‘Fwaleni Ubuntu Bupya’
1 Abena Kristu balatasha pa kwishibe cine! Twalisambilila ifya kucita pa kusengauka inshila sha ba ku calo. Pa kuba “abanunuka ku mweo wa kwa Lesa,” “amano yabo yayaluke mfifi.” (Efes. 4:18) Twasambilishiwa ukwalule mintontonkanya pa kufuula ubuntu bwa kale no kufwalo bupya.—Efes. 4:22-24.
2 Ubuntu bwa kale butungulula ku kubipilako kwa mibele ukufumamo ukukowela ne mfwa. E ico, tulaalika abengakutika ku bukombe bwa Bufumu ukuleka ubukali, icipyu, umufulo, imiponto, ne lyashi libi. Abafwaya ububile bwa kwa Lesa bafwile ukupampamina pa kufuula ubuntu bwa kale kabili umupwilapo, ukupala fintu bengafuula ica kufwala calamba.—Kol. 3:8, 9.
3 Ukulengwa Abapya mu Mitima: Ukufwala ubuntu bupya cipilibula ukulengwa abapya mu mitima yesu. (Efes. 4:23) Ni shani umo engalengwa umupya mu mutima pa kuti aye mu ntunga yalungama? Kupitila mu kusambilila Icebo ca kwa Lesa lyonse kabili mu mukosha no kwetetula pa cintu cipilibula. Lyena, imitontonkanishishe ipya ilatendeka, no muntu amona ifintu nge fyo Lesa na Kristu bafimona. Ubumi bwa umo bulaalulwa nga aifwika imibele iingi iyapala Kristu iyaba inkumbu, icongwe, ubupete, ukutekanya, ukushishimisha, no kutemwa.—Kol. 3:10, 12-14.
4 Lintu twafwala ubuntu bupya, tulaipaatulako ku calo. Imikalile yesu itulenga ukuba abaibela. Tulalanda icishinka no kubomfya ululimi lwa musangwela ku kukulilila bambi. Tulalama ubukali bwesu, icilulo, imiponto, no bubi bonse no kupyanikapo imibele ya kwa Lesa iyalungama. Tatupeelela fye pa kweleela tulacilanapo. Ifi fyonse ficitwa ukufuma pa nshi ya mutima.—Efes. 4:25-32.
5 Te kwesha ukufuula ubuntu bupya. Te kuti tubombele Yehova mu kupokelelwa ukwabula bwene. Lekeni bulenge abantu ukucebushiwa ukwisa mu cine, no kuleka bucindamike Yehova, Kalenga wa buntu bupya ubushaiwamina.—Efes. 4:24.