Inshita Isuma iyo Mwingaipakisha Inyimbo sha Bufumu

Ababomfi ba kwa Lesa balishiba ukuti inyimbo bupe busuma ubwafuma kuli Yehova. (Yako. 1:17) Ifilonganino ifingi filaipakisha ukulisha Inyimbo sha Bufumu ne ciunda calinga ilyo ukulongana takulatendeka nelyo ilyo kwapwa. Ukulisha inyimbo sha mu kuteyanya kwesu ni nshila isuma iya kutusengela ku kulongana kwesu. Shilalenga twateyanya amatontonkanyo yesu pa kutendeka ukupepa. E lyo kabili, nga tulelisha inyimbo ishafumine ishaba na mu citabo ca nyimbo, ninshi kuti twashishiba bwino sana kabili kuti tuleimba bwino. Ukulisha ishi nyimbo pa numa ya kulongana kulalenga tuleumfwa bwino ilyo tuleposhanya no kukoseleshanya na babwananyina. E ico baeluda balingile ukupekanya ukuti kuleba ukulisha inyimbo sha Imbileni Yehova—isha Piano ilyo ukulongana takulatendeka na lintu kwapwa. Bafwile ukushininkisha ukuti iciunda cili icalinga kabili tacikulile ica kuti na bantu balefilwa ukulanshanya bwino.