Yehova Alituteyanya Ukubila Imbila Nsuma ku Bantu Bonse

Muno nshiku Yehova aliteyanya abantu bakwe pa kuti balebomba umulimo abapeela nga filya fine ateyenye abena Israele. Pa kuti umulimo wa kubila imbila nsuma ubombwe bwino, balibikako imisambo, imiputule, ifilonganino, e lyo na mabumba ya mulimo. E ico tulabila imbila nsuma ku bantu bonse ukubikako fye na ku bashilanda ululimi tulanda.—Ukus. 14:6, 7.

Bushe mwalitontonkanyapo ukusambililako ululimi lumbi pa kuti mulesambilisha abantu icine? Nga tamwakwata inshita ya kusambilila ululimi lumbi, kuti mwabomfya JW Language pa kuti musambilile ifya kulanda na bantu pa muku wa kubalilapo. Nga mwacita ifi, mukalasekelela nge fyo aba bwananyina abaliko mu nshita ya batumwa basekelele, ilyo babilile pa “fikalamba ifya kwa Lesa” ku bantu abashalelanda ululimi lwabo.—Imil. 2:7-11.

TAMBENI VIDIO ITILA BENI CIBUSA WA KWA YEHOVA—UKUBILA IMBILA NSUMA KU BALANDA ULULIMI LUMBI, LYENA ASUKENI AMEPUSHO YAKONKAPO:

• 

  Ni lilali mwingabomfya JW Language?

• 

  Finshi fimo fimo ifyaba muli JW Language?

• 

  Ni ndimi nshi abantu ababa mu cifulo mubilamo imbila nsuma balanda?

• Finshi mwingacita nga ca kuti umuntu uushilanda ululimi mulanda alefwaya ukukutika imbila nsuma?—od amabu. 100-101 amapara. 39-41