Intungulushi Ishishaba na Cishinka—Ifyo Ubufumu bwa kwa Lesa Bukacita

Abantu bafwaya intungulushi sha buteko isho bengacetekela; pantu balinaka ukutungululwa ne ntungulushi ishishaba ne cishinka, ishaba na mafisakanwa, balomfwa ububi pa ficitika kabili kuti batemwa ukutekwako ne mitekele imbi. Ifyo bafwailishe mwi sonde lyonse mu 2023 filangilila ukuti abantu abo bashacetekela sana, ni ntungulushi sha mabuteko.a

Baibo ilalanda pa buteko ubwakwata intungulushi iya cishinka kabili iishaba na mafisakanwa. No bu buteko, Bufumu bwa kwa Lesa kabili intungulushi ya buko ni Yesu Kristu.—Esaya 9:7.

Ifyo Yesu alecita filalanga apabuuta tuutu ukuti alibika amano ku bantu. (Mateo 9:35, 36) Apo ni Mfumu ya Bufumu bwa kwa Lesa, akaleta umutende no mulinganya ku bantu bonse abasumina ukuti alebatungulula.—Amalumbo 72:12-14.