Ifingatwafwa Ukulabila Bwino Imbila Nsuma Ukulanshanya na Bonse Ababa mu Cifulo Tubilamo Imbila Nsuma

ICO CACINDAMINA: Kasesema Sekaria aseseme ukuti abantu aba mu ndimi shonse isha nko baali no kukutika imbila nsuma. (Seka. 8:23) Nomba ni bani baali no kubasambilisha? (Rom. 10:13-15) Mulimo wesu uwa kubila imbila nsuma ku bantu bonse ababa mu cifulo tushimikilamo.—od ibu. 84 amapara. 10-11.

IFYO MWINGACITA:

• Muleipekanya. Bushe mulakumanya abantu abalanda ululimi lumbi? Kuti mwabomfya JW Language app pa kusambilila amashiwi ayanono aya kubomfya pa kulanshanya na bantu muli ulo lulimi. Nelyo kuti mwabomfya foni yenu pa kulanga umuntu ifya kusanga ifyebo na fimbi mu lulimi lwakwe pa jw.org

• Muleiluka. Ilyo muleshimikila ku ng’anda ne ng’anda, muleesha ukushimikila kuli bonse abo mulesanga. Mulelanshanya na bapita nshila nelyo abali mu myota ishishilatendeka ukwenda. Nga mulebila imbila nsuma ku cintubwingi, mwilabika amano ku fintu ifingamupumfyanya

• Mulebombesha. Muleesha ukulanshanya na bantu abashisangwa pa mayanda yabo. Muleesha ukulanshanya na bonse abo mulesanga pa mayanda, nalimo kuti mwabwelelako pa nshita imbi nelyo ubushiku bumbi muli uyo wine mulungu. Abantu bamo kuti mwalanshanya nabo ukubomfya kalata, foni nelyo ubunte bwa mu musebo

• Mulebwelelako. Mulebwelelako bwangu bwangu kuli bonse abalefwaisha ukusambilila. Nga mwasanga umuntu uulanda ululimi lumbi, muleesha ukufwaya abalanda ulo lulimi pa kuti bengafwa uyo muntu. Mufwile ukutwalilila ukulatandalila uyo muntu mpaka mwasanga kasabankanya uulanda ululimi alanda.—od ibu. 94 amapara. 39-40

TAMBENI VIDIO ITILA UKUBILA IMBILA NSUMA “KU MPELA YA PANO ISONDE,” LYENA LANSHANYENI IFI FIPUSHO:

• 

  Bushe bamunyina na bankashi baipekenye shani pa kuti baleshimikila mu fifulo ifyabela ukutali sana? (1 Kor. 9:22, 23)

• 

  Mafya nshi bakwete?

• 

  Mapaalo nshi basangilemo?

• Finshi mwingacita pa kuti mulelanshanya na bantu abengi mu cifulo mubilamo imbila nsuma?