Baafwe ‘Ukuumfwa na Limbi’
1 “Tukakuumfwa ulwa ici na limbi.” (Imil. 17:32) Uko kwali e kwankulako kwa bamo ku lyashi lyalumbuka ilya kwa Paulo ilya pa lupili lwa Mars. Mu musango umo wine ilelo, bamo baliba abaitemenwa ukumfwa ifyafulilako pa lwa bukombe bwa Bufumu ubo twakana na bene pa kutandala kwesu ukwa kubalilapo.
2 Tucita ukusambilisha kwesu ukwafulilako lintu twabwelelako ku kulundulula ubuseko. Ukupekanya kusuma kukatwaafwa ukukwata ifya kufumamo fisuma. Ibula 53 ilya Icitabo ca Kutungulule Sukulu litasha ukuti: “Intanshi kwato kupaasha kwa kwafwilishe fyebo mu kumfwika mu muntontonkanya. Esho kupimo mulandu icintu cabele fyo. Mona nga wingabike mfundo mu mashiwi yobe we mwine. Kwato kutesekesha kusuma kwa busumino bwa mu Malembo. Ba uwaipekanya ukubomfya amalembo mu kufumamo cimo.”
3 Nga ca kuti washalike icitabo ca “Baibolo—Cebo ca kwa Lesa Nelyo ca Muntu?,” kuti pambi wasosa ifyapale fi:
◼ “Lintu twalanshenye umuku wafumako, twalandile pa lwa milandu twingacetekela Baibolo. Cilya citabo namushilile cakwatamo icipusho ca kuti, ‘Mulandu Nshi Ukubelengela Baibolo?’ [Belenga imitendekele pe bula 5, kabili leka asuke icipusho cili pa mpela.] Baibolo itwebo kuti mu kwangufyanya nga nshi Lesa umwine akapikulula impika sha kupelenganya shonse isha mutundu wa muntu, kabili itutungulula mu nshila tufwile ukuyamo ku kuipakisha amapaalo ya bulya bumi bwa nsansa. [Belenga Ilumbo 119:105.] Ici citabo capangilwa ku kuba ica kumwaafwa mwi sambililo lya Baibolo ilya pa lwenu ne lya lupwa. Kuti natemwa ukumulangisha ifya kucibomfya.”
4 Pali abo washilile trakiti wa kuti “Umulandu Wingacetekela Baibolo,” kuti wasose fi:
◼ “Ifwe bonse twaliba abasekelela mu cikacitika ku nshita ya ku ntanshi. Mu cilolwa ca mibele ya mu calo iya ndakai, muletontonkanya ukuti cinshi cikacitika? [Leka ankuleko.] Ilintu umuntu kuti atunganya fye pa lwa cikacitika, Lesa alishiba mu kulungatika icikacitika. [Belenga Esaya 46:10.] Kuti pambi camupapusha ukwishiba ukuti Baibolo yasobela ukuti mu kwangufyanya tukaipakisha amapaalo ya calo cipya ica paradise. [Belenga paragrafu wa butatu pe bula 4.] Lekeni mulondolwele ifyalundwapo pa lwa ubu bulayo bwawamisha.”
5 Nga ca kuti ulebwelela uko washalike “New World Translation,” napamo kuti wabomfya iyi mitubululo:
◼ “Lintu naishile nomba line, nalimushilile Baibolo, kabili namulaile ifyo nkabwela ku kumwaafwa ifya kuibomfya bwino. Inshita shimo kuti pambi twatwishika ifyo twingasungilila bucibusa na bambi. Baibolo yalikwata ukupanda mano kusuma ukwa kupeela, kabili New World Translation ilacilenga ukuba icayanguka ukusanga ifyo tulekabila. [Kupukula pe bula 1595 no kulolesha pe samba lya mutwe “Love(s).” Alwila ukusakamana ku malembo pamo nga 1 Abena Korinti 13:4; Abena Kolose 3:14; na 1 Petro 4:8. Mu kwipifya londolola ifyo ukubomfya ifi fishinte kwingaletako ifya kufumamo fishaiwamina.] Ici cili ca kumwenako cimo icilangisha ifyo Baibolo itambika ukupikulula kubomba ku mpika shesu. Ilyo nkabwela, kuti natemwa ukwisamulangisha inshila na imbi iyo Baibolo ingatwaafwilamo ukusanga insansa no mutende wa muntontonkanya.”
6 Takwaba icuma cimbi icacilapo ico twingakana na bambi ukucila ukwishiba kwalungikwa ukwa Cebo ca kwa Lesa. Ukwishiba kwa musango yo kuti kwasambilisha akatiina ka kuli Yehova no kukoselesha abantu ukwenda mu nshila yakwe, ico cileta amapaalo ya muyayaya.—Amapi. 2:20, 21.