Amafya Ayalelenga Imiceele Ukubipa Sana—Ifyo Ubufumu bwa kwa Lesa Bukacitapo

“Ukubipa kwa miceele kulesakamika sana abantu, kuleleta amafya ayakalamba mu misumba na ku fya mweo fyonse. Imfula ya citalawe ilebipilako fye pa mulandu wa kuti ifintu mwi sonde balifyonaula kabili calilenga imiceele ukubipa sana. Iyi mfula ya citalawe ileonaula amayanda mwi sonde lyonse ne nshila abantu basangilamo ifyo bakabila. Amenshi ya muli ba bemba yaleya yalekabilako fye, ici cilelenga ifya mweo muli ba bemba ukutendeka ukufwa.”—Inger Andersen, under-secretary-general of the United Nations and executive director of the UN Environment Programme, July 25, 2023.

Bushe amabuteko yakabombela pamo no kupwisha aya mafya? Bushe yalikwata amaka ya kupwisha aya mafya?

Baibo yalilanda pa buteko ubwingapwisha kabili ubukapwisha amafya ayalelenga imiceele mwi sonde ukubipa sana. Ilanda ukuti “Lesa wa mu muulu akemya ubufumu,” ubukateka isonde lyonse kabili ubukapwisha amafya yonse. (Daniele 2:44) Ilyo ubu buteko bukalateka, abantu ‘tabakacite ububi’ ku bantu banabo ‘nangu ukuleta ubonaushi’ kwi sonde.—Esaya 11:9.