Miting Blong Kingdom Wok Blong Epril

Wik We i Stat Long Epril 7

Singsing 100

12 menet: Lokol mesej. Jusum sam Advaes long Kingdom Wok Blong Yumi. Talem sam poen blong yusum blong seremaot ol nyufala Wajtaoa mo Wekap!

15 menet: “Fulap Man Oli Stap Joen Wetem Yumi.” Kwestin mo ansa. Tokbaot ol bigfala poen long Wajtaoa blong Ogis 15, 1993, pej 12-​17.

18 menet: “Halpem Ol Man We Oli No Waes Blong Kasem Save.” Kwestin mo ansa. Tokbaot ol gudfala samting long saed blong buklet ya Samting We God i Wantem: isi fasin blong stadi, ol kwestin we oli stret long taem blong yumi, ol naesfala pija, fulap vas blong Baebol. Makemgud se yumi mas traem statem ol stadi we bambae oli gohed long buk ya Save. Askem long wan pablisa we i naf, blong mekem wan pleplei long haf 4, blong soem olsem wanem blong statem wan stadi. Leftemap tingting blong ol papa mama long kongregesen, blong oli stadi buklet ya wetem ol smol pikinini blong olgeta.

Singsing 130 mo laswan prea.

Wik We i Stat Long Epril 14

Singsing 107

10 menet: Lokol mesej. Ripot blong ol kaon. Sipos i gat taem, tokbaot smol ol store long wok blong prij long ples blong yufala, taem yufala i stap seremaot buklet ya Samting We God i Wantem, mo taem yufala i statem ol Baebol stadi long hem.

15 menet: “Lidim Ol Studen Oli Go Long Ogenaesesen We i Joen Wetem Nem Blong Yumi.” (Haf 1-6) Kwestin mo ansa. Ridim haf 5 mo 6 wetem ol vas tu. Talem sam store we oli kamaot long ples blong yufala long saed blong sam Baebol studen we oli bin lukluk video kaset ya, Jehovah’s Witnesses​—The Organization Behind the Name.

20 menet: “Tijim Ol Narafala Long Samting We God i Wantem.” Askem ol kwestin long kongregesen long saed blong haf 1-4. Mekem ol pleplei long haf 5. Yusum fo defren fasin blong prij​—long rod, long doa blong haos, long stoa, mo long ples blong spel. Talem long evriwan blong no fogetem blong karem ol buklet mo ol magasin long naet ya, blong oli save seremaot olgeta long wok blong prij.

Singsing 126 mo laswan prea.

Wik We i Stat Long Epril 21

Singsing 113

15 menet: Lokol mesej. Eksplenem se i no let tumas blong fulumap pepa blong haftaem paenia long Mei. Tokbaot Ansa Long Wan Kwestin, mo talem nem blong ol buk we i no gat long laebri blong Haos Kingdom.

15 menet: “Lidim Ol Studen Oli Go Long Ogenaesesen We i Joen Wetem Nem Blong Yumi.” (Haf 7-14) Kwestin mo ansa. Askem long wan we i gat gudhan blong tij, blong mekem wan pleplei blong soem olsem wanem blong storeyan long kaen mo trufala fasin wetem wan studen, long saed blong nid blong kam long ol miting.

15 menet: Yusum Fulwan Ol Buk Blong Yumi. Wan elda i givim tok ya. (Lukluk Kingdom Wok Blong Yumi, Septemba 1995, pej 3-5.) Ol ripot oli soem se plante taem ol kongregesen oli odarem moa magasin bitim namba we oli seremaot evri manis. Kolosap stret haf blong olgeta magasin we oli odarem, oli no stap long ol ripot blong prij. (Talem namba long kongregesen blong yufala.) ?Wanem i stap hapen long ol magasin ya? Maet plante oli stap slip nomo long wan bokis, no maet yumi bin sakem olgeta long tin doti. ?Olsem wanem blong blokem samting ya? Wokem fasin ya blong askem olgeta man we yumi mitim olgeta, blong karem sam magasin. I nogud blong westem ol olfala magasin. Putum wan mak we i stret long yu long saed blong namba blong ol magasin we yu yu naf blong seremaot long wan manis, nao traehad blong kasem mak ya. Gohed blong folem fasin ya blong ridim ol magasin taem oli jes kamaot nomo, mo traem tingbaot ol nyufala rod blong ­seremaot ol magasin long wok blong prij. Joen long wok blong seremaot ol magasin oltaem. No fogetem se yumi mas putum mane we yumi kasem from ol magasin i go long spesel bokis long kongregesen.

Singsing 128 mo laswan prea.

Wik We i Stat Long Epril 28

Singsing 121

15 menet: Lokol mesej. Talem long evriwan blong putum ripot blong prij blong Epril. Talemaot nem blong olgeta we bambae oli haftaem paenia long Mei. Talem ol spesel plan we kongregesen i stap mekem blong prij. Long Mei, yumi mas mekem wan spesel fasin traehad blong gobak long ol man we yumi bin livim wan buklet wetem olgeta, mo traem statem ol nyufala Baebol stadi. Blong smoltaem, talem sam rod blong askem long kaen fasin, nem mo adres blong ol man we yumi tekem jans blong prij long olgeta. Maet yu talem nem mo adres blong yu fastaem, nao askem long olgeta sipos i gat wan namba we yu save telefon i go long hem blong toktok wetem olgeta. Askem long kongregesen blong talem sam rod we oli bin yusum mo oli wokgud.

15 menet: “?From Wanem Oli Mekem Olsem?” Wan elda i tokbaot haf ya wetem tu no tri fultaem paenia. (Sipos i no gat fultaem paenia long kongregesen, toktok wetem samfala we oli haftaem paenia plante taem.) Tokbaot ol bigfala poen long haf ya, “Ol Paenia Oli Givim Mo Oli Kasem Blesing.” long Wajtaoa blong Janewari 15, 1994. Askem long olgeta wanwan blong eksplenem from wanem oli stat long wok blong paenia. Askem long olgeta blong talem sam store blong soem ol blesing we oli bin kasem taem oli mekem disisen ya.

15 menet: Lokol nid. Maet ol elda oli yusum taem ya blong givim ol save long saed blong sam spesel nid blong kongregesen.

Singsing 129 mo laswan prea.