Umulimo Wesu Wa Luse
1 Yesu amwene ukuti amabumba abakutike ku bukombe bwakwe “bali abalulunkaniwa kabili abapaswa nge mpaanga ishabula kacema.” (Mat. 9:36) Pa kubasambilisha ifyo Yehova afwaya, aali uwanakilila kabili uwa kutemwa, e calengele ukuti basansamuke, kabili alibaafwile mutembo mutembo mu fyo balekabila lwa ku mupashi. Nga twatontonkanya pa fyo Yesu abombele, kuti twamupashanya mu fyo aletontonkanya kabili kuti twaba no mutima nga ulya akweteko, kabili kuti twaishibikwa ukuti tuli ba luse mu mulimo wesu.
2 Taleni kutumaneni no kutontonkanya pa fyo Yesu acitile ilyo abantu bakwete ubwafya, bamulombele ubwafwilisho. (Luka 5:12, 13; 8:43-48) Alelangulukila abantu bakwete amafya yaibela. (Marko 7:31-35) Talesuulako fye ku fyo bambi baleyumfwa, alelangulukila. Taalelolesha fye umuntu pa menso iyo. (Luka 7:36-40) Kanshi, Yesu alepashanya bwino bwino Lesa wesu uwa luse muli fyonse.
3 “Abekatilwe Inkumbu”: Yesu talebombela fye ico cine. ‘Aleikatilwa abantu inkumbu’ nelyo ukubomfwila uluse. (Marko 6:34) Na ifwe, ilyo tuleshimikila abantu pali lelo, tatubombela fye ico cine, lelo tufwaya ukubapususha. Tulesha na maka ukwishiba icilenga abantu ukwasuka ifyo basuka. Cinshi calenga ukuti babe abasakamana? Bushe ni co bakacema ba mu mipepele ya bufi balibalekelesha no kubabeepa? Nga ca kutila natupoosako sana amano ku bantu bambi limbi kuti bakutika ku mbila nsuma.—2 Kor. 6:4, 6.
4 Nga twaba no luse ku bantu balomfwa bwino. Natulangilile: Umwanakashi umo alifwililwe umwana wa myeshi itatu. Ilyo baNte babili bamutandalile pa mwakwe, alibengishe mu ng’anda pa kuti fye abashinine ukuti ifyo balanda pa co Lesa asuminishisha ukucula fya bufi. Lelo, uyu mwanakashi, umuye nshiku, alembele ati: “Aba bantu balinkutike luse luse, kabili ilyo bafumine pa mwandi, nalyumfwileko bwino ica kuti nabebele no kuti bakabwele.” Bushe mulesha ukumfwila uluse abantu bonse abo musanga mwi bala?
5 Nga ca kutila tuleumfwila abantu uluse tukalabasansamusha icine cine. Nga tuli ba luse, tukacindika “Shifwe wa nkumbu,” Yehova.—2 Kor. 1:3.