Ukutantika Ukulongana Kwa Mulimo

Umulungu wa Kutampa March 13

Ulwimbo 41

10 min: Ukubilisha kwa pa mwenu. Ukubilisha kwasoobolwamo mu Ubutumikishi Bwesu Ubwa Bufumu. Ukubomfya ifyebo fili pe bula 8 nelyo fimbi ifingalinga uko mushimikila, langilileni ifya kushalika Ulupungu lwa kwa Kalinda ulwa March 15, na Loleni! ya January–March. Pa mpela ya cilangililo cimo na cimo, lekeni kasabankanya ete umwine wa ng’anda ukutila akasangweko ku Cibukisho. Kasabankanya abomfye ifyebo fili ku numa ya iyi magazini.

15 min: “Afweni Abantu Ukumwenamo mu Cilubula.”a Iyashi lyalakonka pali ili, lyalatweba na fimbi pa fyo twingabomfya ifyebo fyaba mu citabo ca Baibolo Isambilisha pa mabula 206-8 pa kwita abantu ukusangwa ku Cibukisho.

20 min: Umulalilo wa kwa Shikulu Ulenga Lesa Ukucindikwa. Ukulanshanya ne bumba lyonse ifipusho ne fyasuko mu citabo ca Baibolo Isambilisha pa mabula 206-8. Mu mashiwi yanono aya ntendekelo, te kucila pali miniti umo, langeni ifyo mwingatendeka ukulanshanya no mwine wa ng’anda pali uyu mutwe pa kubelenga paragrafu wa kubalilapo. Lyena ebeni ibumba ukwasuka ifipusho fyakonkapo. Mwibelenga amaparagrafu: (para. 2) Ni lilali Yesu atendeke Icibukisho ca mfwa yakwe? (para. 3) Miku inga Umulalilo wa kwa Shikulu ufwile ukubako? (para. 4) Bushe Baibolo itila ukusefya icibukisho kufwile ukuba shani? (para. 5) Twaishiba shani ukutila Yesu tasangwile umukate ukuba umunofu wakwe no mwangashi ukuba umulopa wakwe? (para. 6) Bushe umukate uushatutumuka wimininako cinshi? (para. 7) Bushe umwangashi wakashika wimininako cinshi? (para. 8) Ni bani fye abafwile ukulyako umukate no kunwako umwangashi? (para. 9) Ni lilali Icibukisho cibako cila mwaka, kabili cinshi tufwile ukusangilwako? Landeni sana pa malembo yalelanda pa fishinka fikalamba nga kuli inshita. Koselesheni bakasankanya bonse ukulanshanya ifi fyebo na basambi ba Baibolo e lyo na bambi abo bengeta ukwisa ku Cibukisho. Ilyo balecite ci balebelenga amaparagrafu no kulanda pa fishinka fikalamba, ukubomfya ifipusho fyayanguka nge fili muli ili lyashi.

Ulwimbo 134 ne pepo lya kusondwelela.

Umulungu wa Kutampa March 20

Ulwimbo 18

15 min: Ukubilisha kwa pa mwenu. Pitulukeni mu fishinka fikalamba ifili mu mukululo uleti: “Ifya Kwibukisha pa lwa Cibukisho.” Mu maminiti yatatu nelyo yane, landeni no kulangilila ifya kubomfya utupepala twa kwitilapo abantu ku Cibukisho. Pitulukeni mu fyebo fyaba mu Ubutumikishi Bwesu Ubwa Bufumu ubwa February 2006, pe bula 3, mu paragrafu 3.

15 min: “Kalata Ukufuma kwi Bumba Litungulula.” Ulupwa e lulelanshanya. Balanda pa co ulupwa lufwile ukubikila umulimo wa mwi bala pa fyo bonse balingile ukulacita cila mulungu. Bawishi basondwelela ukulanshanya pa kukoselesha abana na bakashi ukulaibukisha ifishinka fili muli kalata ifumine kwi Bumba Litungulula.

15 min: Ukubebeta Amalembo Cila Bushiku Kulatukosha. Ilyashi ne cilangililo. Lilefuma pa fyebo fyaba pa ntendekelo ya katabo ka Ukubebeta Amalembo Cila Bushiku—2006. Pekanyeni icilangililo umuli ulupwa lulebebeta ilembo lya ubo bushiku ne fyebo filandilwepo.

Ulwimbo 103 ne pepo lya kusondwelela.

Umulungu wa Kutampa March 27

Ulwimbo 44

Icishibisho: Ifilonganino tafifwile ukutwala Ukulongana kwa Mulimo ukukaba mu mulungu wa March 27 mu mulungu umbi ilyo ubu bushiku bushilafika, kano fye nga nabakwata kangalila wa muputule. Mu filonganino fyonse fye, ica mu kati icilelanda pa kulongana kwa citungu, cifwile ukulandwapo mu Kulongana kwa Mulimo mu mulungu ulya wine watantikwa. Nga kuli ukulongana kwa muputule muli uyo mulungu, bakangalila ba masambililo ya citabo bafwile ukubilisha pa masambililo ya citabo apo basangwa ukukabela ukulongana ne nshiku sha kulongana.

10 min: Ukubilisha kwa pa mwenu. Cinkuleniko bakasabankanya ukuleta amalipoti ya mulimo wa mwi bala aya March. Belengeni lipoti wa ndalama no kulanda pa fyo umusambo watashishe pa misangulo. Bomfyeni ifyebo fili pe bula 8 nelyo fimbi ifingalinga mu cifulo mubombela, no kulangilila ifya kushalika Ulupungu lwa kwa Kalinda ulwa April 1 na Loleni! ya January–March. Langilileni ne fya kubomfya akapepala ka kwitilapo abantu ku Cibukisho.

20 min: “Ukulongana kwa Citungu Ukwa Nte sha kwa Yehova Ukwa mu 2006 Ukuleti: “Ukulubuka Nakupalama.”b Ukulandwa na kalemba. Pa numa ya kulanda pali paragrafu 1, belengeni kalata wa March 15, 2006 uo bamwebelepo ukwa kulonganina icitungu. Koselesheni bonse ukupekanya bwangu ukuti bakasangweko ku kulongana.

15 min: Ifyo Umulimo Waendele. Ebeni ibumba ukushimika ifyafuminemo ilyo baleshalika icitabo ca Baibolo Isambilisha mu March. Lekeni balande pa masambililo ya Baibolo ayo batendeke. Kuti mwacita ne cilangililo cimo nelyo fibili ukulangilila ifyacitike ifyapulilemo.

Ulwimbo 170 ne pepo lya kusondwelela.

Umulungu wa Kutampa April 3

Ulwimbo 199

15 min: Ukubilisha kwa pa mwenu. Pitulukenimo panono mu cipande caba mu Ubutumikishi Bwesu Ubwa Bufumu ubwa February, 2006, pe bula 6, icakwata umutwe wa kuti: “Ipakisheni Ukusambilila mu Citabo ca Bushe Cinshi Baibolo Isambilisha?” Landeni pa fyo ukusambilila icitabo ca Baibolo Isambilisha kutantikwe. Kabili langeni ne fya kubomfya utupepala twa kwitilapo abalesekelela ukuti bakasangweko ku Cibukisho.

10 min: Ukukabila kwa pa mwenu.

20 min: “Sambilisheni Abafuuka Ukwenda mu Nshila sha kwa Lesa.”c Landeni na pa fyebo fili mu Ulupungu lwa kwa Kalinda ulwa July 1, 2004, pe bula 16, mu paragrafu 9.

Ulwimbo 93 ne pepo lya kusondwelela.

[Amafutunoti]