Miting Blong Halpem Yumi Blong Mekem Disaepol
WAN MAK: From we i gat Distrik Asembli, ol kongregesen oli save jenisim lelebet program blong ol. Mo tu, oli no mas foget se long wik biaen long asembli, bambae i gat wan haf blong 30 menet long saed blong ol tok we i kamaot long asembli. Ol elda oli save jusum 2 no 3 brata we i gat ekspiryens, ale olgeta ya oli storeyan long ol stampa poen we i kamaot long taem blong asembli. Sipos ol brata oli rere gud long haf ya, bambae kongregesen i rimemba oltaem long ol bigfala poen blong asembli ya. Mo tu, bambae oli save mekem ol advaes we oli kasem i wok long laef blong ol mo long wok blong prij. Ol store mo ol tok bambae oli sot nomo mo oli mas go stret long wan poen nomo.
WIK WE I STAT LONG OKTOBA 1
Sing 92.
10 menet: Lokol mesej. Talemaot ol advaes blong Kingdom Wok we oli stret long kongregesen. Tokbaot 2 rod blong seremaot magasin we i wok gud long ples blong yufala.
20 menet: “Yumi Gohed Nomo Blong Tijim Ol Man.”—Toktok wetem kwestin mo ansa, mo sam pleplei. Long en blong haf 2, sam paenia no sam pablisa we oli naf gud oli mekem pleplei blong soemaot wei blong askem sabskripsen long ol man. Taem yufala i finisim haf 3 mo 4, tu pablisa we i gat paenia speret tufala i storeyan long fasin blong folem ol advaes ya long manis Oktoba mo long ol manis we i stap kam.
15 menet: “Yumi Kam Long Stret Taem—Wan Fasin Blong Tingbaot Ol Narafala.”—Wan elda we i gat oda long laef blong hem i mekem haf ya wetem kwestin mo ansa.
Sing 195 mo laswan prea.
WIK WE I STAT LONG OKTOBA 15
Sing 132.
10 menet: Lokol mesej. Ridim ol Tiokratik Nyus. Mekem ripot blong ol kaon. Talem tangkyu long kongregesen from ol presen mane we oli sanem long Sosaete. Sosaete i kasem ol mane ya mo hem i talem tangkyu long olgeta evriwan. Askem kwestin long wan famle we i gat plan blong prij wan ful wiken. Talemaot ol miting blong prij we i gud ol pablisa oli save long hem.
20 menet: Yumi glad nomo long wok we seket elda i mekem. Storeyan wetem kongregesen long ol poen we i stap long haf “Circuit Overseer” pej 47 kasem 50 [p.46-50] long buk Organized to Accomplish Our Ministry. Brata we i mekem tok ya bambae i talemaot ol gudfala blesing we yumi save kasem sipos yumi joen fulwan wetem seket elda taem hem i visitim yumi. Yumi save laekem tumas fasin fasgud long God we elda ya mo waef blong hem tufala i soemaot taem tufala i mekem wok blong God.
15 menet: Yumi Rere Gud Long Wok Blong Prij. Wan famle i mekem sam pleplei bifo we oli go long wok blong prij: Wan long olgeta i soemaot wan wei blong seremaot magasin, wan narafala i givimaot wan traket, mo nambatri i askem Baebol-stadi long man blong haos.
Sing 42 mo laswan prea.
WIK WE I STAT LONG OKTOBA 22
Sing 31.
5 menet: Lokol mesej. Tokbaot ol gudfala mak we ol pablisa oli kasem long wok blong askem sabskripsen long Wekap! magasin.
20 menet: “Yumi Joengud Oltaem Long Famle.”—Wan elda i givim tok ya. Yufala i save askem sam kwestin long kongregesen. Givim sam advaes we oli stret gud blong halpem ol famle blong oli kam strong moa long saed blong speret mo blong oli laekem wok blong prij.
20 menet: “Talemaot Gud Nyus—Yumi Storeyan Wetem Ol Man.”—Toktok wetem kwestin mo ansa. Mekem tu pleplei we oli rere gud blong soemaot olsem wanem blong statem wan toktok wetem ol man we oli stap long haos blong olgeta, mo ol man we oli stap wokbaot samples.
Sing 20 mo laswan prea.
WIK WE I STAT LONG OKTOBA 29
Sing 128
5 menet: Lokol mesej.
10 menet: Yumi Glad Long Wok Blong Ol Man Blong Givhan. Askem kwestin long ol brata we i lukaot long platfom mo saon, ol kaon, ol magasin mo welkam. Talem wanem wok olgeta wanwan oli stap mekem. Talem olsem wanem ol pablisa oli save givhan long olgeta, blong oli stap glad oltaem long wok ya we oli stap mekem.
15 menet: “Yumi Mekem Ol Gudfala Baebol-stadi Blong Tajem Hat Blong Ol Man.”—Toktok wetem kwestin mo ansa. Taem yufala i kasem haf 3 mo 5, mekem sam pleplei we oli stret gud long ples we yufala i stap long hem. Tokbaot ol gudfala poen we i stap long Wajtaoa blong Ogis 1, 1984. (Novemba 1, 1984)
15 menet: Yumi Rere Long Minista Wok Blong Manis Novemba. Tokbaot ol gudfala poen we ol pablisa oli save yusum blong seremaot New World Translation of the Holy Scriptures mo buklet “Look! I Am Making All Things New,” no buklet “Should You Believe in the Trinity? Jusum wan pablisa blong mekem pleplei. Bambae hem i soemaot long man blong haos from wanem i impoten blong ridim Baebol. Hem i save tekem 2 Timote 3:16, 17 blong soemaot long man ya se ol tok blong Baebol oli kamaot long God fastaem, mo ol tok ya oli gud long ol man. Biaen, hem i save soem Jon 17:3, nao hem i storeyan moa long gudfala blesing ya we man i kasem from we hem i lanem stret save. Biaen, pablisa i soemaot long man blong haos ol buk we yumi seremaot long manis Novemba.
Sing 8 mo laswan prea.