Abeena-Loma 5:8—“Ilyo Twali Tucili Ababembu, Kristu Alitufwilile”

“Lesa alitulanga ukutemwa kwakwe pantu Ilyo Twali Tucili Ababembu, Kristu Alitufwilile.”—Abena Roma 5:8, Amalembo ya Calo Cipya.

“Leelo Leesa aalilangilila ukuti aalitutemwa, pantu ilyo twali tucili ababi, eelintu Kilisitu aatufwilile.”—Abeena-Loma 5:8; Bible wa Mushilo.

Umwalola Amashiwi Yaba pa Abena Roma 5:8

Yehovaa Lesa alilangile ukutemwa ilyo atumine Umwana wakwe Yesu Kristu ukwisafwila abantu ababembu. (Yohane 3:16) Apo tuli babembu, ilingi line ifyo tutontonkanya ne fyo tucita filapusana na mafunde ya kwa Lesa ayalungama. (Abena Kolose 1:21, 22) Na lyo line, Lesa alilengele twakwata ishuko lya kubwelela kuli ena “mu mfwa ya mwana wakwe.” (Abena Roma 5:10) Ici calilenga twakwata ishuko lya kuba ifibusa na Lesa no kuba ne subilo lya kwikala umuyayaya.—Abena Roma 5:11; 1 Yohane 4:9, 10.

Amashiwi Yambi Ayaba pa Fikomo Fimbi Mu Abena Roma Icipandwa 5

Umutumwa Paulo alembele Abena Kristu abaleika mu Roma aya mashiwi. Mu cipandwa 5 ice buuku lya Abena Roma, umutumwa Paulo alilondolwele ico Abena Kristu balingile ukulasekelela no kwanga pe subilo. (Abena Roma 5:1, 2) Ili isubilo “taliseebanya iyo” pantu lyashintilila pa kutemwa uko Lesa alangile ilyo apeele Umwana wakwe ukwisatufwila. (Abena Roma 5:5, 6) Yesu alitwalilile ukuba uwa cishinka kuli Lesa ukupusanako ne fyo umwaume wa kubalilapo Adamu acitile. (Abena Roma 5:19) Filya Adamu akeene ukumfwila Lesa calilenga abana bakwe balefyalwa ababembu no kulafwa. (Abena Roma 5:12) Lelo filya Yesu atwalilile ukuba ne cumfwila kuli Lesa mpaka ne mfwa, calilenga abantunse ababa ne cumfwila ukuba ne subilo lya kwikala umuyayaya.—Abena Roma 5:21.