ICUMA ICABA MU CEBO CA KWA LESA | ABENA KOLOSE 1-4
Fuuleni Ubuntu bwa Kale, Kabili Fwaleni Ubuntu Bupya
Bushe mwalyalwike mu fingi ilyo mwasambilile icine? Yehova alitemenwe sana pa fyo mwabombeshe. (Esek. 33:11) Na lyo line, mulingile ukutwalilila ukubombesha pa kuti tamufwele na kabili ubuntu bwa kale, na pa kuti mutwalilile ukufwala ubuntu bupya. Asukeni aya mepusho pa kuti mumone imbali shimo shimo umo mwingatwalilila ukuwamyako:
Bushe nalitwalilila ukufulilwa umuntu uwacitile ifyo nshatemenwe?
Bushe ndatekanya na lintu mpamfiwe nelyo ilyo nakile?
Nga natendeka ukutontonkanya pa fyabipa, bushe ndaleka bwangu bwangu ukutontonkanyapo?
Bushe nalipata abantu abo napusana nabo inkanda nelyo abafuma ku calo cimbi?
Bushe naliyebapo umuntu ifyabipa nelyo ukumufulilwa?