Miting Blong Kingdom Wok Blong Julae

Wik We i Stat Long Julae 1

Singsing 90

12 menet: Lokol mesej. Sam Advaes long Kingdom Wok Blong Yumi. Tokbaot ripot blong Epril blong ful kantri mo blong kongregesen.

15 menet: “Holem Promes Blong Yumi Evri Dei.” Kwestin mo ansa. Tokbaot sam poen long buk ya Insight, Buk 2, pej 1162, haf 6 mo 7, blong soem from wanem wan promes i wan samting we yumi mas tinghevi long hem.

18 menet: “Folem Jeova, Soem Trufala Fasin Kea Long Ol Narafala.” (Haf 1-3) Tokbaot faswan haf blong eksplenem stampa tok. Jusum ol buklet we kongregesen i gat, we ol manples oli save intres long olgeta. Nao tokbaot haf 2 mo 3 nomo. Mekem pleplei blong soem olsem wanem blong storeyan fastaem, mo blong mekem visit bakegen wetem buklet ya ?God i Rili Kea Long Yumi? Soem olsem wanem ol pablisa oli save mekemap prapa storeyan blong olgeta, mo yusum wan narafala buklet we i stret long ples blong yufala.

Singsing 112 mo laswan prea.

Wik We i Stat Long Julae 8

Singsing 43

10 menet: Lokol mesej. Ripot blong ol kaon.

15 menet: “Folem Jeova, Soem Trufala Fasin Kea Long Ol Narafala.” (Haf 4 mo 5) Tokbaot haf 4 mo 5 nomo wetem sam poen long buklet ya When Someone You Love Dies. Nao mekem pleplei long ol rod blong storeyan we oli stap ya, blong soem olsem wanem blong storeyan fastaem we yumi mitim wan man, mo taem yumi visitim hem bakegen.

20 menet: “I Nidim Plante Moa Brata Blong Joen Long Wok Blong Paenia.” Kwestin mo ansa. Sipos i gat taem, tokbaot sam rod blong kasem naf mane blong pem ol samting, olsem Wajtaoa blong Septemba 15, 1993, pej 28-​31, i talem.

Singsing 16 mo laswan prea.

Wik We i Stat Long Julae 15

Singsing 162

10 menet: Lokol mesej.

20 menet: “?Yu Yu Traem Finis Wok Blong Prij Long Sapa?” Wan tok wetem sam kwestin mo ansa, mo askem samfala blong talem ekspiryens. Tokbaot ol samting we oli bin kamaot taem yufala i prij long sapa long ples blong yufala. Tokbaot sam ekspiryens we oli soemaot gudfala frut blong wok blong prij long sapa. Talem taem blong ol miting blong prij long sapa blong ful wik.

15 menet: “Folem Jeova, Soem Trufala Fasin Kea Long Ol Narafala.” (Haf 6-8) Yusum laswan haf blong pulum evriwan blong mekem ol visit bakegen kwiktaem, long olgeta we yumi bin livim ol buklet wetem olgeta. Yusum haf 6 mo 7 blong mekem pleplei blong seremaot buklet ya Purpose of Life, mo blong statem stadi long faswan japta blong Save buk taem yumi gobak. Mekem ol pablisa oli tingbaot se oli save mekemap prapa storeyan blong olgeta blong seremaot ol narafala buklet, folem eksampel we Kingdom Wok Blong Yumi i givim.

Singsing 64 mo laswan prea.

Wik We i Stat Long Julae 22

Singsing 108

10 menet: Lokol mesej. Blong smoltaem, tokbaot ol laswan magasin. Soem sam gudfala poen we yumi save yusum taem yumi seremaot ol magasin ya.

15 menet: Traehad Blong Kasem Mak We Yu Kam Wan Fultaem Paenia. Wan elda i storeyan wetem wan no tu yangfala long ol save long Wajtaoa blong Desemba 15, 1988, (Engglis mo Franis) pej 25 kasem 27. Ol yangfala oli stap traem blong mekem disisen long ol mak we oli wantem kasem afta we oli finis long haeskul. Oli soem se oli intres long mane we oli save mekem sipos oli jusum wan wok long wol. Elda i soem sam gudfala risen from wanem i moagud blong traehad blong kam wan paenia. Ol yangfala ya oli agri, be oli ting se oli no save kasem naf mane blong stap laef sipos oli paenia. Elda i talem sam ekspiryens we oli kamaot long Wajtaoa ya, blong soem se i no strong tumas blong paenia, mo oli naf blong kasem mak ya we i karem bigfala glad. Storeyan ya i finis taem ol yangfala oli talem tangkyu long elda from ol advaes we hem i givim, mo oli talem se bambae oli traehad blong kasem mak we oli joen fulwan long wok blong Kingdom.

20 menet: “?Olsem Wanem Blong Mekem Disaepol Wetem Buk Ya Save?” Wan tok we i stanap long haf 12 kasem 16 blong pepa we i stap long medel blong Kingdom Wok Blong Yumi long Jun 1996. Mekem tu pleplei blong soem wan Baebol stadi. Faswan pleplei i soem olsem wanem blong trenem studen blong mekemrere stadi, mo putum laen aninit long ol impoten wod we oli soem stret ansa long ol kwestin. Namba tu pleplei i soem wanem we yu save talem blong pulum Baebol studen blong kam long Pablik Tok mo Wajtaoa Stadi.

Singsing 116 mo laswan prea.

Wik We i Stat Long Julae 29

Singsing 212

10 menet: Lokol mesej. Tokbaot “Program Blong Nekiswan Seket Asembli.”

20 menet: ?Wanem i Save Givhan Long Yumi Blong Statem Wan Baebol Stadi? Wan elda i lidim storeyan wetem tu no tri we oli gat plante Baebol stadi. Oli tokbaot sam rod blong givhan long yumi blong statem wan stadi: (1) Prea blong askem help blong Jeova. (2) Joen oltaem long ol defren haf blong wok blong prij, blong faenem olgeta we oli intres. (3) Raetemdaon olgeta we oli soem intres, mo gobak kwiktaem long olgeta. (4) Askem evri man we i soem intres, blong mekem wan Baebol stadi. (Lukluk Wajtaoa blong Febuwari 15, 1996, pej 20, aninit long smol stampa tok ya “Statem Ol Baebol Stadi.”) (5) Kam moagud long fasin blong tij. Yusum fofala poen we Wajtaoa blong Ogis 1, 1984 (Engglis) pej 13 kasem 17, i tokbaot.

15 menet: Lokol nid. Sipos no, wan elda i save givim tok: “Mekem Man i Haremgud mo Leftemap Tingting Blong Hem​—Ol Sas Ston We Oli Gat Plante Saed,” long Wajtaoa blong Janewari 15, 1996, pej 21 kasem 23.

Singsing 165 mo laswan prea.