Bushe Yesu ali fye Muntu Umusuma?

Icasuko ca mu Baibolo

Yesu tali fye muntu umusuma. Pa bantu bonse, e wacita ifintu ifyacindamisha pano calo. Umfweni ifyo bamo abalemba amalyashi lya kale abalumbuka sana balanda pali ena:

“Yesu wa ku Nasareti . . . alicindama sana ku bantu bonse ukutula fye na kale.”—H. G. Wells, kalemba wa lyashi lya kale umwina England.

“Ifyo [Yesu] acita e fyacindamisha sana ku bantu pano isonde, kabili fiyafilecindaminako fye.”—Kenneth Scott Latourette, kalemba wa lyashi lya kale, umwina Amerika.

Baibolo yalitweba ico Yesu acitiile fyacindamina sana ukucila ifyo umuntu umbi umusuma pano calo acita. Ilyo Yesu aipwishe ifibusa fyakwe nga balimwishibe, umo pali bena alandile icishinka ati: “Ni mwe Kristu, Umwana wa kwa Lesa wa mweo.”—Mateo 16:16.