Ukutantika Ifyo Mwingabomba Bupainiya

Pa kuti mubombe bwino Bupainiya, mulingile ukutantika bwino ifya kubomba. Nga ca kuti cila mulungu mulebomba amaawala 18 mu mulimo wa kubila imbila nsuma, ninshi kuti mwabomba bupainiya kabili kuti mwakwata ne nshita ya kutuusha. Nga mwatantika ifi, kuti mwabomba bwino nangu kwingaba ifintu ifyabula ukwenekela pamo nga ukulwala nelyo ilyo imiceele iishili bwino. Charti iili pe samba ilelanga ifyo bakasabankanya nalimo bengatantika bwino inshita yabo nangu ca kuti balalwalilila, balabomba incito ya ku mubili nelyo nga babomba fye inshiku shimo mu mulungu. Nga mwapekanya bwino, nalimo umo mu lupwa kuti atendeka bupainiya mu September. Nalimo kuti mwalanshanyapo pa mapepo ya lupwa.