Miting Blong Kingdom Wok Blong Mei
Wik We i Stat Long Mei 2
Singsing 20
5 menet: Lokol mesej mo sam stret Advaes we i kamaot long Kingdom Wok Blong Yumi. Talem bakegen sam plan blong mekem moa long minista wok olsem, talemaot gud nyus long rod no prij long sapa.
15 menet: “Gohed Blong Mekem Ol Tiokratik Wok Long Sevis Yia Ya.” Kwestin mo ansa. Talem sam ekspiryens blong samfala we oli mekem haftaem paenia no tekem jans blong prij enitaem.
10 menet: “?Mi Mi Nidim Blong Stap Jenisim Tok Blong Mi?” Tu elda oli storeyan tugeta. Makemgud gudfala samting we i kamaot taem yumi joen oltaem long wok blong prij.
15 menet: “Yusum Ol Magasin Blong Talemaot Trutok.” Kwestin mo ansa. Eksplenem samting we i mekem ol magasin blong yumi oli defren long ol narafala magasin mo from wanem samting ya i mas pusum yumi blong seremaot olgeta long evri jans we yumi gat. Plan blong mekem tu smol pleplei.
Singsing 128 mo laswan prea.
Wik We i Stat Long Mei 9
Singsing 214
10 menet: Lokol mesej. Yumi mas lukaot ol jans blong mekem sabskripsen. Yumi wanwan i save putum wan mak blong traem kasem wan sabskripsen long manis ya. Plante taem i gud moa blong askem man blong mekem sabskripsen taem yu toktok long hem blong fastaem. Eksplenem olsem wanem blong fulumap tri pepa blong sabskripsen.
20 menet: “Mekem Ol Baebol Studen Oli Rere Long Minista Wok.” Kwestin mo ansa. Long paragraf 4 mo 5, mekem wan smol pleplei we i soemaot olsem wanem blong mekem studen i rere blong talemaot gud nyus. Baebol studen i stat wetem storeyan we i isi nomo taem hem i yusum Ol Sam 37:11. Tija i katem tok blong hem, mo i talem se: “Mi mi gat prapa skul blong mi.” Studen i no save olsem wanem blong ansa. Tufala i lukluk long Reasoning buk, pej 18-19, oli lukluk bakegen sam ansa we oli save givim mo oli jusumaot wan we studen i harem se i gud long hem. Studen i storeyan bakegen, givim gud ansa, mo frut we i kamaot i leftemap tingting blong hem.
15 menet: Wok Blong Bildim Haos Kingdom. Tu elda oli storeyan tugeta. Lukluk bakegen ol poen long rod blong fulumap fom blong volontia sipos wan i kasem ol mak we hem i naf blong joen long wok blong bildim Haos Kingdom. Makemgud (1) tu kampani blong man we oli nafgud blong save fulumap wan fom blong volontia mo (2) se ol volontia, mo olgeta we oli bin mekem wok ya finis, oli nidim blong fulumap wan nyufala fom bakegen. Afta, lukluk bakegen ol bigfala poen long wok blong Rijenol Bilding Komiti we i stap long pej 322-328 blong buk ya Jehovah’s Witnesses—Proclaimers of God’s Kingdom.
Singsing 139 mo laswan prea.
Wik We i Stat Long Mei 16
Singsing 173
10 menet: Lokol mesej. Ridim ripot blong kaon mo talem tangkyu long presen mane. Lukluk bakegen long ol buklet we yumi save seremaot, mo pulum tingting long sam poen we yumi save yusum.
17 menet: “Gobak Long Ol Man We Oli Soem Intres.” Kwestin mo ansa. Mekem pleplei long wan no tu fasin blong storeyan we haf ya i tokbaot.
18 menet: “Mekem Tiokratik Skul i Givhan Fulwan Long Yu.” Tok mo kwestin mo ansa we elda we i lukaot long skul i mekem. Leftemap tingting blong evriwan blong akseptem mo mekem ol tok blong olgeta. Makemgud from wanem i impoten blong ridim Baebol riding blong evri wik. Eksplenem olsem wanem advaes we elda i givim long ol studen i save givhan long ful kongregesen.
Singsing 53 mo laswan prea.
Wik We i Stat Long Mei 23
Singsing 192
10 menet: Lokol mesej. Lukluk bakegen sam gudfala haf long ol nyufala magasin, mo plan blong mekem wan no tu smol pleplei. Talemaot ol spesel plan blong prij long Mei 30.
20 menet: “?Yu Yu Soem Respek Long Ol Man Taem Yu givim Advaes Long Olgeta?” Tok we wan elda i mekem, we i stanap long Febuwari 1, 1994, Wajtaoa, pej 25-29.
15 menet: Tok we wan elda i mekem we i stanap long save long buk ya Ol Rul Blong Mekem Minista Wok Blong Yumi pej 78 kasem 91.
Singsing 19 mo laswan prea.
Wik We i Stat Long Mei 30
Singsing 204
10 menet: Lokol mesej. Tiokratik Nyus.
15 menet: Lukluk bakegen buk blong seremaot long Jun: Life—How Did It Get Here? By Evolution or by Creation? Pulum tingting long ol naes pija olsem olgeta we oli stap long pej 6, 236, 243, mo 245. Askem wan pablisa we i gat gudhan blong mekem wan smol pleplei we i stanap long wan long ol pija ya, taem hem i yusum Revelesen 21:4. Talem plan blong prij long wik we i stap kam.
20 menet: Tok we wan elda blong sevis komiti i mekem we i stanap long buk ya Ol Rul Blong Mekem Minista Wok Blong Yumi pej 92 kasem 104.
Singsing 12 mo laswan prea.