Watchtower LAIBRARE YA PA INTANETI
Watchtower
LAIBRARE YA PA INTANETI
Cibemba
  • BAIBOLO
  • IMPAPULO
  • UKULONGANA
  • w95 7/15 amabu. 8-9
  • Inte sha kwa Yehova Ukushinguluke Calo—Brazil

Vidio mulefwaya tamuli

Mukwai yafilwa ukutambika

  • Inte sha kwa Yehova Ukushinguluke Calo—Brazil
  • Ulupungu lwa kwa Kalinda—1995
  • Utumitwe utunono
  • Ifipalileko
  • Ukubomba uko Ukukabila Kuli Ukwakulilako
  • Ukutambike Mpapulo sha Baibolo
  • Ukucetekela Kwandi Muli Yehova Kwantungilila
    Ulupungu lwa kwa Kalinda—1997
  • Umukoosha Utwala ku Kulunduluka
    Ulupungu lwa kwa Kalinda—1995
  • Yehova Apaalile Umupampamina Wandi
    Ulupungu lwa kwa Kalinda—1990
Ulupungu lwa kwa Kalinda—1995
w95 7/15 amabu. 8-9

Inte sha kwa Yehova Ukushinguluke Calo—Brazil

BRAZIL calo icikalamba nga nshi mu nshile shingi. Ku bukulu ne mpendwa ya bekashi, pa fyalo fyakulisha e calenga busano ubukulu mu calo conse. Cakupa mupepi na citika wa mpanga ya South America kabili caba na bekashi abengi ukucila ifyalo fyonse fimbi ifya cilya calo cikalamba ukufibika pamo. Mu Brazil na kabili e mwaba umutengo wa mfula uwakulisha mu calo conse. Muli ulya mutengo mupita umumana wakulisha pano isonde, uwa Amazon.

Brazil na kabili calo icikalamba mu nshila na imbi. Impendwa ya bakasabankanya ba mbila nsuma ya Bufumu bwa kwa Lesa ilepalamina kuli 400,000 kabili umwaka wapwile ukucila pali 1,000,000 e basangilwe ku—Cibukisho ca mfwa ya kwa Yesu. Ici calo kanshi calipulamo ukukuma ku mulimo wa kushimikilo Bufumu. Ifya kukumanya fya nomba line e filelangilila ici cishinka.

Ukubomba uko Ukukabila Kuli Ukwakulilako

Antonio no mukashi wakwe bacitile ukupingulapo ukwaafya ukwa kusha abantu babo ne ncito yacingililwa, iya malipilo yasuma mu São Paulo ukuyabombela ukwali ukukabila kwakulilako ukwa bakabilisha ba Bufumu mu citungu ca Minas Gerais. Icifulo cabo ica kubombelamo casanshishemo ikomboni lya babomfi ba pa cifulo bapangilapo shuga. Ubushiku babalilepo kucitilo bunte palya, batendeke amasambililo ya Baibolo pabula. Mu kati ka myeshi 18, baletungulula amasambililo ukucila pali 40!

Pa kutendeka fye, ukulongana kwalebela mulya mwine mu ncende ya kupangilamo shuga. Nangu cibe fyo, bakasabankanya bapya balefwaya ukumone Ŋanda ya Bufumu iine ine. Muli fyo, balipilile basi uwali no kusenda abantu 75 ku cilonganino cabela lwa mupepi. Lyene kwaishile ibungano; mu basambi ba Baibolo abapya 45 balisangilweko kabili balibepwishe ifipusho fya kulanshanya. Muli aba, 15 balibatishiwe pali kalya kashita. Kwena, kwaliko ifilamba fya buseko!

Akampani kamo kene aka mabasi e ko twaleipusha ku nyendo shapalako, kabili abalashi balepayanya imitengo yabweshiwako. Mu kulango kutasha, Antonio apeele ica kwaafwa ukusambilila Baibolo ku mwine wa kampani ka mabasi. Alisumine ukutendeka ukusambilila Baibolo cilya cine cungulo bushiku kabili pa numa ya kusambilila kwa mukoosha pa myeshi iyafulilako, alibatishiwe. Pa kutendeka, umukashi wakwe alekaanya ukusambilila, lelo mu kupita kwa nshita, alitontolweke mu mibele yakwe. Ilelo wene na o ni Nte ya kwa Yehova iyabatishiwa.

Mu February 1992 icilonganino ca bakasabankanya bacincila 22 calipangilwe. Ukufika mu 1994 iyi mpendwa yali naingilishiwako ukufika kuli 42, na bapainiya ba nshita yonse 4, nelyo bakashimikila ba nshita yonse aba mbila nsuma. Icafuminemo, Antonio asondwelele ukuti: “Ine no mukashi wandi twalimona ukuti nga ‘twaesha Yehova,’ nga fintu Malaki 3:10 alanda, ‘akatupongolwele paalo kukasuke kukabule incende ya kubapo.’”

Ukutambike Mpapulo sha Baibolo

Nakalimo umulandu umbi uulelenga umulimo wa kushimikila ukutanunuke fyo mu Brazil uli wa kuti Inte balatambika impapulo sha Baibolo pe shuko ilili lyonse. Ku ca kumwenako, icilonganino cimo calembele kwi ofesi lya musambo ilya Watch Tower Society ukufwaye fitabo 250 ifya Ifipusho Abacaice Bepusha—Ifyasuko Fibomba. Mulandu nshi baodele ifyafule fyo?

Kalata alondolwele ukuti: ‘Limo ilya masukulu mu tauni bapingwilepo ukubomfya ici citabo nge fyebo fya kusambilisha muli limo ilya makalasi. Ukupingulapo kwa balashi ba pa sukulu kuli ni pa mulandu wa bunte bwa mu lyashi ubucitwa na bafyashi ba bana be sukulu ababa ni Nte sha kwa Yehova e lyo na umo uwa bangalila amasukulu. Shi Yehova natwalilile ukupaala ababomfi bakwe ilyo balepayanya ukufunda kushaiwamina mu kuba ne ci citabo.’ Ee, kabili shi Yehova natwalilile ukupaala ukulunduluka kusuma ukwa mulimo wa kushimikilo Bufumu mu calo cikalamba ica Brazil.

[Akabokoshi pe bula 8]

UKULONDOLOLA IMIBOMBELE YA CALO

Umwaka wa Mulimo uwa 1994

IMPENDWA YA PA MUULU IYA ABALECITILO BUNTE: 385,099

ICIPIMO: Nte umo kuli 404

ABASANGILWE KU CIBUKISHO: 1,018,210

AVAREJI WA BAPAINIYA BAKASABANKANYA: 38,348

AVAREJI WA MASAMBILILO YA BAIBOLO: 461,343

IMPENDWA YA BABATISHIWE: 24,634

IMPENDWA YA FILONGANINO: 5,928

IOFESI LYA MUSAMBO: CESÁRIO LANGE

[Icikope pe bula 9]

Motoka wakwate cisoselo uwalebomfiwa mu São Paulo mupepi na 1940

[Icikope pe bula 9]

Ukucitilo bunte mwi Bala lya Filimwa mu Rio de Janeiro

[Icikope pe bula 9]

Iofesi lya Musambo mu Cesário Lange

    Impapulo sha mu Cibemba (1982-2025)
    Isaleni
    Isuleni
    • Cibemba
    • Peleniko Bambi
    • Ifyo Mwingasala
    • Copyright © 2025 Watch Tower Bible and Tract Society of Pennsylvania
    • Ifya Kubomfya
    • Amafunde Yesu
    • Privacy Settings
    • JW.ORG
    • Isuleni
    Peleniko Bambi