Kampeni Yaibela Iyakweba Abantu pa Bufumu bwa kwa Lesa mu September!

Mu September, tukabombesha ukulenga abantu bakeshibe ukuti Ubufumu bwa kwa Lesa e bukapwisha fye amafya abantunse bakwata. (Mat. 24:14) Kuti mwacita shani pa kulanshanya na bantu? Kuti mwabelengelako abantu abalekanalekana ilembo ililelanda pa Bufumu bwa kwa Lesa mu mweshi wa September. Nga umo atemwa ifyo mwalanda nankwe, kuti mwamupeela Ulupungu lwa kwa Kalinda Na. 2 2020 ulwa bantu bonse. Lyena mulingile ukubwelelako bwangu bwangu ku balefwaya ukumfwilapo na fimbi. No kuyamona nga kuti batemwa ukusambilila Baibo ukubomfya broshuwa itila Kuti Mwaba ne Nsansa Umuyayaya! Abakabombako bupainiya bwa kwafwilisha mu mweshi wa September kuti basalapo ukubomba ama-awala 15 nelyo 30.

Ubufumu bwa kwa Lesa nomba line fye buli no kushonaula amabuteko yonse ayashibunakila. (Dan. 2:44; 1 Kor. 15:24, 25) Natukabomfye iyi nshita ukulanga ukuti tutungilila fye Yehova no Bufumu bwakwe!