Ukukumana kwa pa Mwaka

OCTOBER 1, 1994

UKUKUMANA KWA PA MWAKA ukwa filundwa fya Watch Tower Bible and Tract Society of Pennsylvania kukabako pa October 1, 1994, pa Ŋanda ya Kulongana Kukalamba iya Nte sha kwa Yehova, 2932 Kennedy Boulevard, Jersey City, New Jersey. Ukukumana kwa kubalilapo ukwa filundwa fyeka kukabako pa 09:30hrs., ukukonkwapo no kukumana kwa pa mwaka ukwa cinkumbawile pa 10:00hrs.

Ifilundwa fya Kulembesha balingile ukwishibisha Iofesi lya kwa Kalemba nomba pa lwa kwaluka ukuli konse mu maadresi yabo aya makalata mu kati ka mwaka wapita pa kuti amakalata ya lyonse aya cishibisho ne fyalembwa fya kwimininwako fingafika kuli bene mu kati ka July.

Ifyalembwa fya kwimininwako, ifikatumwa ku filundwa fyonse pamo ne cishibilo ca kukumana kwa pa mwaka, fili no kubweshiwa pa kuti fingafika kwi Ofesi lya kwa Kalemba wa Sosaite te kucila pa August 1. Icilundwa cimo na cimo cilingile ukwisushisha no kubwesha icalembwa cakwe ica kwimininwako mu kwangufyanya, ukulondolola nampo nga akabapo pa kukumana pa lwakwe nelyo iyo. Ifyebo fikapeelwa pa calembwa ca kwimininwako cimo na cimo filingile ukulondolola mu kulungatika pali ici cishinka, apantu fikashintililwapo pa kupima mu kubangilila abo mu cituntulu bakabapo pa lwabo.

Cileenekelwa ukuti ukukumana konse, ukusanshako ukukumana kwa mwi funde na malipoti, fikasondwelelwa ukufika pa 13:00hrs. nelyo mu kwipipa pa numa. Takwakabeko ukukumana kwa cungulo. Pa mulandu wa ncende yapelela, ukusuminishiwa kukaba ku bamatikiti epela. Takwakabe ukutantika kwa kulundinkanya ukukumana kwa pa mwaka ku nsale sha telefoni ku fifulo ifili fyonse fimbi.