ice sambililo lya Baibolo ukubomfya broshuwa wa Cintu Lesa Afwaya, isambililo 5, paragrafu 1. Paragrafu kale kale naibelengwa kabili ne cipusho nacasukwa. Katungulula no musambi babelenga no kulanshanya Esaya 45:18 e lyo na Lukala Milandu 1:4. Katungulula aipusha amepusho ayayanguka ayengafwa umusambi ukulondolola ifyo ilembo limo na limo lileampana ne fyo balelanshanya.
Ulwimbo 178 ne pepo lya kusondwelela.
Umulungu wa Kutampa December 6
Ulwimbo 96
10 min: Ukubilisha kwa pa mwenu. Lumbuleni impapulo sha kushalika mu December. Citeniko icilangililo cimo nelyo fibili pa fya kushalika icitabo ca Umuntu Wakulisha.
20 min: “Bushe Kuti Mwayafwa?”c Ipusheni kasabankanya umo nelyo babili abanonkelamo mu kwafwa nelyo ukukoseleshiwa uko bakoseleshiwe ku bantu bambi.
15 min: Ifya kukumanya fya pa mwenu. Ebeni ibumba ukushimika ifya kukumanya ifyo baipakishe ilyo baleshalika broshuwa wa Mulelola! Pekanishisheni kabela ukupituluka mu fya kukumanya fisuma. Kabili tasheni bonse pa fyo batungilile uyu kampeni waibela.
Ulwimbo 101 ne pepo lya kusondwelela.
[Amafutunoti]
a Ukulandapo kwenu pa kutendeka kwicila pali miniti umo, kabili konkeshenipo ukulanshanya kwa mepusho na masuko.
b Ukulandapo kwenu pa kutendeka kwicila pali miniti umo, kabili konkeshenipo ukulanshanya kwa mepusho na masuko.
c Ukulandapo kwenu pa kutendeka kwicila pali miniti umo, kabili konkeshenipo ukulanshanya kwa mepusho na masuko.