Wok Blong Niuspepa, Radio Mo Televisin — Wajtaoa LAEBRI LONG INTENET

Wok Blong Niuspepa, Radio Mo Televisin

Man ya we bifo i sekretari blong ol ripot blong Waet Haos, Mike McCurry, i talem se: “Man we i statem Scripps niuspepa, Edward Willis Scripps, i bin talem se wok blong niuspepa, radio, mo televisin long Amerika i blong leftemap tingting blong olgeta we oli trabol, mo givim trabol long olgeta we oli no kea.” Nao hem i gohed se: “Yu no save leftemap tingting blong ol man no givim trabol long ol man, sipos yu lego olgeta oli stap we oli no gat save nating.”

“[McCurry] i makem se rod we yumi yusum blong kasem save long ol samting we i stap hapen long wol i nogud, from we niuspepa, radio, mo televisin [long Amerika] oli no givim ol ripot long saed blong wol raonabaot long yumi.” Samting we i rili nogud se ol man blong niuspepa, radio, mo televisin long U.S.A. oli bilif se “ol man Amerika oli no wantem harem ol nius blong wol.”—Graphic Arts Monthly.

I gat ol man blong Wekap! we oli stap olbaot long wol, mo wok blong Wekap! i blong givim save long saed blong ol samting we i stap hapen long wol, ol samting we ol sayentis oli faenemaot, mo ol save we i givhan long laef blong ol man. Buk ya i givhan long ol man blong oli bilif strong long gudfala Man We i Wokem Yumi. Oli stap wokem Wekap! long 87 lanwis, mo 61 long olgeta, oli karem ol semfala save long semtaem. !Oli wokem 21 milian kopi blong evri Wekap! !Ale, ridim Wekap! mo wekap gud!